Vera - 01.06.2000, Side 17

'O
~o
3
<
:0
*o
>
Fáar stelpur að
vinna í smiðju
Af átta nemum á fyrsta ári í véla- og
orkutæknifræði við Tækniskóla íslands er
ein kona sem stefnir á að verða fyrsta
konan sem útskrifast sem vélatæknifræð-
ingur frá skólanum. Berglind Fróðadóttir
segist kunna vel við sig í skólanum og í
vinnunni, en hún er nú á samningi hjá
Marel. Hún býst ekki við að það muni
skipta neinu máli í framtíðinni að hún er
kona í karlastétt. „Ég væri þó alveg til í
að vera að vinna með fullt af stelpum,"
segir Berglind sem hingað til hefur alltaf
verið að vinna með karlmönnum.
Berglind útskrifaðist af eðlisfræðibraut frá Fjölbrautaskólanum á
Akranesi en tók jafnframt tvær annir í kvöldskóla á rafsuðubraut.
Nú er hún búin með eitt ár 1 véla- og orkutæknifræði við Tækni-
skóla Islands og stefnir á að útskrifast með B.S. gráðu eftir tvö og
hálft ár.
Hvernig datt henni í hug að fara þessa leið?
„Þetta byrjaði allt fyrsta sumarið eftir 10. bekk þegar ég hætti að
geta fengið vinnu í vinnuskólanum. Það var búið að lofa mér
vinnu í frystihúsi en svo leið og beið og endaði með því að ég fékk
ekki vinnuna fyrr en í júlí. Eg ætlaði aldrei aftur að vera atvinnu-
laus. Pabbi var að vinna í slippnum og ég fékk strax vinnu þar. Eg
fór á samning og hafði þrjá mánuði til að ákveða hvort ég vildi
halda áfram. Svo var þetta bara ágætt og ég ákvað að halda áfram,“
segir Berglind sem hingað til hefur alltaf unnið við ryðfría smíði.
Hún er nú nýbyrjuð að vinna hjá Marel og er komin á samning
þar.
„Við erum að smíða tæki, eins og til dæmis flokkara og flæði-
línur fyrir fiskiðnað,“ segir Berglind þegar hún er innt nánar eftir
því í hverju starfið hjá Marel felist. „Þetta er nákvæmnisvinna og
má t.d. ekki muna miklu, nokkrir millimetrar geta skipt öllu máli.
Það þarf því að vanda sig mikið,“ segir Berglind og bætir við að
það sé alltaf gaman að sjá hlutina fullunna þegar búið er að vinna
við þá.
„En ég ætla ekki alltaf að vera að smíða,“ segir Berglind og út-
skýrir fyrir blaðamanni að B.S. gráðan miði fremur við hönnun
tækjanna en sjálfa smíðina. „Þá get ég t.d. unnið á verkfræðistof-
um við að teikna og fleira.“
Mesta vitið að fara í fag sem ég þekki
Berglind játar því að óvenjulegt sé að stelpur velji þessa námsleið
en segir að í hennar tilfelli hafi þetta legið frekar beint við.
„Þegar ég var að velja hvað ég ætti að læra langaði mig ekkert
í Háskólann, og þá var það baraTækniskólinn sem kom til greina,“
segir Berglind. „Námið byggist mikið á reikningi, sem mér geng-
ur vel í. Mig langaði ekki í fag þar sem ég þyrfti að lesa mikið. Það
var því mesta vitið í því að fara út í þetta enda þekki ég þetta.“
Hún segir að námið sé skemmtilegt og fint að vinna við þetta.
Augljóst er að hún er orðin vön því að vinna aðeins með karl-
mönnum, því það hefur hún gert undanfarin þrjú sumur.
En hvernig er að vera eina stelpan í strákabekk?
„Það er allt í lagi,“ segir Berglind. „Við erum hvort sem er
svo fá.“ Hún segir þó að það væri gott að hafa fleiri konur
í kringum sig. „Við höfum kannski ekki alltaf sömu áhuga-
mál. En þetta eru allt mjög finir strákar." Hún berTækni-
skólanum vel söguna. „Þetta er dálítið eins og í fjölbrauta-
skóla, við erum líka í tímum með öðrum deildum og
erum þá allt frá átta og upp í þrjátíu manns í tímum. Hjá
okkur er líka allt mjög persónulegt því þetta er svo lítill
bekkur.“
Ekki erfitt að komast á samning
Þegar Berglind er spurð hver hún telji að sé ástæðan fyrir
því að svo fáir sæki í þetta nám bendir hún á að margar
konur fari í fög eins og verkfræði. „En í þessu námi þarf
maður að vera búinn að vinna í smiðju í 18 til 24 mánuði
og ég held að það sé aðallega ástæðan. Það eru fáar stelp-
ur að vinna í srniðju." Hún telur þó ekki að ástæðan sé sú
að þær fái síður vinnu. „Það hlýtur að vera að þær sæki
ekki í þetta því þær myndu komast á samning ef þær
reyndu.“ Hún segir að það hafi verið lítið mál fyrir sig að
komast á samning. „Eg er náttúrulega búin að vera að vinna
við þetta og er með reynslu."
Berglind bendir þó á að ef fólk sé ekki búið með samn-
ing geti það tekið tvær annir í iðnskóla, tekið grunndeild
málmiðnaðar og unnið í sex mánuði eftir það. Þeir sem ekki
hafa unnið í smiðju ættu því engu að síður að hafa möguleika
á að velja þessa námsleið.
VERA • 17