Morgunblaðið - 24.01.2013, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 24. JANÚAR 2013
Ingveldur Geirsdóttir
ingveldur@mbl.is
Sunnlendingurinn Fanný Sigurðar-
dóttir á aldarafmæli í dag. Hún dvel-
ur á hjúkrunarheimilinu Ljósheimum
á Selfossi. Þegar blaðamaður hafði
samband við Fannýju í gær til að fal-
ast eftir viðtali vegna 100 ára af-
mælisins fannst henni það ekkert
mjög merkilegur áfangi en féllst þó á
stutt símaviðtal. „Fólkið mitt ætlar að
halda einhverja veislu, meira veit ég
ekki. Sonardóttir mín sagði að ég
kæmist ekki upp með annað; ef ég
ætlaði ekki að slá upp partíi þá gerðu
þau það,“ sagði Fanný spurð hvort
hún ætlaði að halda upp á afmælið.
Fanný er við góða heilsu og segir
marga manneskjuna á sama aldri og
miklu yngri vera við verri heilsu en
hún. Góða heilsu þakkar hún Guði.
Fanný hefur líka lifað heilsusamlega,
aldrei reykt eða drukkið. Hún segist
þó lítið hafa hugsað um aldurinn, bara
göslast áfram, hlegið og látið sig hafa
það.
Heldur upp á Vestmannaeyjar
Fanný er fædd í Varmahlíð undir
Eyjafjöllum 24. janúar 1913. Af tólf
hálfsystkinum hennar er ein systir á
lífi, Kristjana Sigurðardóttir í Vest-
mannaeyjum, sem er orðin 97 ára að
aldri.
„Ég er Seyðfirðingur í aðra ættina
og Rangæingur í hina. Ég hef alltaf
verið hér á Suðurlandi og tel mig
Sunnlending. Ég er fædd undir Eyja-
fjöllum en var mikið í Vestmanna-
eyjum sem barn, mamma var alltaf
þar á meðan hún lifði, svo ég held
mikið upp á Vestmannaeyjar,“ segir
Fanný.
Frá árinu 1956 hefur hún búið á
Selfossi þar sem hún vann meðal ann-
ars á símstöðinni lengi vel. Maður
Fannýjar var Halldór Árnason, skrif-
stofumaður og bifreiðastjóri, en hann
lést 1986. Sonur þeirra er Ómar Þór
Halldórsson. Hann á þrjár dætur og
eru langömmubörn Fannýjar orðin
nokkur. „Þetta gengur allt sinn gang
ágætlega,“ segir Fanný um fjölgun
afkomenda.
Fanný hefur aðeins fengist við rit-
störf en hún skrifaði endurminningar
um móður sína eftir að hún lést. „Síð-
an hef ég skrifað eina ferðasögu og
draumana mína, mig dreymdi ógur-
lega mikið. Þórður í Skógum hefur
séð um að gefa þetta út í tímaritunum
Goðasteini og Eyjaskinnu.“
Fanný hefur dvalið á Ljósheimum í
nokkur ár, en hvernig líða dagarnir
þar? „Þeir líða eins og venjulega hjá
fólki. Ég geri ósköp lítið. Læknirinn
sagði þegar ég fór hingað að ég mætti
ekki föndra, ég fékk skarlatssótt þeg-
ar ég var krakki og hef aldrei náð mér
upp úr því almennilega.
Að halda einhvers staðar til og
mega ekkert gera er hreint kval-
ræði,“ segir Fanný.
Fanný segist ekki vera mikið af-
mælisbarn en síðan hún kom á Ljós-
heima hafi hún þó alltaf fengið tertu á
afmælisdaginn. „Það er samt fyrir
mestu að heilsan sé sæmileg,“ segir
Fanný hressilega að lokum og hlær.
Góða heilsu þakkar hún Guði
 Fanný Sigurðardóttir á Selfossi er 100 ára í dag  Aldrei reykt eða drukkið og er við góða heilsu
 Vann á símstöðinni og fékkst við ritstörf  Segir dagana líða eins og venjulega hjá fólki
Ljósmynd/Sigmundur Sigurgeirsson
Við góða heilsu Fanný segir marga manneskjuna á sama aldri og miklu yngri vera við verri heilsu en hún.
Um nýliðin áramót voru 27 ein-
staklingar á lífi hér á landi sem
gætu náð 100 ára aldri á árinu
2013 ef þeim endist aldur til.
Tíu náðu þeim áfanga á síðasta
ári, níu af þeim eru enn á lífi.
Um áramótin voru 43 Íslend-
ingar á lífi sem hafa náð hundr-
að ára aldri, 37 konur og sex
karlar. Guðríður Guðbrands-
dóttir úr Dalasýslu er elst
kvenna, 106 ára og átta mán-
uðum betur. Gissur Ó. Erlings-
son úr Norður-Múlasýslu er
elstur karla, 103 ára og tíu mán-
aða.
