SunnudagsMogginn - 15.11.2009, Síða 8

8 15. nóvember 2009
ÞEGAR Kareem Abdul-Jabbar greindi frá því að hann
væri haldinn hvítblæði var hann óvenju málgefinn.
Hann lýsti því hvernig hann hefði við að heyra orðið
séð sæng sína uppreidda og léttinum við að komast
að því að hann væri með sjaldgæft afbrigði af sjúk-
dómnum og líkurnar á að hann gæti lifað góðu lífi væru
þó nokkrar. „Ég hef aldrei verið sú manngerð, sem
deilir einkalífi sínu með öðrum,“ sagði hann. „En ég
get hjálpað til við að bjarga mannslífum. Það er mik-
ilvægt að maður eins og ég tali um þetta.“
Abdul-Jabbar er mikill áhugamaður um djass. Sjálfs-
ævisögu sína nefndi hann Giant Steps og er nafnið
sótt beint til samnefndrar plötu saxófónleikarans
Johns Coltranes.
Árið 1983 brann hús Abduls-Jabbars til grunna og
stórt djassplötusafn hans með. Sagan segir að margir
stuðningsmenn Lakers hafi sent honum og fært plötur
til að bæta honum missinn.
Í bók sinni On The Shoulders of Giants, sem fjallar
um uppgang svartrar menningar í Harlem, segir Abdul-
Jabbar frá virðingu sinni fyrir Louis Armstrong. Hann
lýsir því að móðir hans hafi alltaf borið virðingu fyrir
tónlistarmanninum Armstrong, en þegar hann tók af-
stöðu gegn misrétti gegn blökkumönnum og ákvað að
fara ekki til Sovétríkjanna sem sérlegur menningar-
erindreki Bandaríkjanna, þótt það kallaði yfir hann
reiði Dwights Eisenhowers forseta, hafi móðir hans
farið að bera virðingu fyrir manninum Armstrong.
Þetta kenndi Abdul-Jabbar að það væri „ekki nóg að
vera góður trompetleikari eða körfuboltaleikmaður,
þú þarft að vera góður félagi í þínu samfélagi“.
Ekki nóg að vera góður í körfubolta
Abdul-Jabbar ber virðingu fyrir þeim, sem halda sig
ekki til hlés heldur taka samfélagslega ábyrgð.
Morgunblaðið/Ólafur K. Magnú
K
areem Abdul-Jabbar greindi frá því í
liðinni viku að hann hefði greinst
með mergfrumuhvítblæði. Abdul-
Jabbar er einhver besti miðherji
körfuboltasögunnar. Hann er þekktastur fyrir að
hafa leikið með Magic Johnson í liði Los Angeles
Lakers á níunda áratugnum, en alls lék hann í
20 ár í NBA-deildinni bandarísku og skoraði á
þeim tíma fleiri stig í deildinni en nokkur leik-
maður fyrr og síðar. Hann var sexfaldur meistari
í NBA-deildinni og 19 sinnum valinn til að leika
í stjörnuleik deildarinnar.
Ferill þessa magnaða leikmanns spannaði hins
vegar næstum því þrjá áratugi og þau lið, sem
hann lék með í menntaskóla og háskóla voru
nánast ósigrandi.
Abdul-Jabbar var upprunalega skírður Ferd-
inand Lewis Alcindor. Hann fæddist í New York,
nánar tiltekið í Harlem, 16. apríl 1947 og síðar
fluttu foreldrar hans í hverfið Inwood nyrst á
Manhattan. Hann byrjaði snemma að spila
körfubolta og vakti þegar mikla athygli fyrir leik
sinn með liði Power Memorial Academy-
menntaskólans í New York. Á þremur árum tap-
aði liðið aðeins einum leik. Þá þegar var hann
orðinn rúmlega tveir metrar á hæð.
Þegar kom að því að hefja háskólanám hélt
hann til Kaliforníu. Fyrsta árs nemar máttu ekki
leika með háskólaliðinu, en næstu þrjú árin,
1967 til 1969, leiddi hann lið UCLA, Bruins, að
meistaratitli. Slíkir voru yfirburðir Alcindors að
árið 1968 bannaði háskóladeildin troðslur, að-
allega til að hemja hann og voru þær ekki leyfð-
ar aftur fyrr en átta árum síðar. Með Alcindor
innanborðs vann liðið 88 leiki og tapaði tveim-
ur.
