Sveitarstjórnarmál - 01.10.1975, Síða 9

ingar og vaxtar menningarlífs í liinum ýmsu
héruðum.
Mér virðist, að á vissum sviðum verði að búa
við þá skipan enn um sinn og ef til vill til frarn-
búðar, sérstaklega að því er varðar varðveizlu
verðmætustu listaverka og sýningu þeirra. Mál-
verkasýningar og hvers konar listaverkasýningar
eru kostnaðarsamar og vinnufrekar og koma ekki
að tilætluðum notum, nema þær standi nokk-
urn tíma, svo að þeirra njóti sem flestir. Þetta
næst aðeins í stærstu byggðakjörnum héraðanna.
Félagsheimilin má ekki taka til þessara nota,
það sést meðal annars af þeirri skýrslu, sem ég tók
dæmi úr hér að framan, um notkun þeirra. Þess
ber líka að gæta, að þau eru fæst þannig byggð, að
þau hafi nothæfa sýningarsali. — Hin sérbyggðu
listasöfn heilla héraða hljóta að leysa vanda sýn-
ingarstarfsins.
Listkynning í skólum
Til þess að tryggja árangur af slíkri starfsemi,
tel ég, að vel mætti vekja áhuga fólks með tvenns
konar aðgerðum úti í sveitarfélögunum. — í fyrsta
lagi með því að nota þá heimild, sem sveitarstjórn-
ir hafa nú í lögum um skólakostnað um að skreyta
skólamannvirki með listaverkum, svo að augu
hinna ungu nemenda venjist á að skoða og meta
listform í línum og litum. — í annan stað tel ég,
að gera ætti Listasafni ríkisins það skylt að nýju
að dreifa listaverkum út til skólanna í landinu til
varðveizlu, að minnsta kosti í unglinga- og fram-
lialdsskóla. Við þetta væri tvennt unnið: Lista-
verkin væru þar með í notkun sem tœki, til þess
að þroska listamat ungs fólks, — og urn leið væri
ásamt hagnýtri notkun þeirra fengin góð geymsla
Mörg sveitarfélög hafa á síðari árum lagt áherzlu á listskreytingu utanhúss sem innan, oft í góðri samvinnu við einkafyrirtæki og
áhugamannasamtök. Ljósmyndin er frá Akratorgi á Akranesi. Að frumkvæði séra Jóns M. Guðjónssonar, sóknarprests, sem nú er orð-
inn heiðursborgari kaupstaðarins, lét bæjarstjórn á árinu 1967, á 100 ára vsrzlunarafmæli staðarins, setja upp höggmynd, minnisvarða
sjómanna, sem Marteinn Guðmundsson listamaður frá Merkinesi í Höfnum gerði. Á minnisvarðann eru ietraðar Ijóðlínurnar „Sjómanns-
líf í herrans hendi, helgast fósturjörð“, eftir Steingrím Thorsteinsson. Á myndinni sést einnig nýlegt hús Landsbanka íslands. í sam-
vinnu við arkitekta hússins, Ormar Þór Guðmundsson og örnólf Hall, hefur Snorri Sveinn Friðriksson, listamaður, myndskreytt fram-
hlið hússins, þanníg, að torgið fær á sig listrænan blæ. Hugmynd er uppi um það hjá arkitektum Landsbankahússins að fá torgið
friðaö fyrir bifreiðaumferð, en setja upp í staðinn brunn, en þarna var áður hinn gamli brunnur Skagamanna við býlið Vegamót. Þar
var einnig áður merkilegur hjallur, stefnumótsstaður ungs fólks.
SVEITARSTJÓRNARMÁL