Akranes - 01.04.1958, Síða 37

meistari, þótt honum sc lítið um að blanda
þar í peningaveltum. Mór er kunnugt um,
að hann heldur mikið upp á töluna sjö,
en það má vel vera runnið frá meistar-
anum, sem aðspurður svaraði þvi á þenn-
au eftirminnilega hátt, hve oft ætti að
fyrirgefa: „Ekki sjö sinnum, heldur sjötiu
sinnum sjö sinnum“. Þessa margföldunar-
töflu kann síra Friðrik vel, því að allt
lians langa líf, iðja og athöfn, hefur fyrsl
og fremst miðazt við það, og mótazt af þvi,
hvernig líf hans og starf gæti komið að
sem víðtækustum notum fyrir æskuna,
sem hann umgekkst. Honum hefur orðið
þetta mikil gæfa. Það hefur og orðið
mörgum einstaklingi til gæfu og gengis.
Það hefur orðið íslenzkri þjóð til hlessunar
i marga ættliðu, í samræmi við Orð Guðs
og fyrirheit.
Sira Friðrik hefur ekki fylgzt með hverri
hræringu hinna almennu mála i þjóðfé-
laginu og látið sem það kæmi sér lítið við
að hnýsast i dægurmálin. Honum hefur
ekki fundizt það lífsnauðsyn að rýna í
hvern dagblaðssnepil, né heldur hefir hann
haft löngun til að nema hvert orð af vör-
um þeirra, sem daglega láta ljós sitt skína
á vegum útvarpsins. Með hliðsjón af þvi,
sem nú var sagt, veit hann þó ótrúlega
góð skil á öllu þessu. Það er þvi eins og
hann hafi sagnaranda eða svo margvís-
lega óvenjulega skynjun. Hefur honum
])ví ekki orðið nein skotaskuld úr að leysa
hin daglegu vandamál, sem komið hafa
fyrir í starfi hans. 1 þessu sambandi er
rétt að geta þess, að sira P’riðrik mundi
aldrei koma til hugar að vera að snuðra
um það, sem við kemur öðrum mönnum.
Einnig á þessu sviði er sira Friðrik ein-
stæður persónuleiki. í ])essu hefur þrennt
sérstaklega hjálpað honujm: Fjölþættar
gáfur og göfgi, upplýst af anda Guðs, en
það sýnir öllu öðru fremur, hve náið og
traust samband hann hefur við Guð sinn,
en þetta vita líka allir, sem bezt þekkja
síra Friðrik. Þannig hefur hann allan
simi langa aldur verið óvenjulegur starfs-
kraftur undir handleiðslu Guðs.
Mikið starf og merkilegt hefur ])egav
risið af þeim frjóanga, er sira Friðrik
gróðursetti hér rétt fyrir siðustu aldamót.
Það hefur enginn kyrkingur verið í vexti
þess, engar la'gðir í starfi þess, heldur
sífelldur vöxtur og viðgangur. Þess sér
nú viða merki í þjóðlífinu og þá ckki si/i
í höfuðstaðnum þar sem þörfin á slíku
starfi er hvað mest. Þetta viðamikla óeigin
gjarna sjálfboðastarf K.F.U.M. og K. hef-
ur verið kirkju landsins mikil stoð og
styrkur á þeim nær 60 árum, er það hef
ur staðið. Ég hygg, að kirkjan eigi þar
mikla skuld að gjalda, og meiri en almennl
hefur verið haldið hingað til.
Ég óska vini mínum, síra Friðrik, inni-
lega til hamingju á þessum merku tíma-
mótum í lífi hans. Ég bið Guð að leið.'i
hann og styrkja ])að sem eftir er af áfang-
anum, sem hingað til. Það er mestar lík-
ur til að hann verði 7X13 ára og ef til
vill 7X14 ára. Ef til vill mætir hann
líka árið 2000 á Utskálum, eins og hann
lofaði Keflvíkingum um síðustu aldamót?
Síra Friðrik hefur verið hamingjubarn, og
það hefur verið þjóðinni mikil hamingja,
að eignast svo heilsteyptan ungmennaleið-
toga sem raun ber vitni, enda sýna verkin
merkin.
Ól. fí. fíjörnsson.
Kærleikurinn
Keppið eftir kœrleikanum.
Allt hjá yður sé í kœrleika gjört.
ÞjóniS hver. öSrum í kærleika.
Umberið hver annan í kœrleika.
Guð er kœrleikur.
Kœrleikurinn fellur aldrei úr gildi.
A K I\ A N E S
05