Morgunblaðið - 16.01.2010, Blaðsíða 46

46 MenningFRÉTTIR
MORGUNBLAÐIÐ LAUGARDAGUR 16. JANÚAR 2010
8.1. – 21.2. 2010
c a r n e g i e
a r t
a w a r d
2 0 1 0
Leiðsögn þriðjudaga og föstudaga kl. 12.10
Sjá nánar fræðsludagskrá á www.listasafn.is
Ókeypis aðgangur | Opið daglega kl. 11-17 | Lokað mánudaga
Fríkirkjuvegi 7 | 101 Reykjavík
BASSASÖNGVARINN Bjarni
Thor Kristinsson og píanóleik-
arinn Ástríður Alda Sigurð-
ardóttir koma fram á tón-
leikum í Íslensku óperunni á
sunnudagskvöldið, 17. janúar,
og hefjast þeir klukkan 20.
Yfirskrift tónleikanna er „Á
niðurleið!“ og dagskrá eru arí-
ur, ljóð og sönglög sem stefna
niður á við og rista djúpt. Al-
vara og húmor í senn.
„Undirtektir voru að vonum firnagóðar, enda
sjaldgæft að upplifa jafnpottþétta túlkun á jafn-
markvissri dagskrá þar sem fetað var „niður tón-
stigann“ stig af stigi,“ skrifaði gagnrýnandi Morg-
unblaðsins um tónleika þeirra í sumar.
Tónlist
Bjarni Thor fer
niður tónstigann
Bjarni Thor
Kristinsson
ÞORRI Hringsson myndlist-
armaður verður á morgun,
sunnudag, klukkan 15.00, með
listamannsspjall á sýningu
sinni, er opnuð var fyrir viku í
Listasafni ASÍ.
Á sýningunni, sem er í Ás-
mundarsal, eru málverk sem
Þorri hefur málað í Aðaldal á
síðustu þremur árum en þar
dvelur hann jafnan á sumrin
og vinnur að list sinni.
Þorri Hringsson útskrifaðist frá Myndlista- og
handíðaskóla Íslands árið 1989 og frá Jan van
Eyck Akademie í Maastricht í Hollandi 1991.
Hann hefur haldið margar einkasýningar hér
heima og í Hollandi og tekið þátt í samsýningum.
Myndlist
Þorri leiðir gesti
um sýninguna
Þorri
Hringsson
SIGTRYGGUR Bjarni Bald-
vinsson myndlistarmaður opn-
ar á morgun, sunnudag, sýn-
ingu í Árbæjarkirkju og verður
hún formlega opnuð við messu
er hefst klukkan 11.00.
Sýningin ber yfirskriftina
„Sjö himnar“ en á henni eru sjö
sporöskju- og hringlaga mál-
verk af himninum.
Sigtryggur sýndi í Hall-
grímskirkju fyrir tíu árum. Sú
sýning bar yfirskriftina „Í minningu Rothko og
leitarinnar að hinu ósegjanlega“ og markaði nokk-
ur tímamót í list Sigtryggs.
Sýningin í Árbæjarkirkju verður opin frá 9 til16
virka daga og á messutíma á sunnudögum.
Myndlist
Sigtryggur sýnir
í Árbæjarkirkju
Sigtryggur Bjarni
Baldvinsson
Eftir Helga Snæ Sigurðsson
helgisnaer@mbl.is
RAGNAR Kjartansson er dálítið
þreytulegur þar sem hann stendur
uppi á efri hæð Hafnarborgar og
virðir fyrir sér 150 upphengd mál-
verk eftir sig. Það er svo sem ekki
skrítið, menn hafa orðið þreyttir af
minna tilefni en því að standa allan
daginn og mála 150 málverk af
sömu fyrirsætunni í hálft ár, líkt og
Ragnar gerði á Feneyjatvíær-
ingnum. Málverkin þekja nú veggi
Hafnarborgar sem duga þó ekki til,
sum þurfa að hanga úr loftinu. Í
hliðarsal er myndbandsverkið frá
sýningunni í Feneyjum, sem bar
nafnið The End, eða Endalokin.
Verkin eru hengd upp í tímaröð,
dagbók í málverkaformi.
– Þú sagðir í viðtali í Morgun-
blaðinu, rétt áður en þú hélst til
Feneyja, að þú vonaðist til þess að
verða betri málari að gjörningnum
loknum. Gekk það eftir?
„Ég er alla vega ánægður með
mig, mjög ánægður með mynd-
irnar,“ svarar Ragnar.
– Æfingin skapar meistarann?
„Það er niðurstaðan, þó að þetta
hafi farið stíllega annað en ég hélt
þá er ég bara dálítið ánægður með
hvert þetta fór, þetta er einhvern
veginn svo organískt.“ Ragnar seg-
ist hafa málað málverkin eftir „fíl-
ingnum í deginum“ og notið þess að
kíkja á verk meistara á borð við
Tizian þegar tími gafst til.
– En hvernig var að ljúka þessum
gjörningi? Fylgdi því engin tóm-
leikatilfinning?
„Á mánudeginum, að liðnu
hálfu ári, helltist yfir mann mas-
síf tómleikatilfinning,“ viður-
kennir Ragnar og er nú kominn á
stað heldur ólíkan Feneyjum,
Hafnarborg í Hafnarfirði, og þarf
ekki að mála. „Ég er voða feginn
því,“ segir Ragnar.
