Læknablaðið - 15.09.1994, Blaðsíða 38

310
LÆKNABLAÐIÐ 1994; 80
Tölvuskráning á svæfingadeildum
Niels Chr. Nielsen
Læknablaðið 1994; 80:310-3
Ágrip
Markviss tölvuskráning á svæfingarskýrslum
gerir mögulegt að fylgjast betur með starfi
svæfingadeildanna og auðveldar ársuppgjör og
gæðastjórnun. Einfalt er að fá tölulegar upp-
lýsingar um starf deildarinnar hvenær sem er.
Lýst er einföldu og ódýru skráningarkerfi sem
tekið var upp á svæfingadeild Landakotsspítala
árið 1989. Ahersla er lögð á að skráningin sé
einföld, markviss og ódýr. Bent er á hversu
hagkvæmt sé að allt starfsfólk deildarinnar geti
nýtt sér skráningarkerfið.
Inngangur
Skráning upplýsinga um svæfingar hefur
tíðkast lengi. Skráð er tegund svæfinga, tíma-
lengd aðgerða, hvernig fylgst er með sjúklingi
og þess háttar. Lengi hefur skort á að upplýs-
ingarnar væru aðgengilegar starfsfólki svæf-
ingadeilda til uppgjörs eða sem hjálpartæki við
ákvörðunartöku um rekstur og skipulag
deilda. Árið 1935 lýsti Rovenstine (1) gata-
spjöldum til að raða og telja saman upplýsingar
fyrir skurðstofur. Á seinni árum hefur færst í
vöxt að upplýsingar þessar séu færðar á tölvu-
tækt form, en upplýsingar sem þannig eru
geymdar hafa nýst stjórnendum deilda illa
enda uppgjör aðeins gert árlega. Þessi kerfi
hafa mjög takmarkaðan sveigjanleika, erfitt er
að breyta upplýsingum og/eða bæta við skrán-
ingu.
Tilbúin skrásetningarkerfi eru flest bæði dýr
og flókin og oft mikið mál að kenna mönnum
að nota þau og iðulega er skráningin mjög
ósveigjanleg. Tölvu- og forritaþróun hefur
verið mjög ör undanfarin ár og sífellt koma á
Frá svæfingadeild Landakotsspítala. Fyrirspurnir, bréfa-
skipti: Niels Chr. Nielsen, svæfingadeild Landakotsspítala,
v/Túngötu, 101 Reykjavík.
markaðinn tölvur og forrit sem eru bæði að-
gengilegri og öflugri en áður hefur þekkst.
Á svæfingadeild Landakotsspítala var tekin
upp tölvuskráning svæfingarskýrslna árið 1989.
Markmiðið með skráningunni var að hún yrði
ódýr, nægilega einföld til að allir starfsmenn
deildarinnar gætu notað sér skráningarkerfið,
gæti gefið gagnlegar upplýsingar fyrir uppgjör
og að einfalt væri að finna einstakar sjúklinga-
skrár.
Efniviður og aðferðir
Ákveðið var að nota Macintosh tölvu (SE,
1 Mb vinnsluminni) og nota eitt af þeim forrit-
um sem spítalinn átti (FileMaker Pro). Starfs-
fólk deildarinnar kom sér saman um hvaða
atriði þyrfti að skrá. Hafður var samanburður
við erlend skráningarkerfi. Til að einfalda
vinnu við skráninguna var ennfremur ákveðið
að halda henni í einum „glugga" svo að ekki
þyrfti að skrifa mikinn texta, heldur aðins nota
tölustafi og músarskipanir (mynd 1). Dagsetn-
ing og raðnúmer (hlaupandi númer) koma
sjálfkrafa þegar nýr sjúklingur er skráður.
Skrifa þarf nafn sjúklings, fæðingardag og ár,
en forritið reiknar út aldur hans. Aðgerðar- og
svæfingarnúmer þarf að skrifa, svo og tíma-
lengd aðgerðar, fjölda eininga af blóði og lyfja-
gjafir, en annað er skráð með því að tvíklikka
með músarhnappnum á texta á valblaði sem
birtist þegar það á við. Forritið flettir sjálfvirkt
uppí hjálparskrám til að færa inn aðra texta
sem koma fyrir á skjánum. Með einfaldri mús-
arskipun eru eftirritunarskyld lyf prentuð út í
lokdagsins, (mynd 2). Mánaðarlegaerprentað
út yfirlit yfir allar svæfingar og deyfingar deild-
arinnar. Mjög einfalt er að fá yfirlit um aldurs-
dreifingu allra sjúklinganna eða innan ein-
stakra aðgerðarflokka. Ennfremur um tíma-
lengd einstakra aðgerða, hversu margar
aðgerðir eru gerðar utan venjulegs vinnutíma,
frá hvaða handlækningarsérgreinum sjúkling-
arnir koma og í hvaða hlutfalli. Fjöldi blóð-
gjafa er skráður og magn blóðs sem notað er.
Ekki þótti ástæða til að tengja skráninguna við