Saga - 1952, Side 85

343
V.
Það er hulið, hvar Yngvildur Þorgilsdóttir
hefur búið eftir komu sína frá Noergi, og
ókunnugt er, hvar Jóra biskupsdóttir er alin
upp, en manni finnst það liggja í hlutarins
eðli, að hún hafi alizt upp með móður sinni. En
svo gerist það, sem áður var sagt, veturinn 1186,
ellefu árum eftir komu Þorláks biskupsefnis í
Skálholti, en 10 árum eftir dauða Klængs bisk-
ups, að vér hittum Yngvildi í Hruna. Þar dvelst
hún hjá Jóru dóttur sinni og Þorvaldi Gizurar-
syni manni hennar. Og þá skilst oss þegar, að
mikil gersemi hlýtur þessi mær að hafa verið,
þar sem þessi ágæti ungi maður, að ættgöfgi og
öðrum kostum, valdi sér hana fyrir eiginkonu.
Sú staðreynd, að Þorvaldur varð tengdason-
ur Yngvildar frá Staðarhóli beinir huganum
að samskiptum hans og Þorláks biskups. Þor-
valdur hefur verið unglingur nálægt 15 ára að
aldri, þegar Þorlákur Þórhallsson tók við for-
ráðum Skálholtsstóls. En sú tókst viðkynning
þeirra í millum, að Þorvaldur átti fyrir sér
að verða einn þeirra þriggja manna, sem
Þorlákur biskup virði mest, eins og segir í
Prestssögu Guðmundar góða og um Þorvald
bætir sagan við: „váru honum flestir hlutir
betr gefnir en þeim öðrum, er honum váru sam-
tíma"1). Hinir tveir, er Þorlákur biskup lagði
mesta virðing á, voru Páll Jónsson systurson-
ur hans og eftirmaður á Skálholtsstóli, og Guð-
1) Sturl. I. 140.