Hermes - 01.12.1988, Síða 133

- 131
sá brunnur lífsfyllingar sem aldrei
tæmist.
Guðmundur Bjarnason,
heilbrigðis- og tryggingaráðherra.
Eg er fæddur og uppalinn í því héraði
sem stundum er kallað „Vagga sam-
vinnuhreyfingarinnar“. Ég ólst upp við
það viðhorf að með samvinnu og félags-
legri samstöðu væri hægt að takast á við
og leysa flest þau viðfangsefni sem sam-
félag okkar hefði við að glíma.
Faðir minn starfaði hjá kaupfélaginu
og hafði fjölskylda hans sitt viðurværi af
því, svo sem fjölmargar aðrar fjölskyldur
á staðnum og sjálfur hóf ég störf þar þeg-
ar skyldunámi lauk.
Það fór gott orð af Samvinnuskólan-
um sem menntastofnun og flestir sem
þaðan komu virtust komast vel áfram í
atvinnulífinu. Skólinn hafði einnig orð á
sér fyrir öflugt og gott félagsstarf og
mikilvæga kennslu á því sviði. Allt þetta
og sjálfsagt margt fleira réði þeirri
ákvörðun minni að fara í Samvinnuskól-
ann og ég sé ekki eftir því.
Samvinnuskólinn hefur reynst mér
vel. Viðskiptanámið hefur dugað vel við
þau störf sem ég hefi tekist á hendur þó
að öllum sé ljóst að tveggja ára nám hef-
ur sín takmörk. En hinn félagslegi þáttur
námsins, sem skólinn lagði mikla rækt
við og ég tel hafa verið afar mikilvægan,
hvatti mig til að taka þátt í félagsstarfi
sem fljótlega beindist að stjórnmálasvið-
inu.
Ég tel að þau 25 ár sem liðin eru síðan
ég útskrifaðist úr Samvinnuskólanum
hafi fært mér heim sanninn um það, að
námið og dvölin að Bifröst hafa dugað
vel á þeim starfsvettvangi sem ég hefi
valið mér.
Þorgeir Sveinbjarnarson
Undir árum
Petta var þreýtandi tími,
þungur undir árum.
Engin skíma fyrir stafni,
ekkert Ijósbrot í kjölfarinu.
Kafgengur eintrjáningurinn
grófst í öldumyrkrið.
Linnulaus barningur.
Svo loks einn dagur
með hvítum þöndttm seglum.
•• •«*
r/

Þorgeir Sveinbjarnarson. Útskr. 1926.
íþróttakennari en lengst af forstjóri
Sundhallar Reykjavíkur. Tók þátt i
ýmsum félagsmálum einkum á sviöi
íþrótta og ritaöi margar greinar um
þau mál. Þýddi nokkrar smásögur og
gaf út Ijóöabækur. Undir árum er úr
bókinni Vísur jaröarinnar sem út kom
1971.
Mynd eftir Ingiberg Magnússon.