Morgunblaðið - 24.01.2013, Blaðsíða 38

38 ÍSLENDINGAR
MORGUNBLAÐIÐ FIMMTUDAGUR 24. JANÚAR 2013
Finney Rakel Árnadóttir er þrítug í dag, fædd 24. janúar 1983.Hún ólst sín fyrstu ár upp á Suðureyri við Súgandafjörð enflutti ung með foreldrum sínum til Reykjavíkur.
Finney á von á góðri afmælishelgi því unnusti hennar, Gísli
Sveinn, ætlar að bjóða henni á Hótel Rangá. „Við ætlum að hafa það
kósí tvö saman. Hann planaði þetta í ágúst, ekki að mér vitandi.
Hann kom mér á óvart og lét mig vita af þessu á mánudaginn. Ég
þurfti reyndar að sleppa við málþing um helgina í náminu sem ég er
í en það var tekið ágætlega í það,“ segir Finney sem á einn tveggja
ára son, Árna Fannar.
Finney leggur stund á nám í þjóðfræði við Háskóla Íslands og út-
skrifast þaðan með BA-gráðu í sumar. Þá ætlar hún að slá upp al-
mennilegri afmælisveislu fyrir vini og ættingja. „Ég er að hugsa um
að breyta út af vananum og halda sumarafmæli, samhliða útskrift-
arveislunni. Það er alltaf kalt í janúar þegar ég á afmæli svo það
verður gaman að halda upp á það í sumar og hafa öðruvísi fíling,“
segir Finney. Henni finnst annars mjög gott að eiga afmæli snemma
í árinu. „Það kom stundum að góðum notum, ég fékk fyrst að fara í
ríkið af mínum jafnöldrum og á bannaðar bíómyndir,“ segir hún og
hlær. Finneyju finnst það verða skemmtilegra með aldrinum að eiga
afmæli, spenningurinn fyrir því sé aftur að verða svipaður og þegar
hún var barn.
Finney Rakel Árnadóttir er 30 ára
Afmælisbarn Finney Rakel Árnadóttir er 30 ára í dag. Hér er hún, til
hægri, með Helgu Sigríði vinkonu sinni, t.v.
Heldur upp á vetr-
arafmælið í sumar
Íslendingar Kjartan Gunnar Kjartansson, islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
Dalvík Bríet Sara fæddist 6. apríl kl.
4.36. Hún vó 3.480 g og var 50 cm
löng. Foreldrar hennar eru Elva Ósk
Jónsdóttir og Níels Kristinn Benja-
mínsson.
Nýr borgari
Edda Líney Baldvinsdóttir og Lotta
Karen Hafþórsdóttir söfnuðu dóti og
héldu tombólu við verslun Bónus í
Naustakverfi. Þær söfnuðu 4. 711
krónum sem þær styrktu Rauða kross-
inn með.
Hlutavelta
V
aldimar fæddist í
Reykjavík og ólst upp í
Vesturbænum og Laug-
arneshverfinu auk þess
sem hann var í sveit á
sumrin í Reykholti í Borgarfirði.
Hann var í Laugarnesskóla, lauk
stúdensprófi frá MT 1974 og MA-
prófi í kvikmyndagerð frá Columbia
College í Bandaríkjunum 1978.
Valdimar var dagskrárgerð-
armaður við RÚV Sjónvarp 1978-82,
en hefur síðan starfað sjálfstætt við
eigin kvikmyndagerð sem og með
öðrum, s.s. RÚV, Stöð 2 og Saga
film.
Valdimar stofnaði, 1990, Lífs-
mynd – Valdimar Leifsson kvik-
myndagerð ehf., alhliða kvikmynda-
gerðarfyrirtæki sem þó hefur
einkum sérhæft sig í gerð heimild-
armynda og sjónvarpsþátta.
Kvikmyndir frá Lífsmynd
Meðal helstu mynda Valdimars
sem framleiddar hafa verið hjá Lífs-
mynd eru Vestur-Íslendingar 1982;
Dimmuborgir, 1994; Lóan syngur
ekki á örfoka svæðum, 1994; Nína –
Listakonan sem Ísland hafnaði,
1994; Kleppsspítalinn, 1995; Þórs-
mörk – The Hidden Walley of Thor,
1997; Nú er rafmagn hingað sótt,
2000; The Lake Between the Cont-
inents, 2000; Maður eigi einhamur,
Guðmundur frá Miðdal; Mér líkar
ekki malbikið, 2001; Maðurinn sem
gatar jökla, 2003; Frozen Paradise,
2005; Hver var Jónas?, 2007; Chu-
kotka at the End of the World,
2009; The Eruption!, 2010; Birth of
an Island – The Making of Iceland,
2011.
Valdimar er nú að vinna að þátta-
röð um Reykjanesið sem sýnd verð-
ur á RÚV í vor.
Þá hefur Valdimar komið að gerð
fjölda sjónvarpsþátta og þáttaraða,
Valdimar Leifsson kvikmyndagerðarmaður – 60 ára
Kvikmyndagerðarmaðurinn Valdimar kemur víða við með kameruna. Hér er hann á Fimmvörðuhálsi.
Vinnur með landið,
söguna og náttúruna
„Íslendingar“ er nýr efnisliður sem hefur hafið
göngu sína í Morgunblaðinu. Þar er meðal
annars sagt frá merkum viðburðum í lífi fólks,
svo sem hjónavígslum, barnsfæðingum eða
öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is
56 10 000
TAXI
BSR
Góð þjónusta í 90 ár