Morgunblaðið - 16.01.2010, Qupperneq 8

8 FréttirINNLENT
MORGUNBLAÐIÐ LAUGARDAGUR 16. JANÚAR 2010
Eftir Önund Pál Ragnarsson
onundur@mbl.is
FORMENN stjórnmálaflokkanna
unnu í gær að sameiginlegri skrif-
legri yfirlýsingu, sáttargjörð, um
framhald Icesave-málsins og mögu-
legar viðræður við Breta og Hol-
lendinga.
Fundurinn var langur, vel á þriðja
tíma, en að honum loknum var þó
ekki búið að ná endanlega saman.
Hljóðið í formönnunum var engu að
síður ágætt og fundurinn almennt
sagður góður. Frekari fundir eru
fyrirhugaðir, annaðhvort um helgina
eða á mánudag.
Enn vongóð um nýjar viðræður
„Við erum enn að bíða eftir því
hvort það opnast möguleiki á því að
setjast að samningaborðinu með
Bretum og Hollendingum. Sú nið-
urstaða er ekki fengin ennþá en ég
býst við því að það verði í fyrri hluta
næstu viku. Ég vona að það standi,“
sagði Jóhanna Sigurðardóttir for-
sætisráðherra og kvaðst enn vongóð
um að nýjar viðræður gætu farið
fram. Ekkert nýtt hefði komið fram
um það síðan á fimmtudag.
„Á meðan erum við að ræða okkar
vinnuferli, hvernig við högum því ef
það opnast fyrir að við getum rætt
við Hollendinga og Breta um nýjar
leiðir í þessu máli,“ sagði Jóhanna.
Hún vildi ekki segja frá einstökum
efnisatriðum sem rætt var um á
fundinum en hann hefði aðallega
snúist um vinnubrögð og vinnuferli í
framhaldinu. Hið sama gilti um aðra
fundarmenn, sem létu ekki mikið
uppi um hið eiginlega fundarefni.
ESB standi nær viðræðunum
Bjarni Benediktsson, formaður
Sjálfstæðisflokksins, sagðist eftir
fundinn gefa sér að ágætar líkur
væru á að Bretar og Hollendingar
fengjust aftur að samningaborðinu.
Bjarni sagði að stjórnmálaflokkarnir
hefðu notað tímann til að ræða um
hvort þeir gætu verið sammála um
hvað lagt yrði til grundvallar í slík-
um viðræðum. Óvarlegt væri að
ræða í smáatriðum hverjar áhersl-
urnar ættu að vera en breið sátt væri
um að Íslendingar semdu ekki upp á
nýtt á þeirri forsendu að þeir hefðu
gert eitthvað af sér og ríkið hefði
lagaskyldu til að taka á sig Icesave.
Hann sagði aðspurður að nálgast
þyrfti málið út frá þeirri pólitísku
forsendu að regluverk Evrópusam-
bandsins um fjármálamarkaðinn
hefði brugðist. Spurður hvort
fulltrúar ESB þyrftu að koma að
þessum nýju samningaviðræðum
sagðist Bjarni ekki gera kröfu um
það „en ég hef alla tíð verið þeirrar
skoðunar að Evrópusambandið hefði
átt að standa miklu nær viðræðuferl-
inu,“ sagði hann.
Ekki víst að þeir
vilji semja á ný
Sigmundur Davíð Gunnlaugsson,
formaður Framsóknarflokks, sagði
að nú væri nokkurn veginn komin
niðurstaða í það hvernig flokkarnir
myndu standa sameiginlega að við-
ræðum við Breta og Hollendinga, ef
til þeirra kæmi. „En þar liggur
óvissan,“ sagði hann svo.
Aðspurður hvort hann væri von-
góður um það sagðist hann hreinlega
ekki vita það. Honum heyrðist á fólki
að það væru ekkert alltof miklar lík-
ur á því. Spurningin væri ef til vill sú
hvort viðsemjendurnir sæju sér hag
í því að koma að viðræðum fyrir
þjóðaratkvæðagreiðsluna, eða hvort
þeir biðu þar til eftir hana. Í öllu falli
ætti hún að fara fram, að hans mati,
bæði vegna ákvæða stjórnarskrár en
einnig vegna þess að það mundi
styrkja samningsstöðu Íslands ef
lögunum yrði hafnað þar.
Fundinn í gær sátu einnig Össur
Skarphéðinsson utanríkisráðherra,
Gylfi Magnússon, efnahags- og við-
skiptaráðherra, Katrín Jakobsdóttir
menntamálaráðherra, Birgitta Jóns-
dóttir, formaður þingflokks Hreyf-
ingarinnar, og óháði þingmaðurinn
Þráinn Bertelsson. Steingrímur J.
