Morgunblaðið - 24.01.2013, Blaðsíða 26

26 UMRÆÐAN
MORGUNBLAÐIÐ FIMMTUDAGUR 24. JANÚAR 2013
Ríkisstjórn lagði frá landi,
en lenti í villum og strandi.
Á nú sjórekin lík
í sérhverri vík.
Hjálpi þeim heilagur andi.
Rétt fyrir áramótin rakti ég í Mbl. þá
flokkslegu vá og ófyrirgefanlegu áhættu-
sækni sem formaður VG er sekur um, eftir
að hafa við síðustu ríkisstjórnarmyndun
fallist á þá kröfu Samfylkingarinnar að
hafnar yrðu aðildarviðræður við ESB.
Sömuleiðis tilurð og háttsemi umskiptinga bæði að fornu
og nýju. Hér verður haldið áfram á sömu braut og síðan
um hvernig við vinstra fólk og ESB andstæðingar getum
brugðist við fyrir kosningar í vor.
Íslendingseðlið
Til hvers eru leiðtogar? Jú, fyrst og fremst til að fylkja
fólki saman og sneiða hjá hættum og slysum á vegferð
sinna þjóða. En sá hefur brugðist er rífur fólk sitt og
flokk á hol og býður þjóðinni upp á rússneska rúllettu
varðandi frelsi hennar og framtíð. Evrópuaðildar- og
pakkaskoðunarsinnar segja að ef væntanlegur samn-
ingur verði ekki nógu góður hafni þjóðin honum. Þetta er
fáviska. Hefðu nú ekki allir þeir milljarðar sem farið hafa
í þetta froðusnakk verið betur komnir í heilbrigðiskerf-
inu? Síðan sú gegndarlausa sóun á starfskröftum til að
komast að því einu, að Ísland á ekki landamæri að Evr-
ópu, að við fáum aldrei neinar varanlegar undanþágur,
greiðum meira til Brusselsukksins en við fáum þaðan,
ráðum þar engu og ófreskjan mun verða hér hæstráð-
andi til sjós og lands.
Voru ekki hér um áratugi þrír stjórnmálaflokkar sem
nærðust á hermangi og grátbáðu Washington um að því
mætti helst aldrei linna? Muna menn dansinn í kringum
Kárahnjúkagullkálfinn og dollaramerkin í augum Fram-
sóknarmanna þegar þeir sjá flúðir í á eða bunulæk í hlíð?
Helmingur þjóðarinnar virðist vilja selja Hólsfjöll til út-
sendara nýlendukúgara og mannréttindabrjóta. Svipuðu
hlutfalli fannst á sínum tíma allt í lagi að kaffæra Eyja-
bakka og Þjórsárver svo erlendir auðhringir gætu fengið
meiri orku á útsöluprís.
Við þekkjum að krati og bitlingur eru jafn nástæðir
skaðvaldar og Karíus og Baktus. Líka að mennska og
framsóknarmennska eru tveir algerlega andstæðir pól-
ar. Aðalsmerki góðs sjálfstæðismanns er að græða á
daginn og grilla á kvöldin.
Las S.J.S. ekki skýrslu rannsóknarnefndar Alþingis,
en réttnefni hennar er: „Margur verður af aurum api“?
Fjallkonan seld?
Þetta er, sem sagt, þjóðin sem „leiðtoginn“ S.J.S.
treystir til að fella aðild að ESB. Samt veit hann vel –
hélt ég – að enginn borgarmúr er svo hár að asni klyfj-
aður gulli – í þessu tilviki evrum – komist ekki yfir hann.
Og nú streyma mútumilljarða-asnarnir til landsins og
heilaþvottastöðvarnar í Brussel hafa ekki undan að taka
við íslensku áhrifafólki frá atvinnuvegunum,
fjölmiðlum úr stjórnmálum og verkalýðs-
hreyfingu. Hér heima fara nú fyrirgreiðslu-
stofnanir ESB hamförum í sama skyni.
