Sveitarstjórnarmál - 01.12.1996, Page 37

ERLEND SAMSKIPTI
_______________________- • -.vató^ ______________________________________i
Fulltrúar menningarborga Evrópu áriö 2000 á fundi i Santiago de Compostela á Spáni i
maí sl. Fulltrúar Fteykjavíkurborgar á fundinum voru Guörún Ágústsdóttir og Jón Björns-
son, framkvæmdastjóri menningar-, uppeldis- og félagsmála hjá borginni, og eru þau á
myndinni. Myndin er tekin upp úr spænsku dagblaöi, El Correo Gallego.
ur og afla umsókn okkar stuðnings.
Menningarmalaráðherranefndin
lá lengi undir feldi, en loks kom úr-
skurðurinn: Vegna sérstöðu ársins
2000 var ákveðið að níu borgir
hlytu titilinn. „Skulu þær eiga með
sér samstarf og á grundvelli sam-
eiginlegs þema vegna viðburðarins.
Þannig munu þær vinna saman að
því að undirbúa menningarlegt
framlag Evrópu á árinu 2000,“
sagði í svarbréftnu.
Borgirnar sem með okkur hlutu
þennan titil eru:
Avignon í Frakklandi
Bergen í Noregi
Bologna á Italíu
Brussel í Belgíu
Kraká í Póllandi
Helsinki í Finnlandi
Prag í Tékklandi
Santiago de Compostela á Spáni.
Fulltrúar þessara borga hafa hist
nokkrum sinnum og í byrjun sept-
ember var undirritaður samstarfs-
samningur, en þar segir m.a.:
Menningarborgirnar munu kynna
hver annarri, þjóðum Evrópu og
heimsins alls menningu sína og
landa sinna. Jafnframt mun sam-
starfið stuðla að því að kynna
menningu þessara borga utan Evr-
ópu. Metnaður menningarborganna hverrar fyrir sig og
sameiginlega er að skipuleggja og ýta úr vör fjölbreyti-
legum verkefnum ... í því skyni að vekja borgarana og
efla lýðræði.
Náttúra og menning
Fulltrúar borganna ákváðu að unnið yrði með níu
þemu og skiptu þeir með sér verkum. I hlut Reykjavíkur
kom Náttúra og menning, sem sannast sagna hentar
okkur mjög vel. Fjölmargir listamenn okkar bæði fyrr
og síðar hafa sótt innblástur í íslenska náttúru. Og vís-
indamenn okkar hafa öðlast mikla reynslu og þekkingu
á fjölbreytileika okkar óútreiknanlegu íslensku náttúru.
Við unum því glöð við okkar hlut.
Borgarráð hefur nú samþykkt tillögu undirbúnings-
nefndar um skipulag verkefnisins og fljótlega verður því
sett stjóm og ráðinn framkvæmdastjóri. Verkefnin verða
mörg bæði innanlands og einnig í samstarfi við hinar
menningarborgirnar og aðrar borgir. Áhugi er á því
bæði í Nuuk á Grænlandi og Þórshöfn í Færeyjum að
tengjast þessu verkefni okkar.
Aherslusvið okkar hér á landi eru a.m.k. þessi: listim-
ar og tungan, menntun og menning yngstu kynslóðarinn-
ar, rannsóknir og þróun, umhverflsmál og útivist.
Forseti Islands, Olafur Ragnar Grímsson, verður
verndari menningarborgarinnar og í heiðursráði verða
forsætisráðherra, borgarstjóri og tveir til þrír aðrir. Með
stjórninni vinnur svokallað samráð sem skipað er fjöl-
mörgum aðilum sem tengjast menningarlífi, viðskipta-
lífi, ferðamálum o.fl.
Samband íslenskra sveitarfélaga
Oskað verður eftir tilnefningu Sambands íslenskra
sveitarfélaga í samráðið. Þetta stóra og mikla verkefni
verður undir stjórn Reykjavíkurborgar og með þátttöku
ríkisins. En það er alveg ljóst að jafn viðamikið verkefni
og þetta verður ekki unnið af neinu viti án þátttöku
landsins alls. Reykjavík er höfuðborg landsins og sam-
eign allrar þjóðarinnar. íbúar hennar eru 39% af þjóðinni
og nær allir eiga þeir rætur sínar að rekja til annarra
landshluta. Það er tilhlökkunarefni að eiga í vændum
víðtæka samvinnu um land allt á því ári sem við göngum
sameiginlega til móts við þriðja árþúsundið.
227