Vera - 01.06.2003, Qupperneq 21

KARLKYNS VINUR MINN TJÁÐI MÉR UM DAGINN AÐ
HONUM ÞÆTTI SKEMMTILEGRA AÐ LESA BLOGG
KVENNA VEGNA ÞESS AÐ ÞAÐ VÆRU MEIRI LÍKUR Á
ÞVÍ AÐ KONUR FÆRU „YFIR STRIKIÐ" í ÓGÁTI ÞVÍ AÐ :vq
ÞÆR VÆRU MEIRI TILFINNINGAVERUR
Tveir menn tilheyra sama banda-
laginu. Báðir hafa töffaraskapinn að
leiðarljósi í sínu bloggi; eru kjaftforir
og hressir og segja það sem þeim
dettur í hug án þess að hafa minnstu
áhyggjur af því hvað öðrum finnst. (
bloggfærslu lætur annar maðurinn í
Ijósi áhyggjur af þvi að hann sé farinn
að drekka of mikið. Hann segist vera
alvarlega að hugsa um að fara í með-
ferð og hafi farið í viðtal til áfengis-
ráðgjafa í því skyni. Næsta dag gerir
hinn harðorða athugasemd við þá
sem eru með „alkavæl" á blogginu í
færslu sem ber yfirskriftina Alcaholic
Idiots Anonimous (sic). Og stuttu
seinna skrifar sá sem færslan var skrif-
uð fyrir:
X rústaöi fyllibytturæflum mjög
smekklega í skemmtilegri færslu um
Alcaholic Idiots Anonimous. Kannst við
þetta sjónarhorn frá því að ég var edrú
í þrjá mánuði. Tek X á orðinu og mun
ekki skrifa fleiri alkablogg.
Skilaboðin hafa náð [ gegn. Maður-
inn ætlar ekki aftur að beygja af leið.
Konur beita ekki hver aðra slíkum
þrýstingi á blogginu, eftir því sem ég
kemst næst. Þær geta farið
mörgusinnum yfir strikið og verið
taldar kolruglaðar fyrir vikið, en eng-
inn innan bandalags þeirra segir
neitt. Þær eiga ekki netvinkonur sem
segja: Taktu þig nú saman í andlitinu
manneskja!
Kona var mjög persónuleg á sínu
bloggi og tjáði sig m.a. grimmt um
orsakir og afleiðingar skilnaðar sem
hún hafði nýlega gengið í gegnum.
Hún sagði frá því að hún hefði misst
fóstur, misst vitið og í kjölfarið misst
manninn sinn. Daglegar færslur um
líðan hennar, verkan þunglyndislyfja,
framkomu fyrrverandi stjúpbarna
o.s.frv. fóru svo langt yfir öll strik að
bloggheimurinn stóð á öndinni.
Ég skammast mín hræðilega fyrir
að vera fráskilin. Mér finnst ég vera
stimpluð og allur heimurinn geti séð
hvað ég er mislukkuð. Ég á ekki heima í
þessu samfélagi, ég er annað hvort of
ung eða of gömul. Too young to give
up and to old to just break free and run.
Story ofmy life. Ég skammast mín fyrir
að vera til, eins hrikalega misheppnuð
og ég er - fráskilin 25 ára. Ef ég væri
ekkja gæti ég þó amk. borið höfuðið
hátt.
Viðbrögðin sem þessi kona fékk
voru að mestu jákvæð. Fólk úr hennar
bandalagi sendi hrós fyrir einlægni
og hvatningarorð um að halda áfram
inn á bloggsíðuna. Það var hins vegar
utanaðkomandi aðilum sem fannst
að fyrst hún hunsaði öll strik væri
þeim einnig leyfilegt að gera það. Því
fór konan að verða fyrir aðkasti net-
leiðis sem að lokum leiddi til þess að
hún ákvað að hætta að blogga. Ef
konan hefði verið karlmaður hefðu
vinir hennar að öllum líkindum fyrir
löngu verið búnir að vara hana við.
„Abbabbabb... þetta var nú aðeins
yfir strikið, góða."
Samkvæmt þessu mega konur
(sem hafa orð á sér fyrir að vera til-
finningaverur) vera það áfram þang-
að til tilfinningasemin gengur út yfir
allan þjófabálk og verður að ein-
hverju sem kalla mætti tilfinninga-
klám. Jafnvel þá tekur nánasti hópur-
inn ekki af skarið og þaggar niður í
viðkomandi, heldur taka ókunnugir
það að sér.
Karlar eru hinsvegar áfram bundn-
ir af óskráðum lögum um að þeir
megi ekki bera tilfinningar sínar á
torg. Vinir þeirra beinlínis vara þá við
því að ganga of langt og bloggvinir
taka mark hverjir á öðrum. Þeim næg-
ir að ræskja sig og tilfinningasemin er
horfin út í bláinn.
En auðvitað eru allar reglur, skráð-
ar og óskráðar, hannaðar fyrir fólk að
brjóta. Endilega gerið það.
Nokkrar slóðir vinsælla kven-
bloggara (setjið http://www. á
undan)
vortex.is/audurj/blogger.html
katrin.is
kreisigorl.blogspot.com
matarsodi.blogspot.com
3kids.blogspot.com
thorunnh.blogspot.com
obba.blogspot.com
youcantkeepmedown.blogspot.
com
kona.blogspot.com
unnur.klaki.net
heift.blogspot.com
maggabest.blogspot.com
laedan.blogspot.com
salvorg.blogspot.com
,
vera / 3. tbl. / 2003 /21