Hvernig eiga févana ESB-andstæðingar
að sigra aragrúa evruasna sem hafa að baki
sér ótæmandi undirokunarsjóði? Að treysta
formanni Sjálfstæðisflokks í þessu máli er
fásinna. Hann snýst eins og vindhani á hús-
burst svo sem fyrri afstaða hans til ESB-
viðræðna og Icesave sannar best.
Allir ættu að þekkja stefnufestu Fram-
sóknar, hvorki hrár né soðinn, opinn í báða
enda og getur í hvorugan fótinn stigið. Fyr-
irgreiðsluvald maddömunnar dó með S.J.S. og nú er
henni lífsnauðsyn að skapa sér það aftur með aðild að
ríkisstjórn og Evrópufé. Ekki fara ESB-andstæðingar
með réttu ráði að kjósa þessi ósköp? Í stuttu máli, verk-
efnið er að stöðva aðildarviðræðurnar og sjá svo til þess
að „Steingrímar“ framtíðarinnar komist ekki í þá að-
stöðu að geta selt land og þjóð.
Nýja Ísland?
Vinstra fólk á sér engan samastað lengur, því núver-
andi VG er orðin hjáleiga frá Samfylkingu og formað-
urinn með lögheimili og kennitölu neðan á skósólum Jó-
hönnu. Flokkurinn er á hraðri leið niður fyrir 5% markið
og 15 ríkisstjórnarþingsæti töpuð. Því er ekki eftir neinu
að bíða.
A.m.k. þrír hópar á vinstri væng hugsa sér til hreyf-
ings, en sameinaðir stöndum vér, sundraðir föllum vér.
Svigrúmið er lítið og stutt í kosningar. Því þarf strax að
taka höndum saman svo sem í laustengdu kosninga-
bandalagi og skrá æskilegan listabókstaf, t.d. N. – Nei
við ESB – koma upp kosningastjórn og tengslaneti um
land allt, afla meðmælenda, finna form fyrir lýðræðislegt
val á framboðslista og tryggja þar jöfn kynjaskipti.
Stálhörð andstaða við ESB á að vera undirstaðan og
æskilegt að gengið sé bundið til kosninga þannig að
stjórnarsamstarf við Sjálfstæðisflokk meðan B.B. er þar
forsætisráðherraefni komi ekki til greina. Raunveruleg
umhverfis- og náttúruverndarstefna, sem höfðar til
landsbyggðarfólks, en er ekki stefnt gegn því, er afar
mikilvæg og að hindra að útgerðarauðvald og bankar og
fjármálastofnanir vaði ekki yfir alla á skítugum skónum.
Þingreynsla er mikilvæg í bland við nýgræðinga og því
hvet ég Atla Gíslason, Lilju Mós., Jón B., Guðfríði Lilju,
Bjarna Harðar, Hjörleif Guttorms og Ragnar Arnalds,
svo örfá nöfn séu nefnd, til að hörfa ekki af velli, heldur
taka fram skóna að nýju.
Fylkjum liði, vinstra fólk
Eftir Indriða
Aðalsteinsson
Indriði Aðalsteinsson
» Verkefnið er að stöðva aðild-
arviðræðurnar og sjá svo til þess
að „Steingrímar“ framtíðarinnar
komist ekki í þá aðstöðu að geta
selt land og þjóð.
Höfundur er bóndi á Skjaldfönn í Nauteyrarhreppi.
Árin 1838 til 1845
kemur út í Kaup-
mannahöfn ritverkið
og rannsókn-
arskýrslan um Græn-
land; Grönlands
Historike Mindes-
mærker, skrifað á ís-
lensku og dönsku.
Skammstafað GHM.
Höfundar verksins
voru þeir Finnur
Magnússon og C.C.Rafn. Gefið út af
Det Kongelige Nordiske Oldskrift-
Selskab. Það er kaldhæðnislegt að
geta sagt í janúar 2013, að enn hafa
Danir ekki fundið skattlandið sitt,
nýlendu Eiríks rauða, Grænland.
