SunnudagsMogginn - 31.10.2010, Side 27

31. október 2010 27
K
atla Margrét Þorgeirsdóttir er fædd 15. desember 1970 og uppalin í
Hlíðunum í Reykjavík hjá móður sinni, Jóhönnu Andreu Lúðvígs-
dóttur og þremur hálfsystkinum, þeim Herdísi, Lúðvíg Árna og
Sveini Andra Sveinsbörnum. Faðir Kötlu Margrétar er Þorgeir Þor-
steinsson og systkini hennar samfeðra eru Herdís, Sigríður, Ófeigur og Þor-
steinn.
Katla Margrét gekk í Hlíðaskóla sem barn en flutti í Kópavoginn að honum
loknum og prófaði sig áfram í hinu og þessu. Hún fann ekki fjölina sína fyrr en
hún sótti um að komast í Leiklistarskólann 22 ára og komst inn.
Þaðan útskrifaðist hún 1997 og starfaði eftir það í Borgarleikhúsinu og Þjóð-
leikhúsinu um átta ára skeið. Hún er m.a. í leikkvennahljómsveitinni Heim-
ilistónum, var einn handritshöfunda og leikara í þáttunum „Stelpurnar“ sem
sýndir voru á Stöð 2, skrifaði ásamt öðrum þættina Ástríði fyrir sömu sjón-
varpsstöð og hefur leikið í áramótaskaupum Sjónvarpsins svo eitthvað sé nefnt.
Þessa dagana kemur hún fyrir sjónir landsmanna sem aðstoðarkona Góa,
Guðjóns Karlssonar, í skemmtiþættinum Hringekjunni sem er þáttagerð Björns
Emilssonar. Framundan er svo einleikurinn Ótuktin, leikgerð Valgeirs Skag-
fjörð á samnefndri bók sem Anna Pálína Árnadóttir tónlistarkona reit um bar-
áttu sína við krabbamein.
Sambýlismaður Kötlu Margrétar er Jón Ragnar Jónsson og eiga þau saman
synina Berg Hrafn sem verður 13 ára á árinu og Egil Árna sem er tveggja ára.
ben@mbl.is
Pínulítil á skírnardaginn ásamt mömmu og syst-
kinunum, Sveini Andra, Lúðvíg Árna og Herdísi.
Ásamt föðurfjölskyldunni. Katla með son sinn Egil Árna nýfæddan og Bergur sonur hennar er fyrir fram-
an. Á myndinni má m.a. sjá pabba hennar, Þorgeir Þorsteinsson og systkinin Herdísi, Sigríði og Ófeig.
Systkinin fjögur á náttfötunum í stofunni heima. F.v. Herdís og Sveinn Andri en
Lúðvíg Árni situr með örverpið Kötlu tæplega tveggja ára í fanginu.
„Þarna er ég ásamt Bergi syni mínum, sem þá var um
fjögurra ára, í heimsókn hjá ömmu minni heitinni,
Margréti Þorkelsdóttur, á Egilsstöðum.“
Með bekkjarsystrunum úr Leiklistarskólanum, Ingu Maríu Valdi-
marsdóttur, Þrúði Vilhjálmsdóttur og Hildigunni Þráinsdóttur.
Hefur komið víða
við á ferlinum
Katla Margrét Þorgeirsdóttir er landanum
kunn sem leikkona, söngkona, handrits-
höfundur og þáttastjórnandi í sjónvarpi.
Heimilistónar á veitingastað í Öxnadal 2007, á tónleikaferðalagi um
landið í kjölfar útgáfu disks sem útgáfufyrirtækið Sögur gaf út.
„Þarna er ég komin sjö mánuði á leið að leika
Möddumömmu í Skilaboðaskjóðunni 2007 –
2008, með úlfinum Baldri Trausta baksviðs.“
Við útskrift frá Leiklistarskólanum ásamt kenn-
urunum Gunnari Eyjólfssyni og Kristbjörgu Kjeld.
Glöð, níu ára afmælisstelpa ásamt Jóhönnu Dögg Pét-
ursdóttur, vinkonu sinni, rétt fyrir jólin 1979.
Augnablikskórinn sem er skipaður „nokkrum leikurum og öðru góðu fólki“
hélt upp á afmæli sitt í Humarhúsinu á Stokkseyri. „Við troðum aðeins einu
sinni á ári upp og það er á aðfangadag fyrir sjúklinga á Borgarspítalanum,“
segir Katla.
Myndaalbúmið
Synirnir Bergur Hrafn og Egill Árni njóta blíð-
unnar í guðsgrænni náttúrunni í sumar.
Ásamt manninum sínum, Jóni Ragnari Jóns-
syni, en myndin er tekin í fríi í Danmörku.