Sveitarstjórnarmál - 01.10.1975, Blaðsíða 23

JÓNÍNA KRISTJÁNSDÓTTIR,
formaður Bandalags íslenzkra leikfélaga:
ÁHUGALEIKFÉLÖGIN
OG
STARFSEMI ÞEIRRA
Ég vil byrja þetta erindi á að þakka fundar-
boðendum fyrir að hafa gefið mér tækifæri til
að kynna starfsemi áhugaleikfélaga í landinu.
Félög, sem hafa leiklist á starfsskrá sinni, eru
yfir 60 í landinu. Leikstarfsemi er með mesta
móti í ár. Sett hafa verið á svið 18 íslenzk og 27
erlend leikrit, þar af eru 10 „farsar". Auk þess eru
8 leikrit í æfingu. Efnisval leikfélaganna bendir
til, að liaft hafi verið í huga menningarlegt gildi
verkanna.
Starfsemi leikfélaganna er nátengd Bandalagi
íslenzkra leikfélaga, og mun ég því fara um það
nokkrum orðum.
Bandalag
íslenzkra leikfélaga
Bandalagið, sem skammstafað er BÍL, var stofn-
að í ágúst 1950 og voru helztu hvatamenn þess
Ævar R. Kvaran, Lárus Sigurbjijrnsson og Þor-
steinn Einarsson. Bandalagið fékk inni í Þjóð-
leikhúsinu fyrstu 6 ár starfsemi sinnar. Á 25 ára
ferli þess hafa margir gegnt stjórnarstörfum hjá
bandalaginu, enda hefur stjórúin jafnan verið
valin með tilliti til þess, að landshlutarnir skipt-
ust á um að eiga j)ar sína fulltrúa. Núverandi
stjórn er þannig skipuð: Jónína Kristjánsdóttir,
Leikfélagi Keflavíkur, Helgi Seljan, Leikfélagi
Reyðarfjarðar og Jónas Árnason, Ungmennafé-
lagi Reykdæla.
Fyrsti framkvæmdastjóri bandalagsins var
Sveinbjörn Jónsson, sem gegndi því starfi þar til
á síðasta ári, að hann sagði því lausu. í tíð Svein-
bjarnar var bandalagið í mótun og starf hans
brautryðjendastarf, sem bandalagið býr lengi að.
Bandalagið á nú allmikið safn af leikritum og
leikmunum, sem það lánar leikfélögunum gegn
vægu gjaldi. Bandalagið innir af hendi ýmsa þjón-
ustu fyrir leikfélögin. Það útvegar þeim handrit,
búninga, hárkollur o. fl., hefur milligöngu um
ráðningu leikstjóra, gerir tillögur um verkefnaval
og skipuleggur leiklistarnámskeið. Þá má nefna,
að bandalagið fékk styrk frá Norræna menn-
ingarmálasjóðnum til að láta þýða leikrit af öðr-
um Norðurlandamálum yfir á íslenzku. 19 verk
hafa verið |)ýdd, og enn er til fé til að þýða 4—5
til viðbótar. Þessi styrkur var bandalaginu mjög
kærkominn, þar sent liann eflir handritasafn
þess.
Nú má segja, að bandalagið standi á vegamót-
um. Flutt var í annað húsnæði og nýr fram-
kvæmdastjóri ráðinn. Helga Hjörvar hóf starf
sitt sem framkvæmdastjóri í september sl. Hún 229
SVEITAR STJÓRNARMÁL