Morgunblaðið - 16.01.2010, Síða 18

Morgunblaðið/Ólafur Bernódus
Allir saman Christina sjúkraþjálfari tekur við gjafabréfi fyrir bekkinn og
frystiskápinn úr höndum Ingibjargar. Fyrir aftan bekkinn eru f.v. Sigríður
hjúkrunarkona, Gígja og Jóhanna meðstjórnendur í sjúkrahússjóðnum, Ing-
unn María, Christine og Angela sjúkraþjálfarar.
Eftir Ólaf Bernódusson
Skagaströnd | Sjúkrahússjóður
Höfðakaupstaðar á Skagaströnd
hefur verið iðinn við að færa
heilsugæslunni á staðnum gjafir á
þeim 40 árum sem liðin eru frá
stofnun hans. Að þessu sinni gaf
sjóðurinn rafknúinn sjúkraþjálf-
unarbekk, frystiskáp og kæli-
bakstra til notkunar á heilsugæsl-
unni.
Það var Ingibjörg Kristinsdóttir,
formaður sjúkrahússjóðsins, sem
afhenti gjöfina en sjúkraþjálf-
ararnir Ingunn María, Christine,
Christina og Angela tóku við
henni fyrir hönd heilsugæslunnar.
Sögðu þær gjöfina kærkomna þar
sem gamli bekkurinn sem þær
hafa notað að undanförnu er bil-
aður þannig að það kostar senni-
lega meira að gera við hann en að
kaupa nýjan.
Sjúkrahússjóðurinn er fjár-
magnaður með sölu minning-
arkorta og með frjálsum fram-
lögum einstaklinga og fyrirtækja.
Hefur sjóðurinn notið velvildar og
höfðingsskapar að sögn Ingibjarg-
ar og vildi hún koma á framfæri
þakklæti til allra sem hafa látið fé
af hendi rakna til sjóðsins gegnum
árin.
Heilsugæslan fær nýjan
sjúkraþjálfunarbekk
Á nýja bekknum Angela, Christina
og Christine bregða á leik.
Eftir Unu Sighvatsdóttur
una@mbl.is
„ÞETTA eru frábær, frábær tíð-
indi,“ segir matreiðslumeistarinn
Agnar Sverrisson, en veitinga-
staður hans Texture í London hef-
ur nú orðið þess heiðurs aðnjót-
andi að fá hina víðfrægu
Michelin-stjörnu sem er mikil við-
urkenning í matreiðsluheiminum.
Agnar og félagi hans Xavier
Rousset opnuðu Texture í júlí 2007
og settu markið hátt frá upphafi. Í
samtali við Morgunblaðið stuttu
fyrir opnun staðarins sagði Agnar
takmarkið einfaldlega að „verða
bestir, eins og sannir Íslendingar“.
Íslensku hráefni vel tekið
Nú rúmum tveimur árum síðar
hefur það gengið eftir og óhætt að
segja að það sé frábær árangur
enda ekki hver sem er sem fær
stjörnu í bók Michelins.
„Það er ansi erfitt, en við erum
búnir að vinna mikið og lengi að
þessu og loksins hefur það skilað
sér. Maður er bara svo óþolin-
móður, stefnan var tekin á þetta
frá fyrsta degi og við vorum nú að
vonast til að þetta kæmi fyrr en
þetta tekur smátíma og náðist
loksins í dag.“ Hann segir viður-
kenninguna hafa mikið að segja
fyrir reksturinn og bjóða mörg
tækifæri. Hann býst ekki við því að
viðbrögðin láti á sér standa enda
hafi tíðindin spurst hratt út.
„Þetta þýðir allavega 25% aukn-
ingu gesta bara einn, tveir og þrír
sem er mjög mikilvægt. Það verð-
ur miklu auðveldara að koma sér í
fjölmiðla og fá gott starfsfólk, öll
erfiðisvinnan verður auðveldari.“
Á Texture er boðið upp á evr-
ópska nútímamatargerð með
norrænu ívafi. Agnar leggur m.a.
mikið upp úr því að nota ferskt ís-
lenskt hráefni, fisk og skyr, sem
hefur fengið góð viðbrögð.
Leikur með stóru strákunum
Michelin-bókin er gefin út ár-
lega en stjörnugjöfin er ekki
óhagganleg. Það kostar ekki síð-
ur blóð, svita og tár að halda
stjörnunni en að fá hana og þótt
veitingastaður þyki eitt árið
verðugur stjörnu þýðir það ekki
að hann geti ekki misst hana að
ári. Agnar stressar sig hins vegar
ekkert yfir þeirri tilhugsun.
„Ég hef engar áhyggjur af því
að við missum hana, við ætlum
bara að verða ennþá betri ef eitt-
hvað er,“ segir Agnar og stefnir
enn hærra upp metorðastigann í
matreiðsluheiminum. Hann stefn-
ir á að opna annan stað innan tíðar
og hefur margt á prjónunum.
„Við erum á leiðinni upp. Núna
erum við komnir á blaðið eins og
maður segir, farnir að leika með
stóru strákunum.“
Fyrsta Michelin-stjarnan til
íslensks matreiðslumeistara
Metnaður Agnar Sverrisson ásamt Xavier Rousset meiðeganda Texture.
Stefndi að þessu
allt frá opnun fyr-
ir tveimur árum
Þetta er í fyrsta skipti sem veit-
ingahúsi í eigu íslensks mat-
reiðslumeistara er úthlutað
Michelin-stjörnu.
Íslenskir matreiðslumenn
hafa þó áður unnið á stöðum
sem hefur hlotnast sá heiður,
þ.á m. Agnar, sem var lengi yf-
irkokkur á hinum margverð-
launaða veitingastað Le Manoir
aux Quat’ Saisons í Oxford.
Michelin fer mjög sparlega
með stjörnugjöfina og afar fá
veitingahús fá hæstu einkunn,
þrjár stjörnur, en aðeins 81 slík-
ur staður er í heiminum í dag.
Fyrstur Íslendinga
18 FréttirINNLENT
MORGUNBLAÐIÐ LAUGARDAGUR 16. JANÚAR 2010
HÁTT í 60 manns mættu á kynning-
arfund sem haldinn var vegna for-
vals í hugmyndasamkeppni um nýj-
an Landspítala í gær.
Má því gera ráð fyrir að margir
hafi áhuga á þátttöku en skila þarf
inn umsókn þar að lútandi fyrir 15.
febrúar. Í forvali eru gerðar
ákveðnar lágmarkskröfur sem þarf
að uppfylla. Þeim fimm teymum sem
fá hæsta stigagjöf í forkeppninni
býðst að taka þátt í hönnunarkeppn-
inni sjálfri. Að sögn Ingólfs Þór-
issonar, formanns forvalsnefndar, er
gert ráð fyrir að dómnefnd tilkynni
vinningstillögu að nýjum Landspít-
ala í júlí.
Þá verður samið við það hönnuða-
teymi sem hlutskarpast verður um
að vinna frumhönnun spítalans og
gera útboðsgögn fyrir einkafram-
kvæmdarútboð. „Svo við erum bæði
að leita að góðri hugmynd og góðum
hönnuðum til að vinna með okkur
áfram,“ segir Ingólfur.
Mikill áhugi
á hönnun nýs
Landspítala