Árbók VFÍ/TFÍ - 01.06.2004, Side 12

(verkfræði). Tæknifræði og verkfræði eru þannig greinar af sama meiði en ég tel að þessi
mismunur á uppbyggingu námsins sé heppilegur og til þess fallinn að styrkja stéttina í
heild.
Á síðari árum hafa skilin á milli verkfræðináms og tæknifræðináms orðið óljósari. Krafan
um fornám hefur vikið í mörgum skólum sem kenna tæknifræði og nemendum með
hefðbundið stúdentspróf hefur fjölgað. Við þessu tel ég að þurfi að bregðast. Námið hefur
til þessa verið byggt ofan á ákveðna verkþekkingu nemenda sem hefur gert það að
verkum að kennsluaðferðir eru í einhverjum tilfellum beinskeyttari en ella. Nemendur
eru fljótari að tileinka sér hagnýtar lausnir við úrlausn verkefna. Verði krafan um fornám
felld niður er sýnt að á móti komi krafa um lengingu námsins til að tryggja gæði þess.
Próf í tæknifræði er í eðli sínu lokapróf sem veitir mjög góð starfsréttindi. En við þurfum
að tryggja þessi réttindi. Það er ekki sjálfgefið að svo verði áfram ef ekki er passað upp á
innihald námsins, hvort sem það er innan háskólanna eða fornámið sjálft. Þó svo að ég
tali um að próf í tæknifræði sé lokapróf þá er ég ekki að draga úr því að tæknifræðingar
bæti við sína menntun, það er einungis af hinu góða. Ég harma það hins vegar að við slíkt
viðbótarnám (MSc) leita menn undantekningarlaust eftir nýju starfsheiti og ganga í
annað félag (VFÍ).
Ég vil að lokum þakka framkvæmdastjóra og öðru starfsfólki á skrifstofu fyrir góð störf í
þágu félaganna beggja. Ég vil einnig þakka þeim fjölmörgu félagsmönnum, sem vinna
ómælt sjálfboðaliðastarf fyrir félagið, þeirra framlag til að viðhalda öflugu starfi innan
raða okkar tæknifræðinga. Án þess væri félagið ekki það afl sem það er í dag.
Einar H. Jónsson
INNGANGUR RITSTJÓRA
Ragnar Ragnarsson
ritstjóri Árbókar VF[/TF(
Kaflaskiptingin í þessari árbók er óbreytt frá fyrra ári. í fyrsta kafla
bókarinnar er greint frá félagsstörfum innan VFI og TFI og í
öðrum kafla, tækniannálnum, er farið vítt og breitt yfir
tæknisviðið. í fjórða kafla er fyrirtækjum gefinn kostur á að kynna
starfsemi sína með því að segja frá því markverðasta eða birta
tæknigreinar er varða fyrirtækið. I fjórða kafla eru birtar ritrýndar
vísindagreinar en þeim fimmta almennar tækni- og vísinda-
greinar.
Öll vinna við gerð bókarinnar gekk snurðulaust fyrir sig. Að þessu
sinni bárust reyndar færri greinar en í fyrra en þá voru þær óvenju
margar.
Steinari Friðgeirssyni, formanni VFÍ, og Einari H. Jónssyni, formanni TFÍ, ásamt öðrum
félagsmönnum sem lögðu hönd á plóginn, er hér þakkað fyrir gott samstarf við gerð
árbókarinnar. Logi Kristjánsson framkvæmdastjóri og allt starfsfólk á skrifstofu félag-
anna fá þakkir fyrir ánægjulegt samstarf á árinu, svo og Pétur Ástvaldsson sem annaðist
allan prófarkalestur bókarinnar.
Höfundum vísinda- og tæknigreina er þakkað fyrir vandaðar greinar og enn fremur rit-
rýnendum vísindagreina. Loks eru fyrirtækjum og stofnunum færðar þakkir fyrir fróð-
legar kynningar- og tæknigreinar og fjárframlög til gerðar bókarinnar.
Það er von mín að félagsmenn hafi ánægju og fróðleik af lestri árbókarinnar og óska ég
félagsmönnum velfarnaðar á nýju ári.
i o
Árbók VFl/TFl