Læknablaðið - 15.05.1998, Blaðsíða 52

412
LÆKNABLAÐIÐ 1998; 84
Tölvunefnd gerir ýmsar athugasemdir
við frumvarpið
- segir Haraldur Briem læknir sem sæti á í nefndinni
Haraldur Briem læknir á sæti í tölvu-
nefnd og er skipaður án tilnefningar.
Læknablaðið lagði fyrir hann nokkrar
spurningar um afstöðu nefndarinnar og
hans sjálfs til frumvarps heilbrigðisráð-
herra um gagnagrunn á heilbrigðissviði.
Hvað finnst nefndarmönnum um þau
ákvæði sem snúa að hlutverki tölvunefndar
og eftirliti með persónuvernd í frumvarp-
inu?
„Okkur þykir slegið nokkuð úr og í. í 4. og
5. grein segir að tölvunefnd þurfi að samþykkja
vinnuferlið með tilliti til gagnaverndar og hafi
eftirlit með framkvæmdinni. En í 11. grein seg-
ir að ráðherra geti heimilað tölvunefnd að
fylgjast með ákveðnum þáttum í rekstri fyrir-
tækisins. Við skiljum ekki alveg hvernig þetta
kemur heim og saman. Síðan segir að farið
verði eftir tölvulögunum að öðru leyti, en við
vitum ekki að hvaða leyti verður ekki farið eft-
ir þeim. Það er eins og verið sé að gefa í skyn
að þessi lög taki yfir einhverja þætti í tölvulög-
unum. Þessu náum við ekki alveg þannig að
tölvunefnd mun gera athugasemd við þessa
þætti. Nefndarmenn vilja að ráðherra geti ekki
veitt starfsleyfi samkvæmt þessum lögum
nema að fengnu samþykki tölvunefndar á verk-
laginu."
Fer ekki saman við beint samband við
sjúklinga
- I frumvarpinu er rætt um að setja þurfi
skorður við notkun einkaleyfishafans á upplýs-
ingum úr gagnagrunninum. Finnst ykkur að
þær skorður séu nægjanlegar?
„Já, hvað það varðar eru lögin í sjálfu sér al-
veg fullnægjandi að okkar mati og ef við getum
fundið eitthvert verklag sem tryggir persónu-
verndina þá er hugsanlegt að nefndin muni fyr-
ir sitt leyti samþykkja að þetta verði gert. Þó
munum við gera þá kröfu að hafa fullt eftirlit
með og innsýn í starfsemina og leggjum
áherslu á að það þurfi að efla tölvunefnd mjög
til þess að hún geti haldið uppi slíku eftirliti.
Eitt er það sem við munum leggja niikla
áherslu á að tryggja og það er að einkaleyfis-
hafinn stundi ekki rannsóknir á fólki sjálfur, að
fólk geti ekki komið inn til íslenskrar erfða-
greiningar eða þess fyrirtækis sem fær einka-
leyfið og átt bein viðskipti við það. Viðskiptin
verða að vera óbein og það verður að vera búið
að gera öll gögn ópersónubundin áður en þau
berast fyrirtækinu. Ef fólk kemur svo að segja
bakdyramegin inn í fyrirtækið og lætur í té
upplýsingar með nafni og kennitölu þá er verið
að grafa undan persónuverndinni.“