Uppeldi og menntun - 01.01.2014, Qupperneq 99

Uppeldi og menntUn/icelandic JoUrnal of edUcation 23(1) 2014 99
Ný menntun í takt við kröfur samtímans:
Tómstunda- og félagsmálafræði við
Háskóla Íslands
inngangUr
Í greininni er fjallað um aðdraganda og þróun náms í tómstunda- og félagsmálafræði
við Háskóla Íslands. Leitast er við að svara því hvað kallaði á nám í tómstunda- og
félagsmálafræði, hvaða meginþættir einkenna námið og hvaða þörfum er mikilvægt
að nám á þessu sviði mæti. Á þeim rúmu 10 árum sem liðin eru frá því að fyrstu
nemendur útskrifuðust með BA-gráðu í tómstunda- og félagsmálafræði hefur orðið
til nýr faghópur sem starfar á fjölbreyttum vettvangi. Í greininni er dregin upp mynd
af þessum vettvangi og mikilvægi fagmenntunar í að efla fagmennsku og stuðla að
rannsóknar- og þróunarstarfi.
aÐDraganDi náMs Í tóMstUnDa- Og
félagsMálafrÆÐi
Nám í tómstunda- og félagsmálafræði varð til fyrir þrýsting frá fagstétt í mótun, þ.e.
starfsfólki sem starfaði á vettvangi frítímans. Þessi nýja fagstétt varð til á Íslandi á
áttunda og níunda áratug síðustu aldar, m.a. með tilkomu félagsmiðstöðva í Reykja-
vík og víðar sem kallaði á starfsfólk (Árni Guðmundsson, 2007). Þessum breyting-
um fylgdi markvissari þróun á skipulagi og starfsemi félags- og tómstundastarfs hjá
sveitarfélögum. Frjálsum félagasamtökum hafði einnig fjölgað og fjöldi fólks starfaði
innan þeirra (Steinunn Hrafnsdóttir, 2008). Í kjölfarið jukust smám saman kröfur um
faglega færni og starfsfólkið fór að leita sér menntunar. Á níunda áratugnum fóru til
að mynda margir í nám til Svíþjóðar eða Danmerkur til að læra tómstundafræði.
Samhliða því að starfsfólkið sótti í nám erlendis hófu stærri sveitarfélög á Íslandi að
þróa og efla sí- og endurmenntun sína. Til marks um það þróaði Gísli Árni Eggertsson
hjá Íþrótta- og tómstundaráði Reykjavíkur (ÍTR) á níunda áratugnum fræðslustarf að
JakoB fRíMann ÞoRsteinsson
Menntavísindasviði Háskóla íslands
Uppeldi og menntun
23. árgangur 1. hefti 2014