Læknablaðið : fylgirit - 01.08.1978, Page 62

Læknablaðið : fylgirit - 01.08.1978, Page 62
60 magavegg, víðri maga-smágirnistengingu, mjógirnisslöngum og auknum þrýstingi i kviðarholi.(2 3 5) Samnefnari fyrir að of- angreind smokrun eigi sér stað, er þó maga- garnatenging, eins og að framan er lýst. Aldur sjúklinga hefur verið allt frá 19 upp í 79 ár. Tíðni er nokkuð hærri hjá konum en körlum og tvær þeirra urðu þessa kvilla varar meðan á meðgöngutíma stóð. Tímabil frá magaskurði hefur verið frá þriðja degi eftir aðgerð og allt að 37 árum. Lengd hins smokraða garnabúts hef- ur verið frá 5 cm. upp í 2 metra og vídd maga-garnatengingar frá 2 upp í 5 cm. Þessa kvilla hefur orðið vart við allar gerðir magagarnatengingarinnar, nemá Billroth I. Ekki virðist neinu breyta hvort tenging er lögð framan eða aftan við ristil, né heldur hvort um forstreymis eða and- streymis tengingu í maga er að ræða. ÁSTAND OG EINKENNI. Ástand og einkenni eru með ýmsu móti, byrja þó oft með skyndilegum verk fyrir bringspölum og mikil uppköst fylgja. Verkurinn gengur venjulega á með hvið- um, en er í fyrstu samdráttarverkur, sem síðar verður stöðugur stingverkur. Uppköst byrja yfirleitt með tærum magavökva, sem síðar verður rauðbrúnn með vaxandi drepi í smágirnisslímhúð. Áþreifanlegur massi í hjartagróf hefur fundist hjá 10—15% tilfella, en er samt ekki auðfundinn, þar sem fyrirferðaraukn- ing er yfirleitt falin upp undir brjóstkassa, enda er oftast um að ræða fyllingu á magastúf eftir mismunandi ágenga mið- hlutun á maga. Örfáum tilfellum hefur verið lýst með endurteknum köstum um langan tíma og eru einkenni að sjálfsögðu mun vægari en við það bráðaform, sem ástandinu fylgir að öllum jafnaði. GREINING. Ofangreindan sjúkdóm ber að hafa í huga við sjúklinga, sem koma inn með blóðuppköst, lengri eða skemmri tíma eftir magaskurð; kviðverkur og áþreifan- legur massi í ofanverðum kvið eru engan- veginn stöðug einkenni, en styðja grein- ingu séu þau til staðar. Skilyrði öruggrar greiningar eru rönt- genmynd af maga og/eða magaspeglun meðan á einkennum stendur. Á röntgen- mynd sést mismunandi stór ílangur dröng- ull, sem gengur upp í magapokann frá garnatengingunni. Utan á þessum dröngli sjást gormalaga fellingar, þar sem barium safnast í slímhúðarfellingar smágirnis, sem nú er úthverft innan í magapokanum. Þessar fellingar hverfa með vaxandi bjúg í garnaveggnum. Við magaspeglun þarf einnig að greina smágirnisslímhúð, en hún getur verið tor- kennileg, einkum ef um bjúgsollinn, grotn- aðan garnavegg er að ræða vegna blóð- rásartruflana. Blóðrannsóknir eru ekki hjálplegar hvað greiningu snertir, en mót- ast af einkennum og ástandi sjúklings. SJÚKRATILFELLI. 77 ára gömul kona, innlögð vegna blóðugra uppkasta, er hófust 10 klst. fyrir komu á spit- alann. Væg óþægindi fylgdu ofarlega í kvið. 1 fyrri sögu er það helst markvert, að helm- ingur maga var fjarlægður fyrir 37 árum vegna magasárs. Við skoðun var konan í sæmilega góðu á- standi, blóðþrýstingur 115/80, púls 82, og ekki fundust ákveðin eymsli eða fyrirferðaraukn- ing í kvið. Við magaskoðun kom upp dálítið af fersku blóði, en ekki virtist um óða- blæðingu að ræða. Magaspeglun var gerð komudag og sást blóðhlaupinn massi fylla út í mestan hluta magastúfs. Var hann að veru- legu teyti þakinn antacida, sem sjúklingur hafði verið sett á fvrir komu og því var erfitt að greina skilsmíði á honum, en þótti helst likjast blóðstorku. (Sjá litmynd bls. 57). Blæðingar- staður fannst ekki og blæðing virtist ekki vera i gangi við skoðun. (Mynd 2). Fig. 3 — Shows dilated gastric remnant filled with dilated Ioops of small bowel invaginated through the anastomosis. Note the partial filling of undilated afferent loop.

x

Læknablaðið : fylgirit

Direct Links

If you want to link to this newspaper/magazine, please use these links:

Link to this newspaper/magazine: Læknablaðið : fylgirit
https://timarit.is/publication/991

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.