Árbók VFÍ/TFÍ - 01.06.2005, Blaðsíða 11

ÁVARP FORMANNS TFÍ
Starfsemi félagsins hefur verið í miklum blóma á siðastliðnu starfsári.
Fjölbreytni þess sem félagsmönnum hefur verið boðið upp á er mikil.
Eins og venjulega eru þó hefðbundin störf innan félagsins fyrir-
ferðarmikil, starfsemi menntunarnefndar er eitt þeirra. Hún sér um
að fjalla um umsóknir þeirra sem óska eftir því að fá að kalla sig
„tæknifræðing" og þeirra sem óska eftir því að fá að ganga í félagið.
Ég nefni þetta hér því ég held að það vilji stundum gleymast hversu
mikilvægt það er hverri stétt að vernda starfsheiti sitt. Það er einmitt
eitt af meginviðfangsefnum Tæknifræðingafélagsins að verja starfs-
heitið. Við þurfum stöðugt að vera vakandi yfir því að nafnið sé ekki
notað af þeim sem ekki hafa unnið sér rétt til þess og það er hlutverk
stjórnar félagsins að fylgjast með því og gera athugasemdir þegar við á.
Arvnað dæmi um hefðbundin störf innan félagsins er starf löggildingarnefndar sem tekur
fyrir umsóknir þeirra sem óska eftir löggildingu til þess að fá að leggja teikningar í eigin
nafni inn til byggingafulltrúa. Miðað við þann fjölda sem bæst hefur í félagið undanfarin
ár finnst mér fjöldi þeirra sem sækir um þessa mikilvægu löggildingu ekki vera mikill og
tilefni frekari skoðunar innan stjórnar félagsins.
Að annarri starfsemi ólastaðri langar mig að vekja sérstaka athygli á verkefnum þessara
tveggja nefnda sem vilja oft gleymast þegar fjallað er um alla þá fjölmörgu viðburði sem
félagið stendur fyrir á hverju ári.
Fjölmargir viðburðir settu svip sinn á árið, m.a. fjölmennar ráðstefnur og fjölbreyttir sam-
lokufundir í hádegi.
Rýni 2005 var farin til Skotlands og Englands í september, þar sem skoðuð voru fjölmörg
merkileg mannvirki. Sérstök áhersla var lögð á að skoða mannvirki sem byggð voru í
tilefni árþúsundamótanna, eins og The Falkirk Wheel í Skotlandi sem er mjög hraðvirk
skipalyfta. Aðeins tekur um 20 mínútur að lyfta báturn í hæð sem tók um það um bil
heilan dag áður. Millennium bridge í Newcastle var skoðuð en hún er bogadregin göngu-
brú yfir ána Tyne sem liggur í gegnum borgina. Merkilegt við þá brú er að hún er lyftan-
leg með öflugu vökvakerfi sem við fengum að sjá þegar henni var lyft upp sérstaklega
fyrir hópinn. The Angel of the North er feiknastórt listaverk sem stendur við aðalveginn
að Gateshead og merkilegt fyrir stærð sína og rnikið vænghaf. Millennium Eye í London
var einnig skoðað en þessi mannvirki eiga það öll sameiginlegt að vera stórbrotin
verk/tæknifræðileg afrek auk þess að vera mikið augnayndi. í ferðinni voru jafnframt
skoðuð fyrirtæki sem framleiða stálklæðningar sem eru m.a. seldar til Islands.
Þátttakendur voru rúmlega 40 verk- og tæknifræðingar ásamt mökum sínum og þótti
ferðin takast afar vel.
Skoðunarferð var farin til Kárahnjúka og Alcoa á Reyðarfirði. Bæði var farið með flugi og
jeppum. Skemmst er frá því að segja að ferðin tókst ágætlega utan þess að sá hluti
hópsins sem fór með jeppum náði ekki á áfangastað í tíma og missti af höfðinglegum
móttökum og fróðlegri skoðunarferð.
Á árinu urðu veruleg umskipti í menntunarmálum tæknifræðinga þegar Tækniháskóli
íslands og Háskólinn í Reykjavík voru sameinaðir. Við sameininguna var reyndar fækkað
greinum sem kenndar eru til tæknifræðiprófs, hætt var að kenna iðnaðartæknifræði og
upplýsingatæknifræði en á móti kernur að boðið verður upp á mastersnám í bygginga-
tæknifræði sem hugsanlega verður byrjunin á því að boðið verði upp á mastersnám í
öðrum greinum tæknifræðinnar. Áhersla er lögð á að kenna tæknifræði í þeim greinum
sem byggja ofan á hefðbundið iðnnám, eins og t.d. bygginga-, véla- og rafmagns-
tæknifræði gerir. Iðnaðar- og upplýsingatæknifræði var þannig ekki talin hafa eins mikla
skírskotun til hefðbundins iðnnáms. Var því ákveðið að fella það niður eða breyta því
Félagsmál Vfí/TFÍ
9