Sveitarstjórnarmál - 01.12.1996, Qupperneq 28

ERLEND SAMSKIPTI
Formenn norrænu félaganna í bæjunum fimm bera saman bæk-
ur sínar. Frá vinstri: Hilmar Jóhannesson, Ólafsfiröi, Elisabeth
Espedal, Hilleröd, Jan Erik Sjöblom, Horten/Borre, Tor Widfeldt,
Karlskrona, og Saga Söderholm, Lovisa. Ljósm. Hrafnhildur
Grfmsdóttir.
þungann af undirbúningi vinabæjamótsins en aðrir sem
buðu til mótsins og önnuðust undirbúning voru Félag
eldri borgara, Hestamannafélagið Gnýfari, Kirkjukór
Ólafsfjarðarkirkju, Rauði krossinn, Rótarýklúbbur Ó-
lafsfjarðar, Skotfélag Ólafsfjarðar, Sóknarnefnd Ólafs-
fjarðarkirkju, Sparisjóður Ólafsfjarðar, Ungmenna- og
Iþróttasamband Ólafsfjarðar og verkalýðsfélagið Eining.
Þar sem ekki er alltaf hægt að finna samsvarandi félög í
bæjunum var áhugamönnum um norræna samvinnu
utan þessara félaga boðið sérstaklega og þáðu allmargir
þau boð.
Á laugardagsmorgun funduðu sveitarstjórnarmenn
vinabæjanna og ræddu framtíð norrænnar samvinnu á
breyttum tímum og samstarf bæjanna á þessum vett-
vangi og hið sama gerðu formenn og stjórnir norrænu
félaganna. Á sama tíma fór fram Tröllaskagatvíþraut í
tengslum við mótið og um hádegi hófst grillveisla og
markaður þar sem bæjarbúum var boðið að hitta gestina
og fjölmenntu þeir og nutu þess jafnframt að hlýða á
létta tónlist flokka úr norsku skólalúðrasveitinni. Það
sem eftir lifði dagsins undu gestir og gestgjafar sér við
veiðar, útreiðartúra, sundiðkun og sýningar sem boðið
var upp á og á laugardagskvöld var veglegt lokahóf í
hinni nýju og glæsilegu íþróttamiðstöð Ólafsfjarðar. Á
sama tíma var í félagsheimilinu Tjarnarborg sérstakt hóf
og dansleikur fyrir unglinga í Ólafsfirði og unglinga úr
hópi gestanna og voru þar saman komnir um 150 ungl-
ingar og fór vel á með heimamönnum og gestum.
Kvöldið áður hafði svipaður fjöldi unglinga tekið þátt í
svokölluðu „sundlaugarpartíi“ í íþróttamiðstöðinni.
Á sunnudagsmorgun lauk dagskrá mótsins mcð nor-
rænni guðsþjónustu í Ólafsfjarðarkirkju og þótti form
hennar hátíðlegt og óvenjulegt. Gestirnir héldu síðan af
stað til síns heima, sumir beint hcim en aðrir í áfram-
Ungllngarnlr tóku vel tll matar síns þegar flatbökurnar voru
bornar tram. Ljósm. Guömundur Pór Guöjónsson.
haldandi ferð um landið. Norska skólahljómsveitin
dvaldi þó lengur og marséraði um götur bæjarins í góða
veðrinu á sunnudag og lék fyrir eldri borgara fyrir utan
dvalarheimilið Hornbrekku. Bæjarbúar voru ánægðir
með þetta framtak hljómsveitarinnar og fylgdu henni
hvert fótmál.
Ólafsfjarðarbær var fánum prýddur meðan á mótinu
stóð og hátíðleiki var yfir öllu. Ibúarnir kunnu vel að
meta þessa lilbreytingu og höfðu keppst við að mála og
fegra í kringum sig. Virðist tilefni sem þetta verða mörg-
um hvali til átaks í fegrunar- og umhverfismálum.
Hvað varðar gildi vinabæjatengsla sem þessara er rétt
að geta mikils menningarlegs gildis samstarfsins og
þeirrar miklu ánægju sem síaukinn fjöldi Ólafsfirðinga
sem annarra hefur orðið aðnjótandi í nánum samskiptum
við fólk úr margvíslegum starfsstéttum annars staðar á
Norðurlöndunum. Fólk hefur bundist persónulegum vin-
áttuböndum til langframa auk gagnkvæmra samskipta
sem skapast hafa milli bæjarstjórnanna, norrænu félag-
anna og fjölmargra annarra félaga og stofnana í bæjun-
um. Mannleg samskipti sem þessi auka þeim sem þátt í
taka víðsýni og skilning á eigin málum og annarra, geta í
allmörgum tilfellum opnað leiðir til viðskiptasambanda
ef málum er rétt fylgt eftir en umfram allt bæta þau við
nýrri vídd verðugra viðfangsefna á stöðunum sem laðar
fólk til starfa. Lífið á stöðunum verður litríkara sem leið-
ir til þess að áhugaverðara er að lifa þar og starfa.
2 I 8