Morgunblaðið - 24.01.2013, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 24. JANÚAR 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Baldur Arnarson
baldura@mbl.is
„Það er ekki í pípunum að stofna
nýjan flokk, ekki af minni hálfu. Ég
stend í verkum mínum við stefnu
þess flokks sem ég hef átt aðild að
frá stofnun í samræmi við þau kosn-
ingaloforð sem ég hef gefið.“ Þetta
segir Jón Bjarnason þingmaður að-
spurður hvort hann hyggist taka
þátt í stofnun nýs flokks, eftir að
hann sagði sig úr þingflokki VG í
gær, en hann hefur verið orðaður við
hugsanlegt vinstraframboð Bjarna
Harðarsonar og fleiri andstæðinga
aðildar Íslands að Evrópusamband-
inu.
Heldur tryggð við hugsjónir
Jón kveðst aðspurður áfram
munu styðja ríkisstjórnina til góðra
verka.
„Ég stend með stefnuskrá og hug-
sjónum Vinstri-grænna. Fjöldi þing-
manna hefur séð sig knúinn til að
yfirgefa bæði þingflokkinn og flokk-
inn og við vitum að trúnaðarmenn
og forystumenn VG vítt og breitt um
landið hafa yfirgefið flokkinn eða
sett sig til hliðar vegna þess að þeir
telja að ekki hafi verið staðið við þau
grunnatriði sem flokkurinn var
stofnaður um. Fylgistölur í skoðana-
könnunum sýna að fólk er þar ekki
ánægt með gang mála. Það er alveg
ljóst. Það þarf engan stjórnmála-
speking til að sjá það,“ segir Jón
sem telur ótímabært að ræða hvort
hann muni styðja einstök mál rík-
isstjórnarinnar. Það muni koma í
ljós.
Forystan samþykkir aðlögun
Jón segir forystu VG hafa fylgt
eftir aðlögunarferlinu frá upphafi.
„Forystumenn VG hafa fylgt eftir
aðildarumsókn og því aðlögunarferli
sem hún krefst. Það eitt að þiggja
IPA-styrkina er að fara gegn grund-
vallarstefnu flokksins. Gegn hvoru
tveggja hef ég barist frá upphafi.
ESB notar styrkina til að komast
inn í stjórnkerfið og hafa þar áhrif í
krafti fjármagns. Það kemur skýrt
fram í viðbrögðum ESB við þeim
ummælum Davids Camerons, for-
sætisráðherra Bretlands, að efna
beri til þjóðaratkvæðagreiðslu um
ESB í Bretlandi fyrir 2017, að það er
ekkert til sem heitir auka-
aðild að ESB. Það er
ekki hægt að velja úr.
Það var alveg
ástæðulaust fyrir for-
ystu VG að ganga gegn
grunnstefnu flokksins og
sækja um aðild að Evrópu-
sambandinu. Samfylk-
ingin var ekki í neinni
stöðu þá, nýkomin úr
hrunstjórninni, til að
fara að gera umsókn
að skilyrði.“
VG sveik stefnuna
 Jón Bjarnason segir sig úr þingflokki VG  Kveðst ekki
ætla að taka þátt í stofnun flokks sem berst gegn ESB-aðild
Kjartan Kjartansson
kjartan@mbl.is
Íslenska ríkið hefur greitt 29 millj-
arða króna á föstu verðlagi fyrir
kirkjujarðir á grundvelli samkomu-
lags við þjóðkirkjuna frá árinu 1997.
Þetta kemur fram í svari fjármála-
ráðuneytisins við fyrirspurn Morg-
unblaðsins.
Samkomulagið kvað á um að ríkið
eignaðist kirkjujarðir sem það hafði
haft umsýslu með í kjölfar sam-
komulags frá árinu 1907. Í staðinn
skuldbatt ríkið sig til þess að greiða
laun þriggja biskupa, 138 presta og
18 starfsmanna Biskupsstofu, tiltek-
inn rekstrarkostnað og fleira. Sú
skuldbinding er ótímabundin.
Ákvæði eru í samkomulaginu um að
greiðslur hækki og lækki eftir því
sem skráðum félögum í þjóðkirkj-
unni fjölgar eða fækkar. Litið er á
samkomulagið sem fullnaðaruppgjör
á kirkjujörðunum.
Þeir tæpu þrjátíu milljarðar sem
ríkið hefur greitt fyrir kirkjujarðirn-
ar á þeim sextán árum sem í ár verða
liðin frá samkomulaginu renna til
Biskupsstofu annars vegar og
Kristnisjóðs hins vegar. Fyrir utan
þá fjárhæð renna um það bil 2,3
milljarðar króna á ári til kirkjunnar í
formi svonefndra sóknargjalda sem
innheimt eru með tekjuskatti.
Komið hefur fram að ekki er til
listi hjá ráðuneytinu yfir þær jarðir
sem runnu til ríkisins með sam-
komulaginu og að ekki hafi verið lagt
mat á verðmæti jarðanna.
