Læknablaðið - 15.02.1996, Side 79

LÆKNABLAÐIÐ 1996; 82
181
Davíðsbók
Unnið er að útgáfu rits til
heiðurs Davíð Davíðssyni, pró-
fessor emeritus, sem nýlega lét
af störfum eftir 35 ára embættis-
feril við Háskóla íslands og á
Landspítala.
I ritinu munu birtast yfir 70
fræðigreinar eftir vini, sam-
starfsmenn og fyrrverandi nem-
endur Davíðs. Þar verða meðal
annars greinar sagnfræðilegs
efnis um frumkvöðla blóðrann-
sókna á Islandi; Gísla Guð-
mundsson gerlafræðing (1884-
1928), Stefán Jónsson lækni
(1881-1961), Guðnýju Guðna-
dóttur lækningarannsóknar-
konu (1894—1967) og saga miltis-
bruna á íslandi og saga klínískr-
ar taugalífeðlisfræði. í ritinu er
mikill fjöldi mynda, þar á meðal
á annað hundrað fágætra
mynda af mönnum og munurn,
og hafa sumar þessara mynda
ekki birst á prenti áður. Ritið
verður prentað á góðan pappír
og í vönduðu rexin bandi (tvö
bindi) og áskriftarverð er 6.800
krónur. Ritið kemur út á vegum
Háskólaútgáfunnar, Háskóla
Islands.
Davíð Davíðsson þarf vart að
kynna. Hann lauk embættis-
prófi í læknisfræði frá Háskóla
Islands í ársbyrjun 1953. Eftir
framhaldsnám í lífefnafræði og
lífeðlisfræði við Hammersmith
sjúkrahúsið í London var hann,
árið 1957, skipaður prófessor í
lífefnafræði og lífeðlisfræði við
læknadeild HÍ, og því starfi
gegndi hann til ársloka 1992 (frá
1965 prófessorílífefnafræði ein-
göngu). Haustið 1958 stofnaði
Davíð Rannsóknadeild Land-
spítalans í blóðmeinafræði og
meinefnafræði, og fáeinum ár-
um seinna hóf hann ísótópa-
rannsóknir þar í sjúkdómsgrein-
ingarskyni og kom á fót
ísótópastofu Landspítalans.
Davíð var einn af stofnendum
Hjartaverndar og hefur setið í
framkvæmdastjórn Hjarta-
verndar frá upphafi. Hann sat í
Bygginganefnd Landspítalans
og síðar í yfirstjórn Mannvirkja-
gerðar á Landspítalalóð. Davíð
var baráttumaður fyrir sam-
starfi Háskóla íslands og heil-
brigðisstjórnar um uppbygg-
ingu og rekstur Landspítalans
sem háskólasjúkrahúss.
Vinnsla ritsins er á lokastigi
og bréf hafa verið send út, þar
sem viðtakanda er boðið að
heiðra Davíð með því að gerast
áskrifandi að ritinu. Nafn
áskrifanda mun þá birtast á ta-
bula gratulatoria, nema hann
óski annars.
Þau sem hafa í hyggju að
þiggja þetta boð eru vinsamlega
beðin að senda Háskólaútgáf-
unni seðil þann sem fylgdi með
bréfinu sem fyrst. Þeir sem ekki
hafa fengið umrætt bréf, geta
hringt í Lífeðlisfræðistofnun,
Læknagarði, sími 525 4830 og
tilkynnt áskrift að ritinu.
Ritnefnd
Breytingar
á greiðsluþátttöku sjúklinga
Vakin er athygli á reglu-
gerð Heilbrigðis- og trygg-
ingamálaráðuneytisins frá
22. janúar 1996 um breytingu
á hlutdeild sjúklinga í kostn-
aði vegna heilbrigðisþjón-
ustu.
Helstu breytingar eru þær
að nú skal greitt 700 kr. fyrir
komu á heilsugæslustöð eða
til heimilislæknis. Ellilífeyr-
isþegar 70 ára og eldri, ör-
orkulífeyrisþegar, ellilífeyr-
isþegar 67-70 ára sem nutu
örorkulífeyris fram til 67 ára
aldurs, börn sem njóta um-
önnunarbóta og önnur börn
undir 16 ára, kr. 300. Utan
dagvinnutíma er almennt
gjald kr. 1100 og fyrir síðar-
talda hópinn hér að framan
kr. 500.
Almennt vitjunargjald
verður kr. 1100. Fyrir ellilíf-
eyrisþega 70 ára og eldri, ör-
orkulífeyrisþega, ellilífeyris-
þega 67-70 ára sem nutu ör-
orkulífeyris fram til 67 ára
aldurs og börn sem njóta
umönnunarbóta kr. 400.
Vitjunargjald utan dag-
vinnutíma kr. 1600, fyrir síð-
artalda hópinn kr. 600.
Fyrir sérfræðilæknishjálp,
rannsóknir og röntgengrein-
ingu verður almennt gjald
kr. 1400 auk 40% af um-
sömdu eða ákveðnu heildar-
verði við komuna, sem um-
fram er. Ellilífeyrisþegar 70
ára og eldri, örorkulífeyris-
þegar, ellilífeyrisþegar 67-70
ára sem nutu örorkulífeyris
fram til 67 ára aldurs og börn
sem njóta umönnunarbóta
kr. 500 kr. auk þriðjungs af
40% af umsömdu eða
ákveðnu heildarverði við
komuna, sem umfram er.
Reglugerðin tekur gildi 1.
febrúar 1996.