Morgunblaðið - 28.03.2013, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 28. MARS 2013
Þórunn Kristjánsdóttir
thorunn@mbl.is
„Staðan er mjög slæm í samfélaginu.
Maður horfir upp á fólk vera mat-
arlaust síðustu tíu daga mánaðarins.
Svo verður maður vitni að því að Al-
þingi samþykkir að senda 24 millj-
arða í neyðaraðstoð til annarra þjóða.
Hvernig getur jafn illa stödd þjóð og
okkar hjálpað öðrum þjóðum,“ segir
Ásgerður Jóna Flosadóttir, formað-
ur Fjölskylduhjálpar Íslands.
Matarúthlutun Fjölskylduhjálp-
arinnar fór fram í gær, á tveimur
stöðum; í Reykjavík og í Reykja-
nesbæ. Gert er ráð fyrir að um 700 til
800 fjölskyldur hafi þegið mat-
arúthlutun fyrir páska.
„Þetta er enginn hátíðar páska-
matur sem er í boði. Við erum hrein-
lega að hugsa um að vera með mat –
þetta snýst um að gefa fólki maga-
fylli. Okkur áskotnuðust um 400
páskaegg. Það er alltaf erfitt að velja
úr hverjir eiga að fá en við reynum að
gefa þeim egg sem eru með börn
yngri en tíu ára,“ segir Ásgerður
Jóna.
Fólk er ekki skráð fyrirfram, held-
ur mætir það á staðinn og er skráð
inn í tölvukerfi, þar sem hagir og fjöl-
skyldustærð kemur fram.
Ásgerður er ómyrk í máli og segir
marga skjólstæðinga standa frammi
fyrir því að velja á milli þess að leysa
út lyfin sín eða kaupa í matinn. Þá
segir hún alltaf nýtt fólk bætast í
hópinn og margir sem komi til henn-
ar séu hreinlega búnir að gefast upp.
Kirkjan greiðir inn á kort
Hjálparstarf kirkjunnar er ekki
með sérstaka matarúthlutun fyrir
páska líkt og Fjölskylduhjálpin. Fyr-
irkomulagið er með þeim hætti að
Hjálparstarfið greiðir inn á kort við-
komandi einstaklings sem hann nýt-
ir til matarkaupa. Þessi háttur var
tekinn upp í maí 2011, þar sem beðið
er um upplýsingar um tekjur og út-
gjöld áður en einstaklingar fá greitt.
Áður gaf Hjálparstofnunin mat-
arpoka.
Sami háttur verður hafður á um
páskana, að sögn starfsmanns
Hjálparstofnunarinnar.
Morgunblaðið/Árni Sæberg
Matarúthlutun Fjölskylduhjálp Íslands úthlutaði mat til 700 til 800 fjölskyldna í gær, í Reykjavík og í Reykjanesbæ.
Fólk matarlaust síð-
ustu daga mánaðarins
 Enginn hátíðarmatur hjá Fjölskylduhjálpinni
Héraðsdómur Reykjavíkur hefur
dæmt íslenska ríkið til að greiða
Hópbílaleigunni rétt tæpar 250
milljónir króna í skaðabætur vegna
missis hagnaðar sem fyrirtækið
hefði notið ef Vegagerðin hefði
ekki ákveðið að hafna tilboðum
Hópbílaleigunnar í sérleyfisakstur
og skólaakstur á Suðurlandi og
Suðurnesjum.
Dómstólar höfðu áður komist að
þeirri niðurstöðu að íslenska ríkið
væri skaðabótaskylt og höfðaði því
Hópbílaleigan skaðabótamál.
Í þeim dómi sagði að ekkert hefði
komið fram um að Hópbílaleigan
hefði ekki uppfyllt þau skilyrði um
fjárhagslegt og tæknilegt hæfi sem
fólust í útboðsgögnum um akst-
urinn á Suðurlandi og Suð-
urnesjum.
Hópbílaleigan hefði verið með
hagstæðasta tilboðið í aksturinn og
því hefði Vegagerðinni ekki verið
heimilt að hafna tilboði fyrirtæk-
isins á þeim forsendum að það hefði
ekki fjárhagslega og tæknilega
burði til að standa við tilboð sitt.
Ákvörðun Vegagerðarinnar
hefði því brotið gegn ákvæðum
laga um útboð.
Ríkið dæmt til að
greiða 250 milljónir
 Vegagerðinni óheimilt að hafna tilboði
Morgunblaðið/Ernir
Guðlaugur
Þór Þórð-
arson og Pét-
ur H. Blöndal,
þingmenn
Sjálfstæð-
isflokksins,
hafa sent
Helga Hjörv-
ar, formanni
efnahags- og
viðskiptanefndar Alþingis, bréf
þar sem þeir fara fram á fund í
nefndinni til að ræða hugs-
anlega sölu banka til lífeyr-
issjóðanna.
