Læknablaðið - 01.10.1971, Qupperneq 9

LÆKNABLAÐIÐ
L/EKNAFÉLAG ÍSLANDS OG
L/EKNAFÉLAG REYKJAVÍKUR
Aðalritstjóri: Olafur Jensson.
Meðritstjórar: Karl Strand og Arinbjörn Kolbeinsson (L.Í.),
Arni Kristinsson og Sævar Halldórsson (L.R.)
57. ÁRG. OKTÓBER 1971 5. HEFTI
KRISTÍN H. PÉTURSDÓTTIR,
BÓKAVÖRÐUR BORGARSPÍTALANS
ÞJÓNUSTA LÆKNISFRÆÐIBÓKA-
SAFNA Á SJÚKRAHÚSUM
Erindi flutt á fundi Læknafélagsins Eir, 27. apríl 1971
Læknisfræðibókasafn sjúkrahúss fellur undir þann flokk safna,
sem kallaður er sérfræðileg bókasöfn. Einkenni slíkra safna eru meðal
annars, að þau eru flest lítil, þau hafa mjög afmarkað efnissvið og
notendahóp með þröngt áhugasvið. Safnkostur þessara safna er þó
oft mjög fjölskrúðugur — oft og tíðum er minnstur hluti slíkra safna
bækur. Það er ýmislegt annað, sem er sérkennandi fyrir þessi söfn —
meðal annars það, að þau verða sjaldnast til um leið og stofnunin,
sem þau þjóna, heldur löngu eftir, þegar ófremdarástand hefur skapazt
í stofnuninni, sem knýr á bráða nauðsyn bókasafnsþjónustu.
Hlutverk sérfræðibókasafna er að afla upplýsinga til stuðnings
markmiðum þeirrar stofnunar, sem þau þjóna, stuðla að áframhaldandi
menntun starfsfólks og veita aðstöðu og aðstoð við vinnslu ýmissa
verkefna og rannsókna.
Við skulum nú færa þessar reglur inn í ramma sjúkrahússins:
Læknisfræðibókasafn sjúkrahúss er af ýmsum kallað Læknabókasafn.
Það liggur í augum uppi, að læknar geta ekki framkvæmt starf sitt,
án þess að hafa greiðan aðgang að læknisfræðilegum ritum. Aukin
sérhæfing og tækniþróun hefur hins vegar opnað dyr sjúkrahússins
fyrir ýmsum öðrum starfsmönnum, svo sem sálfræðingum og jafnvel
verkfræðingum. Stjórn sjúkrahússins verður stöðugt flóknara fyrir-
tæki, og starfslið hennar þarf þar af leiðandi á upplýsingaþjónustu