Morgunblaðið - 16.01.2010, Blaðsíða 11

Fréttir 11INNLENT
MORGUNBLAÐIÐ LAUGARDAGUR 16. JANÚAR 2010
Morgunblaðið/Ómar
Alþingi Icesave-lögin voru samþykkt á Alþingi í lok desember.FRÉTTASKÝRING
Eftir Egil Ólafsson
egol@mbl.is
ÞAÐ geta verið vandkvæði á því að
framkvæma Icesave-lögin sem sam-
þykkt voru í ágúst. Björg Thor-
arensen, prófessor við Háskóla Ís-
lands, segir hins vegar að enginn
vafi leiki á að lögin taka gildi ef Ice-
save-lögin sem samþykkt voru í
desember falla úr gildi.
Steingrímur J. Sigfússon fjár-
málaráðherra sagði eftir ríkisstjórn-
arfundi í gær að það væru lagaleg
vandkvæði á því að framkvæma Ice-
save-lögin frá því í ágúst, jafnvel þó
að Bretar og Hollendingar sam-
þykktu fyrirvara sem Alþingis setti
við lögin, en það hafa þeir reyndar
ekki gert ennþá.
Vandkvæði að veita ábyrgðina
Steingrímur sagði að ef seinni
Icesave-lögin yrðu felld úr gildi
tækju lögin frá því í ágúst formlega
séð gildi, en Bretar og Hollendingar
hefðu hins vegar ekki samþykkt þá
fyrirvara sem þingi hefði sett fyrir
gildistöku laganna. Fleira væri hins
vegar í veginum.
„Það er mat lögfræðinga að það
séu vandkvæði á framkvæmd ágúst-
laganna [fyrri laganna um Icesave]
okkar sjálfra vegna, jafnvel þó að
Bretar og Hollendingar féllust á allt
sem að þeim snýr, einfaldlega vegna
þess að það geta verið vandkvæði
fyrir tryggingarsjóðinn að takast á
við skuldbindinguna og það geta
verið vandkvæði á því fyrir fjár-
málaráðherra að veita ábyrgðina.
Niðurstaðan og aðalatriði málsins
er að það er ekki komin lausn í mál-
ið með því að desemberlögin falla úr
gildi, heldur þvert á móti er það þá
áfram óleyst,“ sagði fjármálaráð-
herra. Björg sagðist ekki átta sig á
umræðum í fjölmiðlum, að það léki
einhver vafi á lagalegri stöðu máls-
ins ef seinni lögin féllu úr gildi.
„Það er einfaldlega þannig að lögin
taka formlega gildi en síðan er allt
annað mál hvort þau eru fram-
kvæmanleg.“
Björg sagði aðalatriði málsins að
lögin veittu fjármálaráðherra heim-
ild til að taka á sig skuldbindingu,
en annað mál væri hvort hægt væri
að nýta hana. „Vandamálið er að
það er búið að reyna að gera samn-
inga með þessum fyrirvörum en það
hefur ekki tekst enn. Samningurinn
hefur að sjálfsögðu aldrei tekið gildi
vegna þess að hann var háður því að
ríkisábyrgðin yrði gefin fyrir skuld-
bindingum tryggingarsjóðs af fjár-
málaráðherra en það mátti hann að-
eins gera að ákveðnum skilyrðum
uppfylltum.“
Páll Þórhallsson, lögfræðingur í
forsætisráðuneytinu, sagði að sam-
kvæmt fyrri Icesave-lögunum gæti
verið munur á skuldbindingum
tryggingarsjóðsins annars vegar og
ríkissjóðs hins vegar. Stjórn trygg-
ingarsjóðsins hefði sett fram efa-
semdir um að sjóðurinn gæti tekið á
sig skuldbindingar sem sjóðurinn
gæti augljóslega ekki staðið við.
Vandkvæði við að framkvæma lögin
 Ef seinni Icesave-lögin verða felld úr gildi taka eldri Icesave-lög gildi  Vandkvæði eru hins vegar á
því að koma þeim í framkvæmd  Lögin fela í sér heimild til fjármálaráðherra að gangast í ábyrgð
Með Icesave-lögunum var fjár-
málaráðherra veitt heimild til að
gangast í ábyrgð fyrir skuldbind-
ingum Tryggingarsjóðs inni-
stæðueigenda. Ráðherra segir
vandkvæði á að nýta sér heimild-
ina.
» Samningar um Icesave hafa ekki tekið gildi
» Ráðherra hefur ekki enn nýtt heimild Alþingis
» Alþingi setti í ágúst fyrirvara við ríkisábyrgðina
Morgunblaðið/RAX
Kórinn Áform eru um mikla uppbyggingu íþróttamannvirkja og rætt hefur verið um að byggja menntaskóla við Vallakór í Kópavogi.
FRÉTTASKÝRING
Eftir Guðna Einarsson
gudni@mbl.is
KÓPAVOGSBÆR og Knattspyrnu-
akademía Íslands eiga nú í viðræð-
um um framtíð samstarfs og rekstur
íþróttamannvirkja í Kórnum við
Vallakór. Viðræðurnar munu vera á
lokastigi.
Ómar Stefánsson, formaður bæjar-
ráðs Kópavogs, sagði viðræðurnar
vera á vinsamlegum nótum.
