SunnudagsMogginn - 15.11.2009, Blaðsíða 40

40 15. nóvember 2009
É
g hef alltaf haft töluverðan
áhuga á mat, enda er mamma
góður kokkur, en ég hef aldrei
eldað sérstaklega mikið sjálf,“
segir Elín Helga Egilsdóttir, sem hefur
vakið athygli fyrir fjörlegt matarblogg á
Moggavefnum. „Svo byrjaði ég að hreyfa
mig reglulega fyrir einu og hálfu ári og
ákvað þá að gera þetta almennilega og
taka matinn í gegn í leiðinni.“
Grunnástæðan fyrir því að hún fór
þessa leið er að hún vildi vita upp á hár
hvað hún borðaði. „Með því að búa til
matinn sinn sjálfur veit maður nákvæm-
lega hvað er í honum og hvað maður
setur ofan í sig. Það er alveg sama hvort
það er kjötréttur eða brauð; það gildir
það sama um hvorttveggja, að ef þú
kaupir það úti í búð þá veistu ekki hvað
er mikið af hverju innihaldsefni í því. Ég
er með fullkomnunaráráttu á háu stigi
þannig að það hentar mér svakalega vel
að gera þetta svona,“ segir hún og hlær.
Þannig varð matargerðin hluti af holl-
ustuátaki. „Eða það byrjaði þannig,“
segir Elín. „Núna er þetta orðið almenn-
ara hjá mér og ég elda ekki lengur bara
100% hollusturétti, heldur blanda þessu
svolítið saman.“
Stutt, laggott og einfalt
Hún segir hráefnin skipta mestu máli
þegar kemur að matseldinni. „Ég
myndi að sjálfsögðu kaupa allt lífrænt
ræktað ef það væri ekki svona dýrt, en
reyni að kaupa annað sem ég tel að sé
gott í staðinn. Ég á mér svo sem engan
sérstakan uppáhaldsmat en borða
reyndar miklu meira af kjúklingi og
fiski en af rauðu kjöti, ekki endilega af
því að það sé hollara heldur er ég bara
persónulega hrifnari af þeim mat. Og
mér finnst ofsalega gaman að breyta til
og prófa nýja hluti svo ég held mig
Morgunblaðið/Heiddi
Naslað án
samviskubits
Fullkomnunarárátta Elínar Helgu Egilsdóttur
gerði það að verkum að hún hellti sér út í mat-
argerðina samfara heilsuátaki sem hófst fyrir
einu og hálfu ári. Í dag er hún iðin við að blogga
um tilraunir sínar í eldhúsinu.
Bergþóra Njála Guðmundsdóttir ben@mbl.is
Elín Helga Egilsdóttir
vill vita nákvæmlega
hvað hún lætur ofan í
sig og eldar því allan
mat frá grunni.
Ef einhver kokteill er tengdur
góðæri, gleði og glaumi, er það
líklegast Cosmopolitan en það
breytir því ekki að drykkurinn er
góður og það má vel drekka hann í
laumi í kreppunni. Drykkurinn á
uppruna sinn að rekja til áttunda
áratugarins og mótaðist frá upp-
skriftum fjölda barþjóna. Cosmo-
politian varð fljótlega vinsæll
drykkur en vinsældirnar náðu
hæstu hæðum með tilkomu sjón-
varpsþáttanna Sex and the City.
Drykkurinn varð næstum eins og
aukapersóna þáttanna þar sem hann kom iðulega við sögu þegar
Sara Jessica Parker, í hlutverki Carrie Bradshaw, og vinkonur
hennar fengu sér drykk saman. Úr varð einskonar popp-menning í
kringum þennan drykk og varð hann óhemju vinsæll meðal vin-
kvenna á börum bæjarins. Í dag er heldur dýrt að panta sér Cos-
mopolitan á börum og ekki þykir við hæfi að veifa þrýstnum veskj-
um. En svo þessi góði drykkur falli ekki í gleymsku er tilvalið fyrir
vinkonur að hittast og blanda sér Cosmó, skella Sex and the City í
DVD-spilarann og kjafta fram á rauða nótt. signyg@mbl.is
Kósýheit með Cosmó og Carrie
5 cl sítrónuvodki
1,5 cl Cointreau
1,5 cl ferskur lime safi
3 cl trönuberjasafi
Öllu blandað saman og hrist með kokteilhristara og síðan hellt í há Mart-
iniglös. Það er tilvalið að skreyta þennan drykk með límónusneið.
Laumudrykkurinn
Cosmopolitan
Drykkur vikunnar
Matur
„Við vildum gefa fólki kost á að koma og njóta þess
matar sem hefur lengi notið vinsælda í Mývatns-
sveit því hér eru ríkar hefðir,“ segir Ólöf Hall-
grímsdóttir, bóndi í Vogafjósi í Mývatnssveit. Um
næstu helgi verður kaffihúsið opnað þar á ný eftir
gagngerar breytingar og um leið ný sveitabúð þar
sem boðið verður upp á afurðir býlisins sem og
þjóðlegt og landbúnaðartengt handverk.
Og af nógu er að taka. Bændurnir í Vogafjósi
framleiða meðal annars eigin osta, bæði mozzar-
ellaost og salatost sem svipar til fetaosts. Osturinn
er lagður í olíu kryddaða með jurtum sem eigend-
urnir tína á svæðinu, s.s. blóðberg og hvannafræ.
Þá framleiða bændurnir eigið hangikjöt og silung,
bæði reyktan og grafinn, kindakæfu, silungakæfu,
hverabrauð og sultur, svo eitthvað sé nefnt.
„Við erum með blandaðan búskap, bæði kýr og
kindur eins og forfeður okkar. Við látum slátra
fyrir okkur í sláturhúsi en tökum svo allt okkar
kjöt heim og notum það sjálf, bæði fyrir veitinga-
staðinn og til þess að selja afurðirnar okkar beint
frá býlinu.“
Hún segir hugmyndina um sveitabúðina og veit-
ingastaðinn hafa einnig sprottið af löngun til að
halda við gömlum framleiðsluaðferðum. „Við ger-
um þetta með sama hætti og okkur var kennt þeg-
ar við vorum að alast upp, á nákvæmlega sama
hátt og pabbi okkar og afi gerðu. Undantekningin
er kannski osturinn, því okkar ostframleiðsla er
svolítið nútímalegri en þeirra þar sem við erum
með aðrar ostategundir en þá voru búnar til.“
Um næstu helgi stendur mikið til, því auk þess
að opna sælkerabúðina hefst aðventudagskrá stað-
arins. Þar ber hæst jólahlaðborðin í hádeginu á
laugardögum og sunnudögum samfara leiksýning-
unni Aðventunni í flutningi Möguleikhússins.
Boðið verður upp á hefðbundinn jólamat beint frá
býlinu og rúsínan í pylsuendanum er eftirrétt-
urinn sem eru ábrestir bornar fram með bláberja-
sultu og þeyttum rjóma.
ben@mbl.is
Freisting Frónbúans
Mozzarellaostur, reyktur og grafinn silungur, tvíreykt
hangikjöt og hverabrauð eru meðal þeirra krása sem
bændurnir í Vogafjósi selja beint frá býli.
Sælkerabúð
í sveitinni