Árbók VFÍ/TFÍ - 01.06.2005, Qupperneq 25

Samstarfið við verkfræðideild Háskóla íslands
Verkfræðingafélag íslands hefur lagt mikla áherslu á gott samstarf við verkfræðideild
Háskóla íslands, enda eru slík tengsl báðum aðilum nauðsynleg. Formaður, varafor-
maður og framkvæmdastjóri hafa átt fundi með forseta deildarinnar og skorarfor-
mönnum um málefni verkfræðideildar og félagsins.
Vinna nemenda við félagakerfið
Verkfræðingafélagið hefur fengið nemendur á þriðja ári við verkfræðideild Háskóla
íslands til að vinna að skráningu og leiðréttingum í félagakerfinu og ýmis önnur störf.
Þessi vinna hefur verið liður í fjáröflun vegna útskriftarferða verkfræðinema. A þessu ári
unnu nemendur að úttekt á því hvað yrði um þá sem lykju BS-prófi í verkfræði. - Hvort
þeir héldu áfram námi eða færu beint á vinnumarkaðinn. Þegar þetta er ritað er vinnu við
úrvinnslu gagnanna ekki lokið.
Styrktarsjóður J.C. Möller
Reglur sjóðsins kveða á um að öllu jöfnu skulu rafmagnsverkfræðinemar í lokaáföngum
við DTU ganga fyrir varðandi styrkveitingu úr sjóðnum. í ár var Eyrúnu Linnet og
Kristjáni Hauki Flosasyni, nemendum við DTU, veittur styrkur úr sjóðnum hvoru að
fjárhæð 10.000 Dkr. Sjóðstjórn gat að þessu sinni veitt tvo styrki þar sem sjóðnum barst
gjöf að fjárhæð 10.000 Dkr.
Húsnæðismál
Á haustmánuðum 2003 var gengið frá eignaskiptasamningi vegna hússins að Engjateigi
7 en VFÍ eignaðist 11% í húsinu í stað þeirra lóðaréttinda sem það hafði aflað sér og lagði
ístaki til á sínum tíma. Þann 11. mars 2004 var síðan undirritaður leigusamningur þar
sem ístak leigir hluta VFÍ í Engjateigi 7 til tíu ára frá og með 1. september 2000. Mikil og
ánægjuleg umskipti hafa orðið á Verkfræðingahúsinu á síðastliðnum árum. Húsrými á
jarðhæð var innréttað árið 2003 og haustið 2004 var lyfta tekin í notkun.
Eru félagsgjöldin of lág?
Miðað við launavísitölu í janúar 2005 hafa félagsgjöld lækkað um
56% frá 1990. í raun er lækkunin meiri því gjöld til deilda eru nú
innifalin í félagsgjöldunum en voru það ekki áður. Sú lækkun
nemur 2,5 til 5% eftir deildum. Þá kemur einnig til lækkun fyrir þá
sem eru í SV svo lækkunin er komin í um 66% hjá sumum félags-
manna. Félagsgjöld nýútskrifaðra félagsmanna eru fjórðungur
félagsgjaldsins fyrstu tvö árin, næstu tvö árin eftir útskrift er greitt
hálft gjald. Félagsmenn greiddu á árinu 1992 rúmar 13 milljónir kr.
til félagssjóðs VFÍ og auk þess 3,3 milljónir kr. til hússjóðs VFI á
verðlagi þess árs. Ef miðað er við meðalneysluvístölu 1992 til 1993
samsvara félagsgjöld til Félagssjóðs VFI á árinu 1992 því að félags-
gjöldin 2003 hefðu verið 18.367 þús.kr. (en rúmar 24 millj. kr. ef
miðað er við launavísitölu). Félagsgjöldin á árinu 2003 námu hins
vegar 13.567 þús. kr. eða rétt rúmlega krónutölu félagsgjaldanna
1992. Engin félagsgjöld runnu til hússjóðs VFI og hafa ekki gert frá
árinu 1994. Úr hússjóði runnu 4,3 milljónir kr. í félagssjóð.
Félagsmál Vfí/TFÍ