Saga - 1952, Qupperneq 65

323
lýðr, er slíkan biskup má hafa yfir sér. En
firir sakir eins lutar, þess er þú hefir sagt mér:
at þú hefir II konur áttar, þá þori eg eigi at
vígja þik, án leyfis páfa og vitorði hans sjálfs.
Nú firir þessa sök er þat várt ráð, at þú farir
sem skjótast máttu á fund páfa .. .1)“.
Engin tormerki virðist hafa verið á biskups-
vígslu Klængs biskupsefnis. Hann var kjörinn
til biskups sumarið 1151 og fór utan samsum-
ars. Á fund páfa hefur hann ekki þurft að fara,
því að honum hefði ekki tekizt að fara til Rómar
og norður aftur á tímabilinu frá því að hann
kom fyrst á fund Áskels erkibiskups í Lundi
og þangað til hann var vígður, 6. apríl 1152.
Þetta, sem nú hefur verið sagt, virðist nægi-
legt til að sanna það, að Jóra biskupsdóttir hef-
ur ekki verið fædd áður en faðir hennar varð
biskup.
Þá kemur til athugunar, hvort líkur séu til
þess, að ástamál Klængs biskups og Yngvildar
hafi átt sér stað, eins og getið hefur verið til,
á tímabilinu frá því hann kom út 1152 og til
1156. Ekki þarf að eyða mörgum orðum að
þessu. Ekkert bendir til, að svo hafi verið. Rök
B. Th. Melsted, er áður voru greind, eru á mis-
skilningi byggð, því að hann gætir þess ekki,
að Einar á Staðarhóli og Klængur biskup voru
þremenningar að frændsemi. Það var ærið til,
að Sturla vantreysti óhlutdrægni biskups. Kem-
ur það einmitt síðar fram, að Klængur biskup
fylgdi Einari að málum í viðureigninni við
Sturlu, en Brandur Sæmundsson Hólabiskup
1) Bisk. I. 160.