Morgunblaðið - 28.03.2013, Blaðsíða 12

BAKSVIÐ
Viðar Guðjónsson
vidar@mbl.is
„Þetta var nánast eins og á Lauga-
veginum,“ segir Andri Jóhannes-
son, þyrluflugmaður Landhelgis-
gæslunnar, um þá bílaumferð sem
var á Vatnajökli um næstsíðustu
helgi. Þá var Andri á sveimi í leit
að ferðamanni eftir að neyðarblys
fór á loft við jökulinn. Við nánari
eftirgrennslan var þó enginn í
vanda.
Framundan er mikil ferðahelgi
og margir sækja inn á hálendið.
Páll Guðmundsson, framkvæmda-
stjóri Ferðafélags Íslands, telur
líkur á mikilli umferð um Þórs-
mörk og býst jafnframt við því að
á annað hundrað manns muni
heimsækja Landmannalaugar.
„Við bjóðum upp á 70 manna ferð í
Þórsmörk en annars eru langflest-
ir á eigin vegum þegar þeir fara
inn á hálendið,“ segir Páll. Hann
býst við góðu færi um páskana og
segir jafnframt marga stefna að
Hrafntinnuskeri og í Nýjadal. „Við
erum með skálavörð á þessum
svæðum. Við Hrafntinnusker er
góður skáli með aðstöðu fyrir 70
manns. Það er líka góður skáli í
Nýjadal,“ segir Páll.
Hár eldsneytiskostnaður
Óskar Erlingsson, ritari og vara-
formaður Ferðafélagsins 4x4, segir
að búast megi við því að jeppa-
menn muni fjölmenna á hálendið.
Hann segir þá þróun hafa orðið á
undanförnum árum að jeppamenn
fari í færri, en lengri ferðir. Ferða-
félagið mun sjálft standa fyrir ferð
í Nýjadal. Hann segir að yfirleitt
séu 2-3 einstaklingar í hverjum bíl
í vetrarferðum. „Þú þarft alltaf 40-
50 lítra af eldsneyti á dag. Sumir
bílar nota meira en það,“ segir
Óskar.
Sé tekið mið af 45 lítra eyðslu er
daglegur eldsneytiskostnaður
11.452 kr. á bensínbílum en 11.219
kr. ef bíll er knúinn með olíu. Að
sögn Óskars eru skálagjöld um
3.000 kr. fyrir nóttina. „Þetta er
orðin svolítil upphæð þegar mat-
urinn er tekinn með enda hafa
ferðir dregist saman eftir hrun.
Menn eru kannski að fara í styttri
ferðir en minna er um lengri ferð-
ir. Ef lengri ferðir eru farnar þá
reyna menn að hafa þær færri en
veglegri,“ segir Óskar.
Ólöf Snæhólm Baldursdóttir,
upplýsingafulltrúi Landsbjargar,
segir að björgunarsveitin sé ekki
með sérstakan viðbúnað fyrir
páskahelgina. „Við erum bara
tilbúin og ef veðrið verður gott
megum við búast við útköllum,“
segir Ólöf.
Vel útbúnir bílar skilyrði
Hún segir það sífellt algengara
að aðstoða þurfi göngufólk. „Það
eru þúsundir manna á fjöllum í
hvert skipti sem viðrar vel. En við
erum líka meðvituð um að vél-
sleðamenn sækja í fjöllin þegar að-
stæður eru eins og þær eru nú,
nægur snjór en milt í veðri,“ segir
Ólöf.
Hún segir að mestu annir björg-
unarsveitarinnar séu vegna vanbú-
inna bifreiða. „Við leggjum áherslu
á að fólk fari ekki af stað upp á há-
lendi eða heiðar nema vera á vel
útbúnum bílum. Flest útköllin
eru vegna þessa hóps. En
sem betur fer er það ekki oft
vegna slysa,“ segir Ólöf.
Hún minnir á að fjallveg-
irnir eru lokaðir að vetri til.
„Þú ferð ekki á fjölskyldu-
bílnum á rúntinn að Land-
mannalaugum. Þú þarft
bíl með 44 tomma dekkj-
um til að komast leiðar
þinnar og verður að
vera í hópi með öðr-
um bílum,“ segir Ólöf.
Varasamt hálendið heillar
 Mikil ferðahelgi framundan  Ferðafólk á hálendi þarf að vera við öllu búið  Þúsundir í gönguferð-
um  Landsbjörg þarf oftast að aðstoða fólk á vanbúnum bílum  Dýrt að ferðast um á jeppa
Í jeppaferð Margir hyggjast ferðast um páskahelgina og þá er betra að hafa varann á. Landsbjörg og Neyðarlínan
hafa komið upp sérstöku öryggiskerfi fyrir ferðafólk. Hægt er að kynna sér nánar hvað í því felst á savetravel.is.
12 FRÉTTIRInnlent
MORGUNBLAÐIÐ FIMMTUDAGUR 28. MARS 2013
Veðrið er helsti óvissuþátturinn
þegar ferðast er að vetrarlagi.
Það getur breyst skyndilega og
gert ferðalög erfið eða ómögu-
leg. Fjölmörg dæmi eru um að
illa hafi farið við slíkar að-
stæður en með góðum undir-
búningi og réttri ferðahegðan
er hægt að koma í veg fyrir það.
Undanfarna mánuði hafa
Slysavarnafélagið Landsbjörg
og Neyðarlínan unnið að því að
setja upp kerfi sem getur tekið
við og vaktað ferðir ferða-
manna. „Fólk getur skilið eftir
ferðaáætlunina sína og sagt frá
því hvenær það kemur til baka.
Síðan þegar sá tími rennur upp
þegar það á að vera komið til
baka fær það sent sms og sjálf-
virkan tölvupóst. Fólk svarar
því með sms-sendingu eða
svarpósti og segist vera kom-
ið til byggða. Ef það svarar
ekki þá hefst eftirgrennslan
og ef ekki næst í fólkið
verður gripið til frekari
aðgerða,“ segir Ólöf
Snæhólm Baldursdóttir.
Ferðafólk getur feng-
ið frekari upplýs-
ingar um útbún-
að og öryggi
á vefnum
savetra-
vel.is.
Öryggiskerfi
ferðafólks
NEYÐARKERFI Í NOTKUN
Ólöf Snæhólm
Baldursdóttir
Velkomin í
Landsbankann
Landsbankinn býður viðskiptavinum sínum fjölbreytt
úrval sparnaðarkosta við allra hæfi. Við leggjum
áherslu á persónulega þjónustu, ábyrga ráðgjöf og
upplýstar ákvarðanir. Verið velkomin í Landsbankann.
Framúrskarandi
ávöxtun
Sparibréfa