Birtingur - 01.01.1957, Síða 73

Walter Gropius: Líkan að verzlunarhverfi í Boston Bandaríkjunum, gert 1953
áberandi listaverk. Þessi sjálfsdýrkun hefur tafið fyrir
útbreiðslu hinnar heilbrigðu, hagkvæmu byggingarlistar. Leifar þessa
hugsunanháttar verða að hverfa, til þess að hin réttu viðhorf geti
fest rætur og byggingarlistin fullnægt kröfum tímans. Til þess að svo
megi verða, er nauðsynlegt að arkitektinn beini leit sinni að hinu
„týpiska“ og almenna í stað þess að elta ólar við nýstárleikann.
Fyrirfram ákveðnar hugmyndir um form, hvort sem þær eru vottur
persónulegra duttlunga eða tízkustíls, sníða lífinu þröngan stakk, þvinga
það í ákveðinn farveg.
Frumherjar hinnar nýju hreyfingar sköpuðu andstætt þessu aðra aðferð
með einkunnarorðunum: „Sköpum í þágu lífsins.“ Þeir kappkostuðu
að samhæfa verk sín þörfum þjóðlífsins og litu á hvert einstakt
verk sem hluta af heild. Þetta félagslega viðhorf er í fullkominni
andstöðu við skoðun hinna eigingjörnu og metnaðarfullu arkitekta sem
þvinga persónulega hugmyndaflugi sínu uppá óframfærna
viðskiptavini og skapa einangruð minnismerki, er hafa aðeins
fagurfræðilegt gildi. Með þessu vil ég ekki halda fram að við eigum að
59