Læknablaðið - 01.10.1971, Qupperneq 84

228
LÆKNABLAÐIÐ
í stað Jóns Sigurðssonar, borgarlæknis. Bjarni Bjarnason þakkaði
Jóni Sigurðssyni vel unnin störf og góða samvinnu og minntist hans
sem góðs félaga.
Þá minntist hann og Ólafs Björnssonar á Hellu og Guðmundar
Karls Péturssonar, sem nú eru látnir, með sérstöku þakklæti, en
þeir áttu báðir sæti í varastjórn Domus Medica. Einnig minntist
hann Kristins Stefánssonar.
Bjarni Bjarnason kvað reksturinn ekki hafa tekið teljandi breyt-
ingum á sl. ári. Hann hefði gengið vel, og færði Bjarni Friðriki
Karlssyni sérstakar þakkir. Hann taldi, að reksturinn yrði að vera
markviss á næsta ári. Nýjar framkvæmdir kvað hann ekki hafa verið
miklar á árinu. Breytingar voru gerðar á innréttingu skrifstofu lækna-
félaganna. Við það varð kleift að stækka litla salinn. Skilti úr áli
var sett yfir aðalinngang með nafni hússins. Ekki hefur enn verið
gengið frá lóðinni, en það stafar m. a. af því, að beðið er eftir skipu-
lagi hennar. Litli salurinn var gerður að veitingasal eftir stækkunina.
Þá ræddi Bjarni um óhagræði, sem stafaði af eldhúsinnréttingu
og skorti á geymslurými.
Komið hefur fram tillaga um byggingu eldhúss norður úr salnum;
yrði það dýrt fyrirtæki. Domus Medica á þó flest eldhústæki. Þá er
einnig svo komið, að samkomusalurinn er of lítill. Hann las bréf
frá stjórn L.í. dags. 2&.1. 1970. Þar segir m. a.: „Stjórn L.í. vill hér
með vekja athygli stjórnar Domus Medica á nokkrum atriðum, sem
hún telur ábótavant við samkomusalinn í Domus Medica.
a) Salurinn er of lítill fyrir stærstu fundi og samkvæmi lækna.
b) Aðstöðu skortir til þess að halda tvo eða fleiri fundi samtímis.
c) Einnig skortir aðstöðu til þess að halda sýningu á lækningatækj-
um og lyfjum, þegar læknaþing standa eða aðrir fjölmennir fundir.
d) Veitingaaðstaða í salnum er ófullnægjandi.“
Þessi atriði eru öll nánar skýrð sbr. ársskýrslu.
Bjarni taldi því brýna nauðsyn á því að tryggja aðstöðu til
stækkunar salarins. Allt húsnæði í Domus Medica, sem unnt er að
leigja, er nú í leigu. Hann kvað stjórn Domus Medica hafa fullan
hug á að greiða sem mest fyrir læknunum sjálfum, ekki hvað sízt
læknum landsbyggðarinnar, t. d. með' því að koma þar upp gisti-
heimilum o. fl. Hann kvað samstarf við læknana hafa verið gott.
Þá gat Bjarni þess, að sér hefði á liðnu ári verið sýnd mikil velvild
og sómi, sem hann þakkaði og óskaði þess, að Domus Medica yrði
fyrirmyndarstofnun um alla framtíð.
f fjarveru gjaldkera las Bjarni síðan reikninga sjálfseignarstofn-
unarinnar. Hagnaður skv. rekstrarreikningi reyndist kr. 679.667,89.
Hagnaður af rekstri félagsheimilis 1 millj. 112 þús. Eignir kr. 10.387.-
576,24. Húsaleiga kr. 678.252,00,
Er Bjarni hafði lokið máli sínu, var honum þakkað með lófataki.
Gunnlaugur Snædal sagði, að það gleddi sig að heyra, að hagur
stofnunarinnar færi batnandi og skuldir minnkandi, Ræddi síðan
um framtíð hússins og stækkun þess. Minntist hann á lóð skátanna
við Snorrabraut og möguleika á því, að Domus Medica gæti eignazt
hluta af henni. Þá taldi hann tímabært að fara að hugsa fyrir stærð