Gögnin
Allt efni í þetta ritverk er sótt í
safn Árna Magnússonar, gömul
skinnhandrit frá bændum uppi á Ís-
landi. Fyrstu tvö bindin rekja sögu
íslenska Grænlands frá upphafi en
þriðja bindið er blandað efni úr
ýmsum áttum. Þar í er að finna
rústateikningar frá landinu og
fyrsta landabréfið frá danska
Grænlandi. Þetta efni er ég nú bú-
inn að lesa, á íslensku og dönsku, í
mörg ár, í leit minni að íslenska
Grænlandi, nýlendu Íslands.
Thule-málið
Árið 1924 koma út danskar rann-
sóknarniðurstöður um Thule Inuita.
Þá hafði Knut Rassmunssen og
fleiri Danir rannsakað Inuita í
danska Grænlandi og Kanada.
Þessir Thule Inuitar eru sagðir
koma frá Síberíu og Kóreu og inn á
svæði Dorset Inuita við ártalið 1000
til 1200 og yfirtaka þeir þetta
menningarsvæði. Í þessu Thule-
máli eru sérkenni Inuitanna rústir
húsa, annars vegar í norðurhluta
danska Grænlands og hins vegar í
Kanada. Danir horfa fram hjá þeirri
staðreynd að þessar Thule-rústir
voru eins og þær í suðurhluta
danska Grænlands, þar sem notað
var járn við húsagerðina, en járn
kom til Grænlands með Eiríki
rauða. Engir Inuitar voru í suður-
hluta danska Grænlands fyrr en
eftir árið 1550.
Norðursetur
Í III. bindi GHM, bls 240-244,
undir yfirskriftinni: Geographiske
Optegnelser, er að finna staðsetn-
ingarlýsingu á Norðursetri, ver-
stöðvum íslensku landnemanna í ís-
lenska Grænlandi á miðsumri: „Þar
fraus um nætur, en sól skein bæði
nætur ok daga, ok var eigi hærri,
en þá er hún var í suðri, er maður
lagðist um þveran sexæring út að
borðinu, þá bar skuggann í andlit
honum af því borðinu, er nær var
sólinni, en um miðnætti var hún svo
há sem heima í bygð, þá hún er í út-
norður. Síðan fóru þeir heim aptur í
Garða.“ Danir gera enga tilraun til
að staðsetja Norðursetur sam-
kvæmt þessari lýsingu í ritverkinu
GHM.
Eiríksey í Eiríksfirði
Danir staðsetja eyjuna og fjörð-
inn syðst í danska Grænlandi sem
ég tel vera ranga staðsetningu.
Í I. bindi GHM kemur fyrir
landalýsing um þessi örnefni undir:
Brudstykker af Landnáma, bls. 172
til -6. Aðra lýsingu er að finna í: Ei-
ríks den Röde Saga, bls. 204 og síð-
an í: Thorfinns Karlsefnes Saga,
bls. 360. Lýsingin í Eiríkssögu sker
sig frá hinum tveimur
að efni til, sem eru
samskonar.
A. Texti er eftir Finn
Magnússon og lýsir
fyrstu árum Eiríks úti í
íslenska Grænlandi og
hljóðar svo:
„Hann var hinn
fyrsta vetur í Eiríksey
nær miðri hinni vestri
bygð. Um vorið eftir
fór hann til Eiríks-
fjarðar ok tók sér þar
bústað. Hann fór það sumar í hina
vestri óbygð og gaf víða örnefni.
Hann var annan vetur í Eiríks-
hólmum við Hvarfsgnípu. En hið
þriðja sumar fór hann allt norður til
Snæfells og inn í Hrafnsfjörð, þá
lézt hann kominn fyrir botn Eiríks-
fjarðar. Hvarf hann þá aftur og var
hinn þriðja vetur í Eiríksey fyrir
mynni Eiríksfjarðar.“
B. Textinn er eftir C.C. Rafn og
er úr skinnhandriti Eiríkssögu
rauða.