Málið snýst aðallega um íþrótta-
mannvirki Knattspyrnuakademí-
unnar við Vallakór. Það á m.a. að
hýsa líkamsræktarstöð, íþróttasal,
búningsklefa og litla sundlaug. Upp-
haflega var gengið út frá því að
Knattspyrnuakademían byggði
mannvirkið og Kópavogsbær síðan
taka það á leigu. Gerður var leigu-
samningur til 25 ára. Einnig stofn-
uðu Kópavogsbær og Knattspyr-
nuakademían rekstrarfélag og
komið var á sameiginlegri rekstrar-
stjórn um íþróttamannvirkin á svæð-
inu.
Rætt um lok framkvæmda
Framkvæmdum við íþróttahús
Knattspyrnuakademíunnar er ekki
að fullu lokið og er óvíst hvenær
þeim lýkur. Í viðræðunum mun m.a.
hafa verið rætt um lok fram-
kvæmdanna, breytingar á leigu-
samningnum og einnig þann mögu-
leika að bærinn kaupi mannvirkið í
stað þess að taka það á leigu, að sögn
Guðna Bergssonar hdl., eins að-
standenda Knattspyrnuakademí-
unnar.
„Það er verið að reyna að finna
lausn sem hentar öllum aðilum við
núverandi aðstæður,“ sagði Guðni.
Hann sagði að viðræðurnar á milli
Kópavogsbæjar og Knattspyrnuaka-
demíunnar væru á lokastigi. Auk
þess kemur Landsbankinn, sem
veitti lán til verkefnisins, að málinu.
„Við erum tilbúnir að vera þarna
áfram næstu 25 ár. Það er ekki
vandamál hvað okkur varðar,“ sagði
Guðni.
Leigan endurskoðuð
Hann benti á að rekstrarumhverf-
ið hefði breyst frá því áætlanir um
rekstur og uppbyggingu voru gerðar
fyrir bráðum fimm árum. Bygging-
arkostnaður hefði rokið upp og það
kallaði á endurskoðun á leigu eins og
samningur kvæði á um.
Kópavogsbær reisti stórt knatt-
hús í Kórnum og var það tekið í notk-
un í september 2007. Knattspyrnu-
akademían hefur leigt tíma í húsinu
til námskeiðahalds.
Rætt hefur verið um að byggja
framhaldsskóla í næsta nágrenni við
íþróttamannvirkin og að skólinn geti
nýtt þau til kennslu. Ómar Stefáns-
son sagði að Kópavogsbær hefði ver-
ið mjög jákvæður fyrir þeirri hug-
mynd. Hann sagði að málið væri nú
statt hjá menntamálaráðuneytinu.
Ræða um framtíð Kórsins
 Kópavogsbær og Knattspyrnuakademía Íslands eiga nú í viðræðum um mann-
virki í Kórnum  Rætt er m.a. um breytt eignarhald og endurskoðun á leigu
Í HNOTSKURN
»Fjölnotaíþróttahúsið íKórnum er alls 14.500 m2
stórt og rúmar m.a. knatt-
spyrnuvöll sem er 105 metra
langur og 68 metra breiður.
» Í seinni áfanga er íþrótta-hús með íþróttasal og
sundlaug og þrír knatt-
spyrnuvellir utanhúss.
»Áform eru um að reisaframhaldsskóla á lóðinni
sem muni m.a. nýta íþrótta-
aðstöðuna.
Í Kórnum í Kópavogi hefur verið
unnið að uppbyggingu heilsu- og
íþróttamiðstöðvar. Að því koma
Knattspyrnuakademía Íslands og
Kópavogsbær. Breyttar aðstæður
kalla á endurskoðun samninga.
Grímseyjarferjan
Sæfari mun sigla
milli Dalvíkur og
Grímseyjar þrisv-
ar í viku allt til 15.
september nk.
Um miðjan
september verð-
ur ferðum fækk-
að úr þremur í
viku í tvær. Sú
ferðatíðni mun
gilda til loka þessa árs, að sögn
Vegagerðarinnar.
Þannig hefur verið fallið frá fækk-
un ferða nú á fyrri hluta ársins en
ferðunum verður fækkað fyrr á
komandi hausti en áður var ráðgert.
Að sögn Vegagerðarinnar er annar
sparnaður á leiðinni til skoðunar.
Sem kunnugt er olli fækkun ferða
Sæfara nú í ársbyrjun mikilli
óánægju í Grímsey. Útgerðarmenn
og sjómenn bentu á að hún gerði
þeim erfitt fyrir með að koma fiski á
markað og ylli þannig tekjutapi.
Samgönguráðherra brást við kvört-
un úr eynni með því að láta endur-
skoða fyrri ákvörðun um fyr-
irkomulag fækkunar ferða.
Sæfari sigl-
ir þrisvar
í viku
Ferðum verður fækk-
að 15. september nk.
Grímseyjarferjan
Sæfari.
ÁSLAUG Árnadóttir, skrifstofu-
stjóri í efnahags- og viðskiptaráðu-
neytinu og formaður Trygging-
arsjóðs innistæðueigenda og
fjárfesta, hefur ákveðið að hætta
störfum í ráðuneytinu og hjá sjóðn-
um. Áslaug er lögfræðingur og ætlar
að hefja störf á lögmannsstofu.
Áslaug var á sínum tíma skipuð í
Icesave-samninganefndina sem var
undir formennsku Svavars Gests-
sonar. Ekki liggur fyrir hver tekur
við sem formaður stjórnar Trygg-
ingarsjóðs innistæðueigenda, en
sjóðurinn mun formlega fara með
ábyrgð á Icesave-skuldbindingunum
ef fjármálaráðherra veitir rík-
isábyrgð vegna þeirra.
egol@mbl.is
Formaður
Tryggingar-
sjóðs hættir