Hermes - 01.12.1988, Qupperneq 68

66
Jón Sigurðsson skólastjóri að Bifröst
Sjötugur Samvinnuskóli
og síungur þó
amvinnuskólinn stendur nú á sjötugu og er á þessum
tímamótum í mjög hraðri og róttækri endurmótun.
Arið 1986 var stöðu skólans breytt á þá lund að ai-
mennt verslunarpróf varð inntökuskilyrði en áður hafði grunn-
skólapróf verið formlegt lágmarksskilyrði inntöku; skólinn var
m.ö.o. „hækkaður upp“ í skólakerfínu um jafnlengd sjálfs sín,
tvö ár, og um leið voru gerðar róttækar breytingar á kennslu-
kerfí og starfsháttum skólans. Samkvæmt þessu voru stúdentar
fyrsta sinni brautskráðir að Bifröst 1. maí 1988.
A sama tíma voru talsverðar breytingar gerðar á fræðslu-
framboði Starfsfræðsludeildar Samvinnuskólans og miðað
miklu meira að stjórnendum, verkstjórum, verslunarstjórum
o.s.frv. en áður var.
í desember 1987 ákvað skólanefnd enn á ný mjög róttækar
breytingar á Samvinnuskólanum og samkvæmt þeirri sam-
þykkt tók Samvinnuskólinn til starfa nú í haust, 1988, sem sér-
skóli á háskólastigi og mun brautskrá rekstrarfræðinga með
viðurkenndu háskólaprófi að loknu tveggja vetra námi að
Bifröst. Jafnframt hefur Lánasjóður ísl. námsmanna viður-
kennt lánshæfí Samvinnuskólanáms. Þá hefur öllu kennslukerfí
verið umsteypt á ný og opnuð sérstök Frumgreinadeild til
undirbúnings rekstrarfræðanámi.
Vorið 1989 er þess því að vænta að síðustu stúdentarnir ljúki
námi frá Framhaldsdeild Samvinnuskólans í Reykjavík og
einnig frá Bifröst og verður þá algerum stakkaskiptum Sam-
vinnuskólans lokið. Fyrsti rekstrarfræðingahópurinn verður
brautskráður vorið 1990 ef Guð lofar.
II
Þessi algeru umskipti eru viðleitni til þess að Samvinnuskólinn
nái á nýjan leik þeirri stöðu í fræðslukerfi landsmanna sem
hann hafði löngum áður fyrr. Með þessum umbrotum er stefnt
að því að skólinn geti áfram sótt að upphaflegum og eiginlegum
markmiðum sínum.
Umhverfi skólans hefur breyst ótrúlega á undanförnum ein-
um og hálfum áratug. Gjörtæk skólabylting hefur átt sér stað
og miklu fleiri halda nú til framhaldsskólanáms og háskóla-
náms en áður var. Framhaldsskólar hafa góðu heilli verið
stofnaðir í öllum landshlutum og fjölbreytni fræðsluframboðs
hefur aukist stórum skrefum. Áður buðu aðeins tveir skólar
viðskiptamenntun á framhaldsskólastigi, Samvinnuskólinn og
Verslunarskólinn, en nú bjóða a.m.k. 26 skólar slíka náms-
braut. Þeir nemendur skipta þúsundum sem slíkt nám stunda
og hundruðum sem ljúka almennu verslunarprófi á hverju ári
nú um stundir.
Samvinnuskólinn hlaut að bregðast við öllum þessum breyt-
ingum og má vafalítið telja að ekki sé seinna vænna. Reyndar
opnuðust ekki tækifæri til stofnunar sérskóla á háskólastigi fyrr
en á árinu 1987 en satt mun hitt vera að breytingin sem gerð var
1986 var löngu tímabær. Frá og með þessu starfsári, 1988-
Jón Sigurðsson hefur verið skólastjóri Sam-
vinnuskólans frá 1981. Hann hefur stundað
kennslu hér á landi og erlendis. Var um skeið
ritstjóri Tímans og ritaði mikið í blöð og eftir
hann hafa komið út tvær bækur.
1989, tekur Samvinnuskólinn sér á ný stöðu í fararbroddi eins
og vera ber.
ra
I öndverðu var Samvinnuskólanum ætlað að mennta og þjálfa
fullþroskað fólk til ábyrgðar- og trúnaðarstarfa í atvinnulífinu
með þeim hætti að nemandi gæti gengið til slíkra starfa þegar
að náminu loknu. I öllu starfi skólans var fjallað um atvinnulíf
og þjóðlíf yfirleitt en sérstök áhersla lögð á það sem lýtur að
samvinnuhreyfingunni. Eftir að skólinn fluttist að Bifröst var
lögð meiri rækt en áður hafði verið við félagsmálastarfsemi og
félagslega þjálfun nemendanna en alla tíð þessa skóla hefur
það sjónarmið ráðið að stofnuninni beri skylda til að veita nem-
endum menningarlega, þjóðlega og félagslega þroskun og mót-
un auk fræðslu um viðskiptaleg efni.
Við háskólann að Bifröst eru tólf manns við kennslu. Hér eru þeir á
fundi á kennarastofu.