Árbók VFÍ/TFÍ - 01.06.2005, Síða 87
Mesta aukning almennrar forgangsorku í tvo áratugi
I samantekt Orkuspárnefndar, sem nýlega hefur verið birt, kemur fram að raforkunotkun
hér á landi hefur aukist mikið síðustu árin, aðallega vegna eflingar orkufreks iðnaðar.
Almenn notkun hefur einnig vaxið talsvert en árin 2002 og 2003 dró nokkuð úr þeim
vexti. Árið 2004 jókst hann að nýju og hefur notkun almennrar forgangsorku ekki vaxið
jafnmikið frá árinu 1987. Raforkunotkun á íbúa er sú mesta í heiminum hér á landi og á
síðasta ári notaði hver íslendingur að meðaltali 29.500 kílóvattstundir af raforku og er þar
bæði um að ræða notkun heimila, fyrirtækja, og stóriðju. Til samanburðar notar meðal-
heimilið um 4.000 kílóvattstundir af raforku til annarra þátta en hitunar húsnæðis.
Sveiflur í raforkunotkun eru að jafnaði í takt við sveiflur í landsframleiðslunni, en þó yfir-
leitt minni í raforkunotkuninni. Hagvaxtarbreytingar skila sér þó ekki strax í raforku-
notkun svo sem þegar hagvaxtarskeið hófst árið 1994 en það kom ekki fram í raforku-
notkun fyrr en 1995.
Notkun stóriðju stóð i stað
Árið 2004 nam raforkuvinnsla á landinu samtals 8.619 GWh (ein GWh, gígavattstund er
milljón kílóvattstunda) og hafði þá aukist um 1,5% frá árinu áður. Raforkunotkun
stóriðjuveranna nam 5.231 GWh en almenn notkun 3.134 GWh. Notkun stóriðju stóð í
stað frá árinu 2003 eftir mikla aukningu á árunum 1996-2003. Aukin notkun stóriðju á
þeim árum er álíka mikil og öll almenn notkun á landinu á síðasta ári.
Jarðvarmaspá 2005-2030
Nýja jarðvarmaspáin er sú þriðja í röðinni, síðasta jarðvarmaspá var gefin út 1987. Hún
stóðst vel hvað varðar húshitun en frávik var meira í snjóbræðslu, fiskeldi og iðnaði, enda
meiri óvissa um gang mála í til dæmis iðnaði og fiskeldi á áratuga tímabili en hitun húsa,
eðli máls samkvæmt.
Undanfarna áratugi hefur notkun jarðvarma aukist mikið
hér á landi og er nú 87% húsa hituð með jarðvarma. Hlutur
jarðvarma í húshitun heldur áfram að vaxa en mun hægar
en áður. Samhliða fjölgun fólks og uppbyggingu atvinnulífs
eykst notkunin og er spáð að hún aukist um 50% á þremur
fyrstu áratugum aldarinnar eða um 1,4% á ári að jafnaði.
Gert er ráð fyrir að notkun jarðvarma aukist til húshitunar,
snjóbræðslu, í sundlaugum, iðnaði og fiskeldi en dragist
saman í ylrækt.
Til grundvallar spánni eru lagðar forsendur um þróun
mannfjölda, húsnæðis, sundlauga, neyslu grænmetis,
fiskeldis, snjóbræðslu auk annarra þátta þar sem jarðvarmi
er notaður. Um 3/4 af notkun jarðvarma til annarra hluta
en raforkuvinnslu er vegna húshitunar og ef snjóbræðsla er
tekin með verður hlutur þeirra þátta um 80%.
Húshitun
• Gert er ráð fyrir að jarðvarmanotkun til húshitunar vaxi að meðaltali um 1,2% á ári
næstu 30 árin. Um 87% húsa á Islandi eru hituð upp með jarðvarma og reiknað er með
að það hlutfall verði komið í 92% árið 2030. íbúum hefur fjölgað mest á þeim svæðum
landsins þar sem hús eru hituð með jarðvarma en fækkað á rafhitunarsvæðum.
lönaöur og
annaö; 4,6%
Snjóbræösla
5,2%
Sundlaugar
5,7%
Húshitun
Skipting jarðvarmanotkunar án
I raforkuvinnslu eftir þáttum árið
2001,nýttorka.
Heimild: Orkustofnun |
8 5
Tækniannáll