Árbók VFÍ/TFÍ - 01.06.2005, Side 269

efasemdir um að þessi steypa væri nógu þétt til að
tryggja að ekki yrði tæring í venjulegu kambstáli,
ekki síst í ljósi þess að nánast ógerningur yrði að
gera við steypufletina síðar þannig að viðunandi
mætti teljast. Línuhönnun lagði því til að notað yrði
ryðfrítt kambstál af gerðinn AISI 316 eða sambæri-
legt. Viðbótarkostnaður af því var u.þ.b. 1300
kr./fermetra, sem verður að teljast fremur lág upp-
hæð í ljósi þess hve erfitt eða ómögulegt yrði að laga
fletina ef tæring járna sprengdi utan af sér steypu-
huluna. Viðbótarkostnaðurinn verður óverulegur ef
hann er borinn saman við kostnað við klæðningar,
sem verið er að setja utan á hús um þessar mundir.
Þrýstibrotþol umræddrar hraunsteypu var einnig
prófað. Gott brotþol yrði hægt að nýta til sparnaðar
i mannvirkinu. Brotþolsprófanir sýndu að steypan
hafði nægjanlegan styrk til að hægt væri að láta ytri
skel forsteyptra eininga ná upp fyrir viðsnúið þak án hjálpar frá innri skelinni og var
þetta gert með góðum árangri. Veggir í framleiðsluhúsinu eru nokkuð háir og voru ytri
og innri skelin látnar vinna saman með skerstigum á milli þeirra og var þannig hægt að
þynna innri skel veggeininga.
Þó að lögun lækningalindarinnar kallaði ekkert sérstaklega á forsteyptar einingar,
útheimti yfirborðið sem arkitektinn vildi ná fram slíkar einingar og verður ekki annað
sagt en að honum hafi tekist vel að raða einingum á hraunveggjafleti hússins. Lögun
framleiðsluhússins féll hins vegar mjög vel að steyptum einingum.
Verkkaupi samdi við einingaverksmiðjuna Smellinn á Akranesi um að framleiða steypu-
einingarnar, en fyrirtækið hafði áður steypt fyrrnefndar einingar á útisvæði Bláa lónsins.
Eftir að Línuhönnun hafði lokið sínum fortilraunum og komið fram með steypublöndu
sem skilaði viðunandi árangri, var verkið lagt upp þannig að einingaverksmiðjan skyldi
gera fortilraun með þeim tækjum sem hún hygðist nota við framleiðsluna. Þannig gæti
arkitektinn metið útlit eininga áður en hin eiginlega framleiðsla hæfist.
Allt þetta og fjölmargt fleira í hönnun mannvirkjanna við einn helsta ferðamannastað
landsins, sem ekki er rúm til að lýsa í þessari grein, sýnir svo ekki verður um villst hve
metnaðarfull hönnun Bláa lónsins hefur verið. Það er mat greinarhöfundar að þetta
verkefni fyrirtækisins verði ekki síður en hin fyrri til þess að styrkja jákvæða ímynd
heilsumiðstöðvarinnar um heim allan.
- o g vísindagreinar
T æ k n i
2 6 7