– Nú hafa nokkur söfn keypt
vídeóverkið úr The End, Dallas
Museum of Art, MoMA, National
Gallery of Canada og listasafn
Bard-háskóla. Það er nú býsna
gott.
„Eftir það þá er ekkert hægt
að segja að maður sé ekki alvö-
rulistamaður, það er bara ekki
hægt að segja það!“ segir Ragnar
og hlær, sjálfum sér líkur. En
hvað verður um málverkin að lok-
inni sýningu? „Nú er það haus-
verkur hákarlanna, i8 og Luhring
Augustine,“ svarar Ragnar
sposkur og á þar við umboðsgall-
erí sín.
Snýst um að gera hlutina
– Ætlarðu að halda áfram að
mála?
„Ég hef alltaf málað, kannski
hef ég ekki mikið verið að sýna
það efni, er eiginlega áhugamál-
ari þó að ég hafi verið í mál-
aradeild,“ svarar Ragnar. Mál-
verkið sé honum ástríða.
– Hvað lærðirðu af þessum
gjörningi sem listamaður?
„Ég þarf að hugsa þetta að-
eins,“ svarar Ragnar og hlær en
svarar nokkru síðar: „Þetta snýst
bara um að gera hlutina. Allt í
einu finn ég sjálfan mig, mér
finnst málverkin lifna svo mikið
við með tímanum.“
Sýningin í Hafnarborg verður
opnuð kl. 15 í dag.
Morgunblaðið/Golli
Ragnar Geispaði í Hafnarborg í gær enda mikið annríki hjá myndlistarmanninum nú um stundir.
Alvörulistamaður
 Ragnar Kjartansson troðfyllir stóra salinn í Hafnarborg með Feneyjamálverkum
 Myndbandsverkið hefur verið selt nokkrum söfnum, m.a. MoMA
Myndbandsverk Ragnars af sýn-
ingunni The End, fimmskipt verk
sem sýnir Ragnar og Davíð Þór
Jónsson leika kántrítónlist í ægi-
fögru landslagi Klettafjalla, verður
sýnt á Sundance kvikmyndahátíð-
inni í ár sem hefst 21. janúar. Verk-
ið verður sýnt í sérstökum hluta
sem nefnist New Frontier, ásamt
verkum 12 annarra listamanna,
m.a. Pipilotti Rist.
„Hugmyndin að þessu verki var
að blanda saman aðferðafræði
Stockhausen, um rýmismúsík, og
kántrítónlist,“ segir Ragnar. Það
sé einnig undir áhrifum frá list-
málurunum Caspar David Frie-
drich, tónlist hljómsveita á borð
við The Birds og kvikmyndunum
Jeremiah Jones og The Assass-
ination of Jesse James, svo fátt
eitt sé nefnt.
Sýnir á Sundance með Pipilotti Rist
The End Úr vídeóverki Ragnars
sem sjá má í Hafnarborg.
„ÉG stend í þeirri meiningu að ég sé
alltaf að mála land, meira og minna,
og árstíðirnar hafa mikil áhrif á mig.
Fyrst og fremst vorið. Ég er vorsins
maður,“ segir Björn Birnir listmál-
ari. Hann opnar sýningu í Duus-
húsum Listasafns Reykjanesbæjar
klukkan 15.00 í dag.
„Af hverju vorið? Ég veit það
ekki. Það er eftirvæntingin í loftinu.
Á vorin líður mér vel og þá er ég í
góðu vinnuskapi. Ég held að þetta
sjáist í verkunum.“
Á sýningunni, sem nefnist „Af-
leiddar ómælisvíddir“ eru 27 mál-
verk sem Björn hefur unnið að frá
árinu 1994 til dagsins í dag.
„Einu sinni málaði ég heila sýn-
ingu sem ég kallaði „Frá sand-
inum“,“ segir hann. „Þá var ég upp-
tekinn af Mýrdalssandi. Þetta eru
allt áhrif af því sem ég sé. Ég er ekki
natúralisti heldur abstraktmálari, en
upplifunin hefur áhrif. Árstíðirnar
og það land sem maður upplifir
hverju sinni. Svo er langur aðdrag-
andi að því að finna hvaða tökum á
að taka það sem er að brölta í manni.
Það getur síðan gengið ágætlega
þegar niðurstaðan er fundin.“
Málverkin njóta sín vel
Björn er ánægður með salinn í
Listasafni Reykjanesbæjar.
„Þessi salur er reglulega fallegur
og málverkin njóta sín vel hér.“
Björn Birnir hefur ekki verið
áberandi í sýningarhaldi á ferli sín-
um en hefur þó lagt stund á myndlist
í meira en hálfa öld og lengst af unn-
ið að listinni samhliða öðrum störf-
um, svo sem kennslu og stjórnun við
málaradeild Myndlista- og hand-
íðaskóla Íslands. efi@mbl.is
„Ég er
vorsins
maður“
Björn Birnir sýnir
í Reykjanesbæ
Björn Birnir „Þetta eru allt áhrif af
því sem ég sé,“ segir listmálarinn.
Lagið er stórt; lykl-
að og margslungið;
kaflaskipt og vel drama-
tískt 52
»
www.hafnarborg.is