SunnudagsMogginn - 31.10.2010, Síða 16

16 31. október 2010
L
ið Íslands í hópfimleikum vann
glæstan sigur á Evrópumótinu sem
haldið var í Malmö um síðustu helgi.
Sunnudagsmogginn fékk að fylgjast
með fyrstu æfingunni á æfingasvæði Gerplu í
Kópavoginum eftir að heim var komið frá Sví-
þjóð með gullið.
Í hópfimleikum er keppt í þremur greinum,
gólfæfingum, dýnustökki og trampolínstökki.
Miklar æfingar liggja að baki sigrinum en
liðið æfir sex sinnum í viku. Kvöldæfingar eru
fjórum sinnum í viku og standa frá 19-22.
Morgunæfingar eru tvisvar í viku og eru í
klukkutíma.
Hver kvöldæfing hefst með um 50 mínútna
upphitun áður en tekið er til við æfingar á
keppnisáhöldum. Á undirbúningstímabili er
lögð áhersla á grunn- og styrktaræfingar.
Mikilvægt er að tæknin í stökkunum sé full-
komin til að ekki sé hægt að draga frá fyrir út-
færslu. Stökkin eru brotin niður og æfð í
mjúkri gryfju. Fyrir keppni er meiri áhersla á
beinar keppnisæfingar og þá æfir liðið lend-
ingar á keppnisdýnu. Á morgunæfingunum er
síðan verið að efla grunninn, sem alltaf þarf að
vera til staðar.
Fyrir gólfæfingarnar fékk liðið hjálp frá
danshöfundinum Stellu Rósenkranz Hilm-
arsdóttur við að semja sigurdansinn en gólfæf-
ingarnar þarf að æfa vel og mikil samhæfing
nauðsynleg.
Flestar í hópnum hafa keppt í áhaldafim-
leikum og eru þrír Íslandsmeistarar í liðinu og
enn fleiri sem hafa verið í landsliðinu.
Núna stendur yfir undirbúningur fyrir ís-
lensku mótaröðina sem hefst eftir áramót en
Íslandsmeistaramótið verður haldið í apríl. Þar
ræðst hvaða lið taka þátt í Norðurlandamótinu
sem haldið verður í Noregi eftir ár. Hjá Gerplu
er það engin spurning, liðið hefur sett sér það
takmark að hampa Norðurlandameistaratitl-
inum árið 2011.
Fríða Rún stendur á Ásdísi en þær eru að æfa gólfæfingar.
Það er gaman að fá gull. Ásdís og Íris Mist eru glaðar og grínast með því að bíta í peninginn.
Kristjana Sæunn, Ásdís, Sigrún Dís og Rakel slaka á eftir æfingu og hvíldin
er góð enda búnar að vera að í þrjá tíma.
Íris Mist leggur af stað í trampólínstökk
Hér er Karen Sif í loftinu en Björn
Björnsson þjálfari stendur við.
Aðrir þjálfara liðsins eru Ása Inga
Þorsteinsdóttir, Bjarni Gíslason
og Sólveig Jónsdóttir.
Meistaraæfing
Sunnudagsmogginn fékk að fylgjast með fyrstu
æfingu nýkrýndra Evrópumeistara Gerplu í hópfim-
leikum eftir að heim var komið frá Svíþjóð.
Myndir: Kristinn Ingvarsson kring@mbl.is Texti: Inga Rún Sigurðardóttir ingarun@mbl.is
Bak við tjöldin