Læknablaðið : fylgirit - 01.08.1978, Blaðsíða 63

61
íjeitlblæðing hélt áfram næsta sólarhring, en
þar sem magaspeglun hafði ekki þótt gefa
fullnægjandi upplýsingar var tekin röntgen-
mynd af maga, sem sýndi útvíkkaðan maga-
stúf og fylltu útvíkkaðar garnalykkjur mestan
hluta hans. Virtist hér vera um fráfærandi
garnalykkjur að ræða, þar sem aðfærandi
garnalykkja fylltist að hluta með skuggaefni
og virtist hún eðlileg útlits. (Mynd 3).
Blóðrannsókn við komu sýndi Hgb. 13.6 gr%
án teljandi breytinga í hvítkorna og steinefna-
forða.
Konan var tekin til aðgerðar 32 klst. eftir
að einkenni hófust. Kviðarhol var opnað um
langskurð og reyndist magi upppakkaður af
seigum massa. Áður en magi var opnaður voru
omentum og mesocolon transversum skoðuð
neðan frá og sást þá hvar talsverður hluti smá-
girnis hafði smokrast upp á við og inn í maga
um maga-smágirnistengingu, er gerð hafði ver-
ið 37 árum áður, aftan við risfil. Ekki var ann-
að athugavert í kviðarholi og vírtist görnin í
algerri sjálfheldu og varð ekki dregin út neð-
anfrá. Magaveggur var opnaður og komu þá
í ljós útvíkkaðar smágirnislykkjur, blóðhlaupn-
ar á yfirborði og virtist drep hafa hlaupið í
mikinn hluta af ytra byrði þeirrar garnasmokr-
unar, er hér hafði átt sér stað. (Sjá litmynd bls.
57). Ytra byrði var nú skorið um þvert eina 15
cm frá maga-garnartengingu. Innra byrði kom
í ljós og virtist það heillegur garnaveggur allt að
brún, þar sem innra byrði gekk yfir í hið ytra.
Hér var innra byrði rofið og þar með um 40
cm bútur af blóðhlaupnum garnabút (áður
ytra byrði) miðhlutaður. Innra byrði, um 50
cm að lengd var þannig losað og dregið niður.
Þeim 15 cm garnabút, er næst lá tengingu og
virtist heillegur, var nú rétthverft og hann tek-
inn niður á sama stað og fyrr, aftan við rist-
il og var hann samgataður að neðri garnastúf
(fyrrum innra byrði smokrunar). Hluta þess
var tyllt að lífhimnu framan á meginslagæð til
að hamla gegn endurtekinni smokrun. Aðfær-
andi garnastúfur var eðlilegur og Billroth II
tengingin, sem var ef til vill heldur í viðara
lagi, var látin ósnert og maga og kviðvegg
lokað á venjulegan hátt.
Eftirmeðferð var stormasöm, öndunarkreppa
með lost-ástandi á fyrsta sólarhring eftir að-
gerð, með lélegum og allt að engum þvagút-
skilnaði. Var sett í öndunarvél og batnaði á-
stand hennar á digoxin, Isuprel og vökvagjöf.
Komst þvagútskilnaður i gang á þriðja sólar-
hring. Öndunarvandamál með Þéttingu i neðri
hluta hægra lunga hélst þó lítið breytt, þrátt
fyrir virka öndunaraðstoð. Miðlínuskurður opn-
aðist að hluta á 9. degi og var saumaður upp
án teljandi eftirkasta. Almennt ástand gott upp
frá þvi og hægra lunga hreinsaðist og útskrif-
aðist hún þremur vikum eftir komu, sjálf-
bjarga hvað hreyfingu og næringu snertir. Sjö
mánuðum eftir aðgerð var hún innlögð vegna
lungnabólgu hægra megin, er svaraði vel lyfja-
gjöf. Þá voru engar kvartanir frá meltingar-
færum.
SAMANTEKT.
Tilfelli af smágirnis-magasmokrun er
rætt. Búast má við að tiðni á þessum fá-
séða fylgikvilla við magaskurði minnki,
þar sem Biilroth II tenging hefur að mestu
verið leyst af hólmi með einfaldari aðgerð-
um við skeifugarnarsárum. Hann skal þó
hafa í huga hjá sjúklingum, sem maga-
garnatenging hefur verið gerð hjá, og eru
með blóðug uppköst og verki.
SUMMARY.
A case of retrograde jejunogastric intussus-
ception in a 77 years old female, 37 years after
gastric resection and Billroth II anastomosis
for ulcer disease.
HEIMILDIR:
1. Aleman S.: Jejunogastric intussusception, a
rare complication of operated stomach.
Acta Radiol. 29:383-395, 1948.
2. Bradford B., Goggs J.E. and Charleston
W.Va.: Jejunogastric intussusception — an
unusal complication of gastric surgery.
Arch. Surg. 77:201-203, Ag. 1958.
3. Ginzburg L. and Friedman I.H.: Delayed
Intussusception. Folloaving removal of long
intestinal tube, with observation on its use.
N.Y. State J. of Med. 74:2009-2013, Oct. 1974.
4. O’Kieffe D.A., Burdick G.E. and Boyce
H.W.: Gastroscopie demonstration of a jeju-
nogastric intussusception. Gastrointestinal
Endoscopy 18:177-179, 1972.
5. Reyelt W.P. and Anderson A.A.: Retro-
grade jejunogastric intussusception.
Surg.Gyn.Ob. 119:1305-1311. Dee. 1964.