Árbók VFÍ/TFÍ - 01.06.2005, Page 39
1.3.2 Skýrslur sameiginlegra fastanefnda TFÍ/VFÍ
starfsárið 2004-2005
Útgáfunefnd TFÍ og VFÍ
TVÍ og VFÍ standa sameiginlega að útgáfunefnd félaganna. í útgáfunefnd hafa starfað á
sl. ári: Frá VFÍ: Ólafur Pétur Pálsson formaður og Kristinn Andersen. Frá TFI: Arni Þór
Árnason og Óli Jón Flertervig. Ragnar Ragnarsson, ritstjóri Árbókar, situr jafnframt í
útgáfunefnd. Blaðnefnd Verktækni var skipuð sömu fulltrúum að Jaessu sinni og á
síðastliðnu ári. Nefndina skipa Ólafur Pétur Pálsson (VFÍ) og Árni Þór Arnason (TFÍ), auk
Sveinbjargar Sveinsdóttur frá Stéttarfélagi verkfræðinga og er hún formaður blaðnefndar.
Þungamiðjan í útgáfumálum félaganna hefur síðastliðið ár, eins og undanfarið, verið
útgáfa Verktækni og Árbókar VFÍ/TFI.
Verktækni
Sigrún Hafstein hefur gegnt störfum ritstjóra Verktækni undanfarin ár og öfluga og
reglubundna útgáfustarfsemi blaðsins ber ekki síst að þakka henni. Blaðið var gefið út
mánaðarlega á sl. ári, utan tveggja sumarmánaða. Mánaðarlegt upplag blaðsins var um
3.000 eintök og blaðinu var dreift endurgjaldslaust til félagsmanna, en að auki til
fjölmiðla, auglýsenda og ýmissa fyrirtækja og stofnana. Ritstjórn og rekstur blaðsins er í
góðum farvegi. Fjármál Verktækni hafa í meginatriðum gengið eftir áætlun á árinu og eru
reikningar blaðsins endurskoðaðir af löggiltum endurskoðanda.
Árbók VFÍ/TFl
Ragnar Ragnarsson hefur ritstýrt Árbók VFÍ/TFÍ og útgáfa hennar hefur verið með mikl-
um ágætum. Við útgáfu Árbókar er fylgt fimm ára samningi sem gerður var við ritstjóra
fyrir um þremur árum. Engar breytingar voru gerðar á Árbókinni að þessu sinni, en all-
nokkrar breytingar urðu síðast, meðal annars var bókin öll prentuð í lit. Árbók 2004 kom
út í lok nóvember 2004 og var 280 síður. Fjöldi eintaka var 2050.
Ársskýrsla AVTÍ
Árið 2004 var ár mikils annríkis hjá austfirskum tæknimönnum. Er það hafið yfir allan
vafa en ekki eins víst að það sé ástæða þess að starfsemi félagsdeildanna var hófleg á
liðnu ári. Stjórnir héldu þó tvo fundi, annan í efra en hinn í neðra, en aðalfundur fórst
fyrir. Voru þetta fyrstu fundir eftir stjórnarkjör í apríl 2003. Á fundinum í efra skiptu
deildirnar því með sér verkum. Hjá verkfræðingum voru í stjórn Ingólfur Arnarson,
Jóhannes Pálsson og Óli Metúsalemsson. Rottuðu þeir sig saman Óli og Jóhannes og kusu
Ingólf sem formann og skiptu síðan með sér leifunum þannig að Óli tók að sér ritara-
starfið en Jóhannes gjaldkerann. Álíka lýðræðislegri framvindu hjá tæknifræðingum lauk
með því að í stjórn voru kosnir Guðjón Magnússon formaður, Guðjón Már Jónsson ritari
og Guðmundur Helgi Sigfússon gjaldkeri. Ekki fer miklum sögum af öðrum gerðum
fundanna, nema þar voru lögð drög að vísindaferð til Reyðarfjarðar. Óformlegir síma-
fundir voru einnig haldnir við undirbúning ferðarinnar.
Ingólfur Arnarson
3 7
Félagsmál Vfl/TFl