Vera - 01.06.2003, Qupperneq 15

Nýjungar hjá Reyni bakara
Nýlega fór fram endurnýjun á bakaríi Reynis bakara
við Dalveg í Kópavogi. Nýjar innréttingar voru
keyptar frá Þýskalandi sem gera alla aðstöðu betri
og auðvelda viðskiptavinum að fá yfirsýn yfir úrval-
ið af brauði og kökum í bakaríinu.
Kaffihús er staðsett í bakaríinu og þar sest fólk gjarnan nið-
ur og fær sér ókeypis kaffi og les blöð um leið og það gæð-
ir sér á nýbökuðu bakkelsi. I nýju innréttingunum er að-
staða fyrir afgreiðslufólk til að smyrja rúnstykki o.fl. að ósk-
um viðskiptavinarins. Einnig er hægt að kaupa smurt
brauð og taka með heim eða borða á staðnum.
Þegar VERA leit inn hjá Reyni bakara einn laugardags-
morgun var straumur fólks að ná sér í nýbakað með morg-
unkaffinu. Margt fólk greip einnig tækifærið og settist nið-
ur með kaffi til að eiga notalega stund. Bakaríið opnar
klukkan sex á morgnana og þá er algengt að leigubílstjór-
ar líti við og síðan koll af kolli, eftir því sem fólk vaknar og
vill gæða sér á nýbökuðu brauði og kökum á stað þar sem
ilmurinn fylgir með í kaupbæti.
vera / 3.tbl./2003/15