Þeir Íslendingar sem ná
hundrað ára aldri fá sent heilla-
óskaskeyti frá forseta Íslands á
afmælisdaginn. Slíkt mun hafa
tíðkast í nokkra áratugi, sam-
kvæmt upplýsingum frá Jónasi
Ragnarssyni, sem heldur úti
facebooksíðu um langlífi.
Árið 1995 hætti Trygginga-
stofnun ríkisins að senda
hundrað ára Íslendingum pen-
ingagjöf, en þá nam hún 25 þús-
und krónum. Slíkt hafði verið
gert reglulega síðan 1978 og af
og til frá 1951. Jónas segir að
litið hafi verið á þessa upphæð
sem eins konar aukalífeyr-
isgreiðslur í tilefni aldursins.
27 gætu orðið
100 ára 2013
100 ÁRA OG ELDRI
Hólmfríður Gísladóttir
holmfridur@mbl.is
Sala á dýrari fasteignum er komin á
svipað ról og hún var fyrir banka-
hrun, segir Sverrir Kristinsson, lög-
giltur fasteigna-
sali og einn
eigenda Eigna-
miðlunar. Á fast-
eignavef mbl.is,
sem er mest sótti
fasteignavefur
landsins, eru um
tíu einbýlishús
auglýst til sölu á
yfir 100 milljónir
en Sverrir segir
hægt að gera
hagkvæm kaup á slíkum eignum um
þessar mundir.
„Við seljum alltaf nokkrar svona
eignir á hverju ári og erum alltaf
með kaupendur á skrá sem eru að
leita að eignum fyrir á bilinu 100-
200 milljónir,“ segir Sverrir. Hann
segir eftirspurnina þó misjafna eftir
hverfum. „Það hefur verið meiri eft-
irspurn en framboð eftir einbýlum í
Vesturbæ og Fossvogi og svo höf-
um við líka verið að selja dýrari hús
í Garðabæ og nágrenni Elliða-
vatns.“
100 milljóna króna lóðir
Sverrir, sem hefur starfað við
fasteignasölu í rúm 40 ár, segir sölu
dýrari fasteigna aftur hafa tekið við
sér árið 2010 eftir að hafa hrunið
með bönkunum 2008 og salan 2011
og 2012 hafi verið prýðisgóð. Hann
segir að miðað við kostnaðarverð
geti kaupendur gert góð kaup í slík-
um eignum.
„Árið 2007 fengum við jafnvel yf-
ir 100 milljóna króna tilboð í lóðir
sem ekki var tekið. Dýrustu lóð-
irnar fengust ekki keyptar á nema
yfir 100 milljónir,“ segir hann.
Sverrir segir dýrari einbýlishúsin
yfirleitt verðsett á bilinu 100-150
milljónir króna, sjaldgæft sé að fá
hús á sölu nærri 200 milljónunum.
Hvað kaupendurna varðar segir
hann einhvern fjölda þeirra Íslend-
inga sem eru að snúa aftur eftir að
hafa dvalið erlendis. Útlendingar
fjárfesti hins vegar frekar í dýrari
íbúðum, sem einnig hafi verið að
seljast vel síðustu tvö, þrjú ár.
Ekki endilega einhver lúxus
Sverrir vill ekki meina að í öllum
tilfellum sé um lúxuseignir að ræða,
enda sé það smekksatriði hvað fólk
flokki sem lúxus. Húsin eigi það þó
sameiginlegt að vera vel úr garði
gerð.
„Það er nú bara breytilegt hvort
þetta er gamalt og svolítið hefð-
bundið eða nýtt og einhver lúxus.
Smekkur manna er misjafn, en
þetta eru góð og vönduð hús.“
Sala dýrari eigna
hefur náð sér á strik
 Eftirspurnin umfram framboð í einhverjum hverfum
Ljósmynd/Eignamiðlun
Heima Þetta einbýlishús, sem stendur við Lindarbraut á Seltjarnarnesi, er
til sölu fyrir 170 milljónir. Það er 451 fermetri og var byggt árið 2009.
Sverrir
Kristinsson
TILBOÐ
á 1 lítra
Kókómjólk
Fiskistofa hefur dregið til baka at-
hugasemdir sem hún gerði fyrr í
mánuðinum um samanlagðar afla-
hlutdeildir HB Granda. Þá kom
fram á vef Fiskistofu að fyrirtækið
væri komið yfir 12% leyfilegt há-
mark úthlutaðrar heildaraflahlut-
deildar með alls 12,14%. Fyrirtækið
er eftir endurreikning með 11,95%
hlutdeilda.
Á vef Fiskistofu segir meðal ann-
ars um málið:
„Fyrir mistök voru hlutdeildir í
þorski í Barentshafi og rækju á
Flæmingjagrunni
ranglega hafðar
með í útreikning-
unum á aflahlut-
deildunum.
Heildaraflahlut-
deild fyrirtækja
hefur nú verið
endurreiknuð og
samkvæmt þeim
útreikningum er enginn aðili yfir
leyfilegum mörkum heildar-
verðmæta aflahlutdeilda skipa í
eigu eins aðila.“ aij@mbl.is
HB Grandi var ekki
yfir hámarkinu
 Fiskistofa dregur athugasemdir til baka