Morgunblaðið - 26.05.2012, Blaðsíða 26

26 FRÉTTIRErlent
MORGUNBLAÐIÐ LAUGARDAGUR 26. MAÍ 2012
Lífið er litríkt
Heildsöludreifing: ACT ehf, Dalvegi 16b, 201 Kópavogi, sími 577 2150
60 ára reynsla á Íslandi
Fæst í eftirfarandi verslunum:
Húsasmiðjunni
ELKO
Byggt og Búið
Geisla Vestmannaeyjum
BAKSVIÐ
Bogi Þór Arason
bogi@mbl.is
Fregnir hermdu í gær að forsetaefni
Bræðralags múslíma, Mohammed
Mursi, og síðasti forsætisráðherrann
á valdatíma Hosnis Mubaraks,
Ahmed Shafiq, hefðu fengið mest
fylgi í fyrri umferð forsetakosning-
anna í Egyptalandi í vikunni. Reynist
það rétt verður kosið á milli þeirra
tveggja í síðari umferðinni 16. og 17.
júní.
Bræðralag múslíma sagði að
Mursi hefði verið með mest fylgi í
fyrri umferðinni og Shafiq næstmest
þegar 90% atkvæða höfðu verið talin.
Að sögn The New York Times bentu
tölur óháðra stofnana til þess að þetta
væri rétt. Gert er ráð fyrir því að yfir-
völd birti úrslit fyrri umferðarinnar á
þriðjudaginn kemur.
Verði kosið á milli Mursi og
Shafiq er það áfall fyrir flesta þá sem
stóðu fyrir mótmælunum sem urðu til
þess að Hosni Mubarak hrökklaðist
frá völdum í febrúar á síðasta ári.
Flest bendir til þess að túlka megi
niðurstöðu fyrri umferðarinnar sem
afturhvarf til valdabaráttunnar sem
staðið hefur síðustu áratugi milli ver-
aldlega sinnaðra yfirmanna hersins
og íslamista.
Áður höfðu tveir flokkar íslam-
ista sigrað í þingkosningum og fengið
mikinn meirihluta þingsæta. Úrslitin
voru mikil vonbrigði fyrir marga
þeirra sem börðust gegn Mubarak og
valdaklíku hans.
Sótti í sig veðrið
Fyrir nokkrum vikum benti fátt
til þess að Mursi kæmist í síðari um-
ferðina því fylgi hans mældist aðeins
3,5% í byrjun mánaðarins. Mursi varð
forsetaefni Bræðralags múslíma eftir
að yfirvöld úrskurðuðu að Khairat el-
Shater, fyrrverandi varaformaður
samtakanna, gæti ekki boðið sig fram
vegna laga sem kveða á um að enginn
fyrrverandi fangi geti boðið sig fram
fyrr en sex ár eru liðin frá því að hann
var látinn laus.
Margir afskrifuðu Mursi í
fyrstu, litu á hann sem varaskeifu og
töldu hann ekki gæddan nægum per-
sónutöfrum til að hrífa kjósendur
með sér. Mursi virtist vandræðalegur
í fyrstu en sótti í sig veðrið þegar á
leið og naut að lokum góðs af því að
hafa öflugustu stjórnmálasamtök
landsins á bak við sig. Mursi hét því
að framfylgja stefnu, sem byggðist á
íslam, án þess að stofnað yrði ísl-
amskt ríki.
Ahmed Shafiq er fyrrverandi
hershöfðingi og var ráðherra í stjórn
Mubaraks á árunum 2002 til 2011.
Hann var síðan skipaður forsætisráð-
herra í janúar á síðasta ári, en neydd-
ist til að segja af sér um tveimur mán-
uðum síðar, eftir að Mubarak var
steypt af stóli.
Margir líta á Shafiq sem fulltrúa
gömlu valdaklíkunnar. Í kosninga-
baráttunni lagði hann áherslu á að
hann hygðist koma á lögum og reglu í
landinu. Talið er að hann njóti eink-
um stuðnings þeirra sem hafa fengið
nóg af umrótinu, sem verið hefur í
landinu frá falli Mubaraks, auk þeirra
sem óttast valdatöku ofstækisfullra
íslamista.
AFP
Um 50% kjörsókn Atkvæði talin á kjörstað í Kaíró. Um það bil 50 milljónir manna voru á kjörskrá og áætlað er að
kjörsóknin hafi verið um 50% í fyrri umferð forsetakosninganna á miðvikudaginn og fimmtudaginn var.
Úrslitin virðast áfall fyrir
egypska byltingarmenn
 Stefnir í valdabaráttu milli íslamista og fulltrúa gömlu valdaklíkunnar
Mohammed Mursi Ahmed Shafiq
Lítill fylgismunur
» Fyrstu tölur bentu til
þess að Mohammed Mursi
hefði fengið u.þ.b. 26% at-
kvæða og Ahmed Shafiq og
24%.
» Þjóðernissinninn Hamdin
Sabbahi, harður andstæðingur
stjórnar Mubaraks, var í þriðja
sæti. Margir þeirra sem börð-
ust gegn Mubarak í bylting-
unni studdu Sabbahi.
» Skv. bráðabirgðatölunum
er íslamistinn Abdul Moneim
Aboul Fotouh í fjórða sæti og
og á eftir honum kemur Amr
Moussa, fyrrv. framkvæmda-
stjóri Arababandalagsins.
Ný skoðanakönnun bendir til þess
69% Breta séu hlynnt því að Bret-
land verði áfram konungdæmi en
22% vilji að það verði afnumið.
Stuðningurinn við konungdæmið
hefur aldrei verið jafnmikill frá því
rannsóknafyrirtækið ICM hóf slík-
ar kannananir árið 1997.
Könnunin bendir til þess að Bret-
ar séu klofnir í afstöðunni til þess
hver eigi að taka við Elísabetu
Bretadrottningu þegar hún fellur
frá eða afsalar sér völdum. 39%
sögðust vilja að Karl krónprins yrði
næsti konungur en 48% vildu frek-
ar að Vilhjálmur sonur hans yrði
krýndur konungur.
Stuðningurinn við
konungdæmið hefur
aldrei mælst meiri
AFP
Vinsæl Drottningarmynd úr legókubbum.
BRETLAND
Vísindamenn
hafa fundið og
rannsakað flaut-
ur sem eru taldar
vera elstu hljóð-
færi sem fundist
hafa í heiminum.
Flauturnar eru
úr fuglabeinum
og fílabeini og
fundust í helli í
sunnanverðu
Þýskalandi. Niðurstöður kolefnis-
rannsóknar benda til þess að flaut-
urnar séu 42.000 til 43.000 ára
gamlar. Sérfræðingar sögðu að
flauturnar kynnu að hafa verið not-
aðar við trúarathafnir eða til
dægrastyttingar.
Skýrt er frá rannsóknunum í
tímaritinu Journal of Human
Evolution.
Líklega elstu hljóð-
færi heimsins
Tvær af fornu
flautunum.
FORNLEIFARANNSÓKNIR
Kornungur nemandi heldur á bjöllu í herskóla í Pétursborg í gær þegar
unglingar úti um allt Rússland fögnuðu síðasta skóladeginum fyrir sumar-
frí með athöfn sem nefnist „Síðasta bjallan“.
AFP
Síðasta skóladegi fagnað