Morgunblaðið - 21.12.2008, Blaðsíða 44

44 Sakamál
MORGUNBLAÐIÐ SUNNUDAGUR 21. DESEMBER 2008
Claus von Bülow
 Fæddist 11. ágúst 1926 í Kaupmannahöfn.
 Foreldrar hans voru Jonna, dóttir Fritz
Bülow, lögfræðings og dómsmálaráð-
herra Danmerkur 1910-1913, og Svend
Borberg, leikskáld, sem eftir stríð var
sakaður um að hafa verið vinveittur
nasistum. Þau skildu þegar Claus var
fjögurra ára.
 Hann var sendur til náms í Sviss, síð-
an Englandi, þar sem hann útskrifaðist
frá Trinity College í Cambridge. Hann
starfaði sem lögfræðingur í London á
sjötta áratugnum.
Martha Sharp
Crawford von Bülow
 Fæddist 1. september 1932 í Manassas í
Virginíu.
 Hún var einkabarn foreldra sinna, Annie-
Laurie Warmack og Georges Crawfords auð-
jöfurs, sem lést 1936 og arfleiddi dóttur sína
að milljónum dollara. Móðir hennar gift-
ist Russell Aitken, sem var þekktur
myndhöggvari og rithöfundur.
 Hún útskrifaðist frá Chapin-
stúlknaskólanum í New York, en
fór ekki í frekara framhaldsnám
þrátt fyrir góðar ein-
kunnir.
Eftir Valgerði Þ. Jónsdóttur
vjon@mbl.is
M
artha von Bülow, eða
Sunny eins og þessi
fræga bandaríska
auð- og yfirstétt-
arkona var oftast
kölluð, lést hinn 6. þessa mánaðar,
76 ára að aldri, á hjúkrunarheimili í
New York. Hún hafði legið meðvit-
undarlaus í 28 ár, eða allt frá því hún
féll í dá á Clarendon Court, fjöl-
skyldusetri sínu í Newport, Rhode
Island, fyrir nákvæmlega 28 árum,
21. desember 1980. Og ekki í fyrsta
skipti. Sama var upp á teningnum
26. desember 1979, en þá var hún í
snarhasti keyrð á sjúkrahús þar sem
hún var endurlífguð.
Martha von Bülow tók með sér í
gröfina leyndarmálið um svefninn
langa, sagði heimspressan. Að vísu
ekki alveg hárnákvæmt, því einn,
sekur eða saklaus, en ofar moldu,
hlýtur að vita leyndarmálið; Claus
von Bülow, þáverandi eiginmaður
hennar og erfingi, sem sakaður var
um að hafa að yfirlögðu ráði spraut-
að hana með of stórum skammti af
insúlíni. Hann bar tvívegis fyrir
rétti, 1982 og 1985, að eiginkona sín
hefði sjálf verið völd að ástandinu og
var sýknaður í seinni réttarhöld-
unum. Vörn lögfræðings hans, Alans
Dershowitz, byggðist á því að frúin,
sem var sykursjúk, hefði verið
áfengissjúklingur og neytt lyfja í svo
miklum mæli að hún hefði hlotið
heilaskaða. Engu að síður þótti
mörgum Claus von Bülow tor-
tryggilegur í meira lagi – og þykir
enn.
„Vandamálið við Claus er að hann
dvelur ekki í Sannleikshöllinni.
Sjáðu til, hann er loddari. Hann hef-
ur alltaf verið loddari. Nafn hans er
plat. Líf hans er gervi. Hann hefur
skapað persónu, sem hann leikur,“
sagði einn nánasti vinur Claus von
Bülows við Dominick Dunne, sem
kynnti sér sögu von Bülow-hjónanna
og fjallaði um síðari réttarhöldin
fyrir Vanity Fair. Og þannig hefst
einmitt grein Dunnes í tímaritinu í
ágúst 1985, en hann hefur árum
saman fjallað um sakamál fræga
fólksins og er býsna lunkinn að
koma sér í mjúkinn hjá málsaðilum.
Fráskilin, fjáð og
forkunnarfögur
En eitt er að vera loddari, annað
morðingi. Leiðir þeirra Claus og
Sunny lágu saman í kvöldverðarboði
í London 1966. Fráskilin, fjáð og
forkunnarfögur kom prinsessa
Martha von Auersperg, eins og hún
gat með réttu kallað sig þótt hún
væri nýskilin við austurríska prins-
inn og tenniskennarann Alfred von
Auersperg, til borgarinnar með
börnin sín tvö, Annie-Laurie prins-
essu, sjö ára, og Alexander Georg
prins, sex ára, til að lyfta sér svolítið
upp.
Claus von Bülow bauð af sér góð-
an þokka, var fágaður, metn-
aðargjarn og snobbaður, sem lýsti
sér m.a. í því að hann hafði tekið upp
eftirnafn móður sinnar svo fólk
gengi ekki að því gruflandi að hann
væri sannur aðalsmaður. Hann var
lögfræðingur að mennt og starfaði
sem slíkur á sjötta áratugnum, en
gerðist aðstoðarmaður olíu-
auðjöfursins J. Pauls Gettys 1959,
sem þá hafði nýverið flutt höf-
uðstöðvar sínar frá Los Angeles til
London. Starf hans fólst m.a. í að
sinna flestum erindum Gettys á er-
lendri grund, því þeim gamla var
raun að flugi. Á þeim tíma þegar
spilavíti voru ólögleg var von Bülow
tíður gestur í boðum, sem efnt var
til í þeim tilgangi að spila fjár-
hættuspil. Hann hafði líka getið sér
orð fyrir að vera besti kotruspilari
Evrópu og töluverður kvennabósi.
Þótt Sunny hafi verið orðin veru-
lega þreytt á daðri og dufli aust-
urríska prinsins síns, framhjáhaldi
hans og lygum féll hún samstundis
fyrir von Bülow og virðist hrifningin
hafa verið gagnkvæm, þótt ólík
væru. Hún var feimin og undi sér
vel í allsnægtum með fjölskyldu
sinni og í þröngum vinahópi, hann
var sjálfsöruggur og mikið sam-
kvæmisljón.
Þau giftust sumarið 1966, fluttust
ásamt börnum hennar til New York
og árið eftir fæddist þeim dóttirin
Cosima. Í fyrstu bjó fjölskyldan í
glæsiíbúð Sunny við Fimmta breið-
stræti en fljótlega varð Clarendon
Court, 23 herbergja villa í gregor-
ískum stíl í Newport á Rhode Island
aðalheimili hennar. Og vettvangur
harmleiksins.
Hjónaband á brauðfótum
Meint áfengis- og eiturlyfjafíkn
Sunny, sem gerði eiginmanninn að
aðalerfingja auðæfa sinna, er sögð
hafa orðið til þess að smám saman
fór að síga á ógæfuhliðina í hjóna-
bandinu. Árið 1979 var ljóst að ást-
arglæðurnar voru kulnaðar, þótt
samskipti þeirra virtust á vinalegum
nótum. Þau bjuggu saman að nafn-
Svefninn langi
Á meðan allt lék í lyndi Sunny og Claus von Bülow uppábúin í samkvæmi árið 1968. Leiðir þeirra lágu saman 1966 þegar Sunny var nýskilin við austurrískan eiginmann sinn.
 CLAUS VON BÜLOW VAR FUNDINN SÝKN SAKA AF MORÐTILRAUN Á FORRÍKRI EIGINKONU
SINNI 1985.  HÚN ER NÝLÁTIN EFTIR 28 ÁR Í DÁI.  HANN UNIR SÉR VEL Í LONDON.