Læknablaðið : fylgirit - 01.08.1978, Qupperneq 30

28
um hvað snertir þá hvata sem mældir voru
og eins var ekki krafizt, að brjóstverkur
hefði byrjað innan 48 klukkustunda. Af
skilyrðum 1—3 var krafizt að minnsta
kosti tveggja. Þessi skilyrði fyrir greiningu
eru alþekkt úr læknaritum (1, 6, 10i).
RANNSÓKNIN.
Ákveðið var að skrásetja aldur og kyn-
skiptingu, legutímann, hversu lengi verkur
hafði staðið fyrir komu á spítalann, hvort
sjúklingurinn fékk hita, hjartarafritsbreyt-
ingar og hvatahækkanir.
Varðandi áhættuþætti var athugað, hvort
viðkomandi hefði áður haft kransæðastíflu,
háþrýsting, sykursýki, fjölskyldusögu um
kransæðasjúkdóm, hækkun á fituefnum í
blóði eða notað tóbak.
Varðandi meðferð var athugað, hvort
viðkomandi hefði fengið blóðþynningu,
meðferð við óreglulegum hjartslætti, losti,
endurlífgun og svo hver urðu afdrif hans.
MUMBER OF
PATIENTS
FIG. 1 PATIENTS BY YEAR AND SEX
Vitað var — og kom raunar í ljós — að
um sumt af þessu mundu ekki fást mark-
tækar niðurstöður vegna ónógra upplýs-
inga og/eða smæðar hópsins.
Rannsóknin beindist þó aðallega að því
að gefa svar við eftirfarandi spurningum:
1. Er aukning á fjölda þessara sjúklinga
á tímabilinu?
2. Hvernig skiptast þeir eftir aldri og kyni?
3. Hvert er heildardánarhlutfallið og
hvernig skiptist það eftir aldri og kyni?
4. Er marktækur munur á dánarhlutfalli
fyrir og eftir opnun gjörgæzludeildar?
5. Er sambærileg útkoma við spítala hér-
lendis og erlendis?
Á þessu 10 ára tímabili hafa þessi sjúk-
lingar verið stundaðir af 5 læknum, sem
allir eru sérfræðingar í lyflæknisfræði.
Hver sjúklingur hefur sama lækninn alla
spítalavistina, en að sjálfsögðu eru kallað-
ir til sérfræðingar í undirgreinum eftir þvi
sem þörf er á.
Mynd 1 sýnir fjölda sjúklinga á ári og
skiptingu þeirra eftir kyni. Á töflunni sést,
að um nokkuð stöðuga aukningu er að ræða
og er hún nær öll hjá karlmönnum. Sjúk-
lingafjöldinn var 569, en 9 sjúklingar
komu tvisvar á spítalann og er hver lega
talin sér. Er því heildartalan 577 sjúk-
lingar, þar af 403 karlmenn og 174 kon-
ur. Á fyrra 5 ára tímabilinu voru skráðir
211 sjúklingar, en á því síðara 366 sjúk-
lingar. Á fyrra 5 ára tímabilinu voru þess-
ir sjúklingar 1,3% af heildarinnlögnum á
spítalann (meðtalin barnadeild) og á
seinna 5 ára tímabilinu 1,8%.
Mynd 2 sýnir skiptingu eftir aldri og
kyni. Flestir karlmannanna eru milli 60—
69 ára, en tíðnin hjá konum nær hámarki
áratug síðar. Konur yfir áttrætt eru
líka fleiri en karlar. Yngsti sjúklingurinn
var 28 ára, sá elzti 91 árs.
Hjartarafrit hafa verið gerð hjá 568 sjúk-
lingum og voru talin sýna ákveðnar breyt-
ingar hiá 522 eða 92%. Hjá 9 sjúklingum
var hjartarafrit ekki tekið. í þessari at-
hugun var ekki gáð að hvar hjartadrepið
var staðsett.
-J.