Í bréfinu segir að þingmenn-
irnir telji mikilvægt að upplýsa
hvað sé hæft í fréttum um hugs-
anlega sölu og hvaða áhrif það
geti haft á íslenskt efnahagslíf.
Óska þeir eftir því að for-
svarsmenn Seðlabanka Íslands,
lífeyrissjóða og slitastjórna
ásamt fjármálaráðherra verði
viðstaddir fundinn.
Vilja ræða hugs-
anlega sölu banka
í þingnefnd
Framkvæmdasýsla ríkisins hefur
ákveðið að taka tilboði Ístaks hf. í
jarðvinnu og nýlagnir veitna vegna
nýrrar fangelsisbyggingar á Hólms-
heiði. Ístak átti næstlægsta tilboð í
verkið. Áformað er að bjóða út
byggingu fangelsisins í apríl eða
maí þannig að framkvæmdir við
hana geti hafist í sumar.
Átta verktakar buðu í jarðvinnu
við fangelsið. Grafa og grjót ehf.
átti lægsta tilboð, tæpar 95 millj-
ónir kr. og tilboð Ístaks var rúmri
milljón hærra. Framkvæmdasýsla
ríkisins tilkynnti bjóðendum í gær
að ákveðið hefði verið að taka til-
boði Ístaks. Óskar Valdimarsson,
forstjóri Framkvæmdasýslunnar,
gefur þær skýringar að lægstbjóð-
andi hafi ekki uppfyllt allar kröfur
sem gerðar eru til tilboða og því
hafi næstlægsta tilboði verið tekið.
Í útboðum ríkisins er þess krafist
að bjóðendur leggi fram með tilboði
gögn um ýmis fjárhagsmálefni og
um burði til að vinna verkið. Að
óbreyttu mun samningur Ístaks og
Framkvæmdasýslu ríkisins öðlast
gildi eftir tíu daga og þá getur fyr-
irtækið hafist handa við verkið.
Framkvæmdasýslan áætlaði að
verkið myndi kosta rúmar 100
milljónir kr. og er tilboðið því 4
milljónum undir áætlun. Óskar
kveðst ánægður með að nokkur til-
boð hafi verið undir kostnaðaráætl-
un. Fimm tilboð voru þó yfir áætl-
un, það hæsta upp á 142 milljónir
kr.
3.600 fermetra bygging
Fangelsið verður á lóð númer 9
við Nesjavallaleið. Það verður um
3.600 fermetrar að grunnflatarmáli.
Fangelsinu er ætlað að vera gæslu-
varðhalds- og móttökufangelsi með
deild fyrir kvenfanga. Í því verða
56 fangaklefar. helgi@mbl.is
Næstlægsta tilboði tekið
 Ístak hlutskarpast í útboði á jarðvinnu og lögnum nýs fangelsis á Hólmsheiði
 Bygging fangelsishússins verður boðin út í apríl eða maí og smíði hefst í sumar
Teikning/Arkís
Náttúrulegt Fangelsið á Hólmsheiði verður klætt með brúnum málm-
klæðningum úr corten-stáli sem taldar eru ríma vel við umhverfið.
Páskana í ár ber upp seint í marsmánuði. Flest fyrirtæki og stofnanir
greiða laun fyrsta virka dag mánaðarins og fá flestir útborgað þriðjudag-
inn 2. apríl, eftir páska.
Töluvert margir hafa spurt Vinnumálastofnun, sem greiðir m.a. út at-
vinnuleysisbætur, hvenær greitt sé nú um mánaðamótin og verða margir
vonsviknir þegar þeir fá þau svör að það verði ekki gert fyrr en eftir
páska. Ekki er í deiglunni að greiða út fyrr, þrátt fyrir óskir margra þar að
lútandi, að sögn starfsmanns Vinnumálastofnunar.
Sömu sögu er að segja af Tryggingastofnun ríkisins, en þangað hafa
einnig borist ótal fyrirspurnir um hvort ekki sé greitt fyrir páska. Þau
svör fengust að reglum yrði ekki hliðrað til svo unnt væri að koma til
móts við óskir um að greiða laun fyrir páska.
Ekki útborgað fyrir páska
PÁSKANA BER UPP RÉTT FYRIR MÁNAÐAMÓT
Háaleitisbraut 66, 1O3 Reykjavík, sími 528 44OO
Einnig er hægt að
hringja í söfnunar-
símann 9O7 2OO2,
gefa framlag á
framlag.is,
gjofsemgefur.is eða
á söfnunarreikning
O334-26-886,
kt. 45O67O-O499.
Valgreiðsla hefur verið send í
heimabanka þinn. Með því að greiða
hana styður þú innanlandsaðstoð
Hjálparstarfs kirkjunnar og hjálpar
til sjálfshjálpar.
Hjálpum heima
www.help.is
Hjálparstarf kirkjunnar veitir fjölbreytta
aðstoð á Íslandi. Við hjálpum til sjálfshjálpar.
PI
PA
R\
TB
W
A
•
SÍ
A
•
13
08
10