Kirkjan hefur fengið 29
milljarða fyrir jarðirnar
Morgunblaðið/Eggert
Kirkjuhús Biskupsstofa hefur feng-
ið hluta fjárhæðarinnar.
 Ríkið greiðir
áfram ótímabundið
Spurður hvað hafi að lokum
fengið hann til að segja sig úr
þingflokki VG nefnir Jón Bjarna-
son tvennt.
Annars vegar þá ákvörðun
þingflokksins að víkja honum úr
utanríkismálanefnd vegna af-
stöðu hans í ESB-málinu og
hins vegar andstöðu flokks-
systkina hans við að þingsálykt-
unartillaga um að stöðva bæri
viðræður við ESB og ekki taka
þær upp á ný nema þjóðin kysi
það færi inn í þingið.
Jón er fjórði þingmaðurinn
sem gengur úr þingflokki VG á
kjörtímabilinu en áður hafa
Lilja Mósesdóttir, Atli Gísla-
son og Ásmundur Einar Daða-
son yfirgefið flokkinn. Þá
hætti Guðfríður Lilja Grét-
arsdóttir á þingi um ára-
mótin. Þráinn Bert-
elsson gekk hins
vegar í VG en
hann var áður í
Hreyfingunni.
Kornið sem
fyllti mælinn
ÁSTÆÐUR ÚRSAGNAR
Jón Bjarnason
Þokkalegasta veður hefur verið í borginni undanfarna
daga og hefur jafnvel sést glitta í sólina sem fer smám
saman hækkandi á lofti. Hafa iðnaðarmenn eins og
þessir sem voru að störfum á húsþaki í vikunni notið
góðs af. Skilyrði verða þó verri í dag en spáð er rign-
ingu eða slyddu á höfuðborgarsvæðinu.
Morgunblaðið/Kristinn
Unnið undir
hækkandi sól
LEIÐIN TIL HOLLUSTU
Skyr.is drykkirnir standast þær ströngu
kröfur sem gerðar eru til matvæla sem
merktar eru Skráargatinu. Þú getur
treyst á hollustu Skyr.is.
www.skyr.is
H
V
ÍT
A
H
Ú
S
IÐ
/S
ÍA
Baldur Arnarson
baldura@mbl.is
„Við teljum skilyrðin til að selja fé-
lagið jákvæð. Á liðnu ári tók rekstur
og afkoma VÍS miklum breytingum.
Það var unnið
mikið starf í fé-
laginu með mjög
góðum árangri.
Stjórnendur og
starfsfólk lögðust
á eitt um að gera
þær breytingar
sem taldar voru
nauðsynlegar á
skipulagi og starf-
semi félagsins.
Þar tókst mjög
vel til. Rekstrarafkoma félagsins
2012 var sú besta í mörg ár,“ segir
Magnús Scheving Thorsteinsson,
forstjóri Klakka, um fyrirhugaða
sölu á hlut eignarhaldsfélagsins í vá-
tryggingarfélaginu.
Klakki er í eigu fjármálastofnana
og lífeyrissjóða og er Arion banki
stærsti hluthafinn með um þriðj-
ungs hlut. Kaupþing kemur næst
með um fimmtungs hlut en svo kem-
ur Burlington Loan Management.
Meðal annarra hluthafa eru þrotabú
Glitnis og tengd félög og lífeyris-
sjóðir sem eiga innan við 5% í félag-
inu.
Markaðurinn meti verðmætið
Spurður hvernig VÍS sé verðlagt
segir Magnús að „markaðurinn eigi
eftir að leiða það í ljós“.
Ákvörðunin um að selja hlutinn
eigi sér nokkurn aðdraganda. Hann
sé liður í eignasölu Klakka.
„Það dylst engum að það er ekki
markmið okkar að eiga eignir okkar
til langrar framtíðar. Líkt og á við
um aðrar eignir okkar höfum við
unnið að því að gera hlutinn í VÍS
sem söluhæfastan og að tímasetja
og skipuleggja söluferli sem best,“
segir Magnús.
Spurður hvenær ákvörðun um
hlutabréfaútboð verði tekin segist
Magnús gera ráð fyrir að hún liggi
fyrir á næstu tveimur mánuðum.
Bæði sé til skoðunar að selja félagið
í heilu lagi eða skrá það í kauphöll
og selja í dreifða eigu fjárfesta.
„Það er jákvæð þróun á markaði og
það virðist vera eftirspurn eftir góð-
um eignum. Við teljum þetta sann-
arlega vera gríðarlega öflugt félag
og góðan og spennandi fjárfesting-
arkost,“ segir Magnús.
Morgunblaðið/Kristinn
Höfuðstöðvarnar í Ármúlanum Vátryggingafélag Íslands verður selt.
VÍS gæti farið
í hlutabréfa-
útboð í vor
 Klakki mun selja vátryggingafélagið
 Áætlað verðmæti ekki gefið upp
Magnús Scheving
Thorsteinsson