„Hann var hinn fyrsta vetur í Ei-
ríksey nær hinni eystri bygð, um
vorið eftir fór hann til Eiríksfjarðar
ok tók sér þar bústað. Hann fór það
sumar í hina vestri úbygð, ok gaf
víða örnefni. Hann var annan vetur
í Hólmum við Hrafnsgnípu; en hinn
þriðja sumarið fór hann til Íslands.“
Hér gerist það ótrúlega á milli
tveggja fræðimanna, þeir samlesa
ekki textana hvor frá hinum og
slysið verður. Danir taka texta B og
það handritið af sögu Eiríks rauða
og staðsetja í Eystribyggð í suður-
hluta danska Grænlands. Fræði-
menn sem lásu GHM eftir 1845
hefðu átt að sjá misræmið á milli A-
og B-útgáfu að ferðasögu Eiríks
rauða inn Eiríksfjörðinn og að Ei-
ríksey í Eiríksfirði með Snæfell í
botninum á Eiríksfirði.
Rökvillur
Inuitar í Nunavut og Nunavik
sendu mér mjög góðar upplýsingar
um siði sína og venjur, þar koma
fyrir orðin Thule ruins og Thule
ancestors mjög víða. Ég spurðist
fyrir um uppruna orðsins en var þá
bent á að tala við mannfræðinginn
Robert Park hjá Waterloo-
háskólanum í Kanada. Þegar ég
hafði samband við Róbert þá vísaði
hann í Dani og rannsóknir þeirra á
Thule-fólkinu í Norður-Grænlandi
frá árinu 1924. Hér var ég kominn
hringinn inn á svæði íslensku land-
nemanna í Norðursetri.
Brattahlíð, bæ Eiríks rauða á Ei-
ríksey í Eiríksfirði, er holað niður
syðst í danska Grænlandi. Það er
fyrir mig ráðgáta hvernig það er
hægt á þessum stað. Þar innaf á að
vera Snæfell og Norðursetur. Ég
undrast það að enginn skuli sjá
þessa alvarlegu rökvillu árin sem
hafa liðið frá 1845. Þetta eru 168 ár.
Lesendum mbl. er boðið í smá
ferðalag til íslenska Grænlands á
vefinn: www.oldgreenland.com.
Þar finnur þú Eiríksey og Bratta-
hlíð Eiríks rauða.
Danskar rök-
villur um íslenska
Grænland
Eftir Guðbrand
Jónsson
» Það er kaldhæðn-
islegt að geta sagt í
janúar 2013, að enn hafa
Danir ekki fundið skatt-
land sitt, nýlendu Eiríks
rauða, Grænland.
Höfundur er flugmaður og starfaði
í danska Grænlandi áður fyrr.
Guðbrandur Jónsson
Iðnaðarvélar
fyrir fagmenn
Síðumúla 11, 108 Reykjavík,
sími 568 6899, vfs@vfs.is
www.vfs.is
Sjálfdekkjandi
hjálmur
Styrkleiki: 9-10 Din
Verð kr. 16.900.-
Telwin Telmig 180 turbo 1
fasa MIG/MAG Þráðsuðuvél
Einföld og sterkbyggð, jarðkapall
og Mig byssa fylgir.
Verð kr. 125.000.-
Gold G3
er koparhúðaður gegn-
heill alhliða (SG2)G3 MIG/
MAG suðuvír fyrir suðu
í lág og óblönduðu stáli
með togþol allt að 550N/
mm 2
15 kg rúlla 0,8 – 1,0 –
1,2 kr. 6.900.-
5 kg rúlla kr. 3.900.-
1 kg rúlla kr. 1.200.-
Aukablað alla
þriðjudaga