Árbók VFÍ/TFÍ - 01.06.2005, Side 200

14 megavattstundir af raforku. Raforkusamningar hafa verið gerðir við Landsvirkjun til
40 ára. Alcoa Fjarðaál kaupir orku frá Kárahnjúkavirkjun. I tveimur 1.100 metra löngum
kerskálum verður 365.000 ampera straumur leiddur í gegnum lengstu samtengdu kera-
línu í heimi eða samtals 336 ker. í steypuskálanum verður hægt að framleiða verðmætar
afurðir í samræmi við óskir viðskiptavina og breytilega eftirspurn á mörkuðum, þar á
meðal hráál í stórum börrum, sérstakar álblöndur í minni hleifum og allt að 90.000 tonn
af álvírum. Starfsmenn Alcoa Fjarðaáls verða um 400 og að auki verða til fjölmörg önnur
störf í tengslum við álverið.
Vinnustaðurinn og samfélagið
Alcoa Fjarðaál er íslenskt fyrirtæki innan Alcoa-fjölskyldunnar. Álverið við Reyðarfjörð
verður hátæknivæddur vinnustaður þar sem farnar verða nýjar leiðir í stjórnun og skipu-
lagi. Fyrirtækið nýtur þar góðs af þeirri þekkingu og reynslu sem safnast hefur saman
innan Alcoa á löngum tíma. Hugmyndir hafa einnig verið sóttar til framúrskarandi
fyrirtækja á borð við Toyota. Unnið verður út frá verkferlum í sjáifstýrðum teymum þar
sem starfsmenn fá mikið umboð til athafna. Tæplega 40% starfsmanna verða með
háskólamenntun eða iðnmenntun. Allir starfsmenn munu öðlast sérhæfingu innan
fyrirtækisins. Störfin verða fjölbreytt og mikið verður lagt upp úr þjálfun, fræðslu og
starfsþróun. Starfsmenn munu verja um fimmtungi vinnutímans utan síns hefðbundna
starfsvettvangs og fá til þess sérstaka þjálfun. Árangur í starfi opnar starfsmönnum jafn-
framt tækifæri annars staðar innan Álcoa. Nýsköpun og stöðugar endurbætur verða
hafðar að leiðarljósi þannig að Alcoa Fjarðaál verði ávallt í fremstu röð. Starfsumhverfi er
hannað þannig að öll störf henti jafnt konum sem körlum og á öllum aldri. Álverið á að
vera öruggur og fjölskylduvænn vinnustaður og starfsmenn munu fá stuðning frá
fyrirtækinu til að sinna samfélagsmálum.
Alcoa Fjarðaál og umhverfið
Alcoa vill fylgja þeirri stefnu að framkvæmdirnar á
Reyðarfirði falli sem best að hugmyndafræði sjálfbærrar
þróunar, þar sem litið er til lengri tíma og reynt er að ná
jafnvægi milli efnahagslegra, félagslegra og umhverfislegra
þátta. Alcoa leitast við að tryggja að efnahagslegur og
félagslegur ávinningur af álverinu á Austurlandi verði sem
mestur. Markmið Alcoa er að hanna og reka álver í fremstu
röð að því er varðar umhverfismál. Á engu verður slakað til
að ná því markmiði. Sérfræðingar á sviði sjálfbærrar þró-
unar hafa tekið þátt í hönnun álversins og umhverfis þess
og sú reynsla, þekking og tækni sem Alcoa hefur tileinkað
sér á sviði umhverfismála er nýtt til fulls. Settur verður upp
fyrsta flokks mengunarvamarbúnaður og einnig verður
komið upp fullkomnu umhverfisvöktunarkerfi, bæði innan
og utan álversins, til að fylgjast með raunverulegum áhrif
um á umhverfið. Nú þegar er hafin söfnun upplýsinga um
grunnástand svæðisins sem kemur til viðbótar öllum þeim
rannsóknum og upplýsingum sem teknar hafa verið saman
í tengslum við mat á umhverfisáhrifum álvers í Reyðarfirði.
198i Árbók VFl/TFl 2005