SunnudagsMogginn - 31.10.2010, Page 23

Hér má sjá flugrita, frumstæðan fjarritunarbúnað miðað við hvað
tíðkast í dag en engu að síður mikilvægur.
Morgunblaðið/Ólafur K. Magnússon
Björn Jónsson var yfirflugumferðarstjóri á þessum tíma
og er hér lengst t.h. ásamt fleiri mönnum að störfum.
Myndirnar þrjár eru allar teknar á efstu hæð flugturnsins
árið 1948. Hér má sjá hvar úthafsflugstjórn fór fram.
Morgunblaðið/Kristinn
1980
Farið að nýta efstu
hæðina, þá fjórðu,
undir miðstöð
félagsstarfs
flugáhugamanna.
Miðstöðin var
kölluð „On Top“
eða Toppurinn.
1985-86
Félagar í Flugklúbbi
Reykjavíkur breyttu
húsnæðinu ogmáluðu
turninn í sjálfboðavinnu.
Veðurstofa Íslands
var með slökkvistöð
og verkstæði í gamla
flugturninum til ársins
1985.
2000
Endurbætur
gerðar á efstu
hæðinni og gerð
tilraun til að
endurvekja
starfsemina.
2010
Byggingafulltrúi
beinir þeim
tilmælum til
Flugstoða ohf.
að hresst verði
upp á útlit
hússins.
2001
Flugmálastjórn
óskar eftir leyfi Skipu-
lagsráðs til að rífa
turninn en leyfi var
frestað m.a. eftir um-
sögn Árbæjarsafns
um menningar-
sögulegt gildi byg-
gingarinnar.
Toppurinn, fjórða hæðin í flugturninum, var mikill samkomustaður flugáhugafólks.
Ljósmynd/Pétur P. Johnson
31. október 2010 23
Eftir að flugmálastjórn flutti úr turninum árið 1963 hefur verið ýmis starfsemi í honum.
Margir hafa verið með flugskóla og leiguflug í húsinu: Sveinn Eiríksson, Leiguflug
Daníels Péturssonar, Flugfélag Reykjavíkur, Flugstöðin hf., Flugskóli Helga Jónssonar,
Þórólfur Magnússon með flugkennslu, Leiguflug Sverris Þóroddssonar, Flugskólinn
Flugtak, Ottó Tynes, einn stofnenda Flugtaks, var með æfingatæki fyrir blindflugs-
kennslu (Link Trainer), Vestanflug, Air Arctic og Flugfélagið Atlanta.
Önnur flugtengd starfsemi var einnig í turninum: Radíóverkstæði Flugfélags Íslands
fékk inni eftir flugskýlisbrunann 1976, flugeldsneytisafgreiðsla Olíuverslunar Íslands,
Félag íslenskra einkaflugmanna, Flugmálafélag Íslands (regnhlífarsamtök flugíþrótta),
Vélflugfélag Íslands, Flugklúbbur Reykjavíkur, Tímaritið Flug, sem var málgagn Flug-
málafélags Íslands, var með skrifstofu þarna og var Pétur P. Johnson ritstjóri.
Fjölbreytileg starfsemi í húsinu
Flugstoðir ohf. sóttu um leyfi í ársbyrjun til þess að rífa
viðbyggingu við gamla flugturninn og fékk fyrirtækið
það. Í bókun byggingarfulltrúa segir að hann beini „þeim
tilmælum til umsækjanda að suðurhlið gamla flugturns-
ins verði klædd til dæmis með bárujárni til verndar
byggingunni og jafnframt að hresst verði upp á útlit
hússins til dæmis með málningu“. Viðbyggingin var síð-
an rifin í síðasta mánuði. Samkvæmt upplýsingum frá
Isavia, opinberu hlutafélagi sem stofnað var um sam-
einaðan rekstur Flugstoða og Keflavíkurflugvallar, er
núna búið að klæða suðurhliðina þar sem viðbyggingin
var og sú hlið er fullfrágengin. Næsta sumar verður turn-
inn málaður í sömu litum og hann skartar í dag.
Yfirvöld vilja hlífa turninum
Byggingaryfirvöld í Reykjavík vilja hlífa turninum, segir
Magnús Sædal Svavarsson byggingarfulltrúi. „Þetta
endurspeglar hugmyndir borgaryfirvalda að turninn verði
á einhvern hátt verndaður. Maður getur vel hugsað sér
það að þegar endanlegt deiliskipulag verður gert fyrir
Vatnsmýrina verði þessari byggingu hlíft og henni fengið
eitthvert hlutverk. Sögulega er hún mjög merkileg, gam-
all flugturn í miðbæ Reykjavíkur, byggður á þessum ógn-
artímum, sem seinni heimsstyrjöldin var,“ segir hann.
Nýtt hlutverk í Vatnsmýrinni
Magnús segir turninn verða á sínum stað. „Turninn hef-
ur ekkert varðveislugildi nema á þessum stað þarna.
Hann er það há bygging að hann myndi sóma sér vel
hvað hæð varðar innan um þær byggingar sem menn
hugsa sér á þessu svæði í framtíðinni. Það þarf að gera
honum rými og gæti hann jafnvel hýst safn um sögu
Reykjavíkurflugvallar,“ segir hann sem hugmynd.
„Þegar búið verður að byggja í Vatnsmýrinni þurrkast
aðrar minjar um flugvöllinn út nema hvað að meginásar
í flugbrautunum halda sér kannski í gatnakerfinu. Þá
verður turninn verðmætur punktur í bæjarkjarnanum
sem þarna verður.“
Framtíðturnsins