Á þessum árum sendu Bandaríkjamenn lið há-
skólaleikmanna á Ólympíuleikana. Árið 1968
neitaði Alcindor að taka þátt í Ólympíuleikunum
til að mótmæla kynþáttamisrétti. Um svipað
leyti fór hann að hneigjast til íslams, gerðist
múslimi og tók sér nafnið Kareem Abdul-
Jabbar, sem merkir örlátur, öflugur þjónn Allah.
Þremur árum síðar skipti hann formlega um
nafn og var deilt um þá ákvörðun hans í fjöl-
miðlum. Abdul-Jabbar útskýrði ákvörðun sína
þannig að hann hefði viljað leita aftur til upp-
runa síns og „margir þrælanna, sem voru fluttir
hingað, voru múslímar. Fjölskylda mín var flutt
til Ameríku af frönskum plantekrueiganda sem
hét Alcindor og kom hingað frá Trinidad á
átjándu öld.“
Árið 1969 gekk Abdul-Jabbar til liðs við NBA-
liðið Milwaukee Bucks og setti strax mark sitt á
deildina. Árið 1971 vann hann sinn fyrsta meist-
aratitil, en það varð bið eftir þeim næsta.
Árið 1975 keyptu Los Angeles Lakers mið-
vörðinn hávaxna. Liðið var öflugt með Abdul-
Jabbar innan borðs, en ekki nógu gott til að
verða meistari. Það breyttist árið 1979 þegar
Earvin „Magic“ Johnson kom til liðsins. Lakers
urðu meistarar 1980 (sigruðu Fíladelfíu í úrslit-
um), fyrsta tímabilið með Johnson, og end-
urtóku leikinn 1982 (sigruðu Fíladelfíu), 1985
(sigruðu Boston), 1987 (sigruðu Boston) og 1988
(sigruðu Detroit). Lið Lakers komst einnig í úr-
slit síðasta keppnistímabil Abduls-Jabbars, 1989,
en laut þá í lægra haldi fyrir Detroit Pistons. Þá
var Abdul-Jabbar orðinn 42 ára.
Abdul-Jabbar er 2,18 metrar og þegar hann
var upp á sitt besta var hann kóngurinn í teign-
um. Sveifluskot hans var baneitrað. Nánast
ógerningur var að verjast þessu skoti og var
hann jafnvígur á báðar hendur. „Himnasveiflan“
varð hans einkennismerki ásamt gleraugunum,
sem hann notaði í leikjum vegna vegna þess
hvað andstæðingar hans voru gjarnir á að pota í
augun á honum í baráttunni um fráköstin.
Konungur
himnasveiflunnar
Kareem Abdul-Jabbar
er einn magnaðasti leikmaður
körfuboltasögunnar
Vikuspegill
Karl Blöndal kbl@mbl.is
Kareem Abdul-Jabbar lyftir
sér upp í sveifluskot í leik
gegn erkióvinunum í Boston
Celtics. Robert Parish og
Dennis Johnson fylgjast með
án þess að fá rönd við reist..
Fálátur foringi
Þótt Abdul-Jabbar legði sig all-
an fram á vellinum, gaf hann
lítið af sér utan vallar. Hann
var fálátur í garð fjölmiðla og
svaraði ekki blaðamönnum.
Magic Johnson segir í ævi-
sögu sinni að þegar hann var
boltastrákur hjá LA Lakers
hafi Abdul-Jabbar ekki virt sig
viðlits þegar hann reyndi að
ávarpa hann. Þetta kann að
hafa verið hlédrægni, en átti
líklega þátt í að meira bil var á
milli Abduls-Jabbars og
áhangenda liðsins en ella
hefði verið.
www.noatun.is
HELGARSTE
IKGIRNI
LEG
Ódýrt
og gott
í Nóatúni
BBESTIR
Í KJÖTI
ÚRKJÖTBOR
ÐI
ÚR
KJÖTBORÐI
LAMBAHRYGGUR
MEÐ VILLISVEPPUM
1998
KR./KG