Sigfússon fjármálaráðherra var fjar-
verandi.
Drög að sameiginlegri yfir-
lýsingu flokkanna í Icesave
Morgunblaðið/Heiddi
Þröngt mega sáttir sitja Fulltrúar allra flokka komu saman í Stjórnarráðshúsinu í gær. Fundað verður áfram eftir
helgi, þar sem ekki náðist formleg niðurstaða, en á fundinum skýrðist nokkuð hvernig áframhaldið verður.
Formaður Sjálfstæðisflokksins vill að fulltrúar ESB standi miklu nær viðræðunum
Flokkarnir nálgast enn sátt um
framhaldið í Icesave-málinu en
lítið er látið uppi um það ná-
kvæmlega hvaða efnisatriði eru
rædd á þessum löngu sátta-
fundum í Stjórnarráðshúsinu.
STEINGRÍMUR
J. Sigfússon fjár-
málaráðherra
segir að ef form-
legar viðræður
hefjast milli Ís-
lands annars
vegar og Breta
og Hollendinga
hins vegar um
Icesave verði
m.a. rætt um
vaxtakostnað, en samkvæmt því
sem Jón Daníelsson hagfræðingur
skrifaði í Morgunblaðinu í gær
verður hann á bilinu 120-507 millj-
arðar króna.
„Það er augljóst mál að ef menn
fara af stað á nýjan leik þá eru
okkar væntingar þær að við fengj-
um á einhvern hátt hagstæðari frá-
gang á málinu. Það hefur aldrei
annað staðið til en að halda alltaf
öllum möguleikum opnum sem
kynnu að vera til staðar fyrir Ís-
land til að ganga með sem hag-
stæðustum hætti frá málinu.“
Ætti að vera nóg af eignum
Sigmundur Davíð Gunnlaugsson,
formaður Framsóknarflokksins,
sagði að það væri nauðsynlegt að
ræða um vaxtaprósentuna. „En
annað sem við þurfum að ræða er
útgreiðslur úr þrotabúinu. Það er
þetta ákvæði sem kennt er við
Ragnar Hall. Það ætti að vera til
meira en nóg af eignum í þrota-
búinu til að standa undir 20 þúsund
evrum á hvern reikning. Vandinn
er sá að það er verið að taka nærri
helming af eignunum til að standa
undir þessum viðbótargreiðslum
Breta og Hollendinga.“
Sigmundur Davíð sagðist hafa
lagt áherslu á það við forystumenn
stjórnarflokkanna að þeir yrðu að
tala fyrir því að við fengjum betri
samning.
„Ég lagði áherslu á það að ef
nýjar viðræður ættu að hafa eitt-
hvað að segja þá þyrfti aðkomu
allra stjórnmálaflokkanna að þeim
og ráðherrarnir yrðu að fara að
tala öðruvísi en þeir hafa gert; sem
sagt að segja út á við að við þurf-
um að ná betri samningum.“
egol@mbl.is
Rætt yrði um
vaxtakostnað í
nýjum viðræðum
Steingrímur J.
Sigfússon
NORÐMENN
skulda Íslend-
ingum í sögulegu
samhengi og
þeim ber að lána
þeim án skilyrða.
Þetta segir Eva
Joly, ráðgjafi
embættis sér-
staks saksókn-
ara, í grein sem
hún ritaði í norska dagblaðið Mor-
genbladet í gær. Joly segir að sér
virðist sem norskir fjölmiðlar viti
ekki fyllilega um hvað málið snúist.
Icesave sé fyrst og fremst evr-
ópskt mál en ekki ágreiningur milli
Íslendinga, Breta og Hollendinga
líkt og margir telji. Joly segir hik
Norðmanna gagnvart Íslendingum
óskiljanlegt, ekki síst í ljósi þess
sem sagt hefur verið víða í erlend-
um fjölmiðlum síðustu daga, um að
krafa Breta og Hollendinga sé
ósanngjörn og miklar byrðar séu
lagðar á íslensku þjóðina.
Þá segir hún að Norðmenn virð-
ist gleyma landfræðilegri stöðu
landsins og þeim náttúru-
auðlindum sem hér séu. Ísland sé í
lykilstöðu á Norðurlöndunum og
mikilvægur bandamaður Noregs. Í
ljósi sögunnar sé eðlilegt að Norð-
menn styðji Íslendinga, sem hafi
varðveitt tungu þeirra og bók-
menntir.
Norðmenn
skulda hjálp
Eva Joly
Lykilstaða Íslands