Morgunblaðið - 28.03.2013, Blaðsíða 16

Innlent
MORGUNBLAÐIÐ FIMMTUDAGUR 28. MARS 2013
ÚR BÆJARLÍFINU
Skapti Hallgrímsson
Akureyri
Samherji hefur allar klær úti til að
koma ferskum fiski á markað. Þor-
steinn Már Baldvinsson, forstjóri fé-
lagsins, sagði skemmtilega sögu í
þessu sambandi, í hófi sem haldið
var í KA-heimilinu í tilefni styrkj-
anna sem sagt er frá hér til hliðar.
  
„Söludeildin vakir yfir öllu
lausu rými í flugvélum sem héðan
fara, hvort sem um er að ræða fragt-
flugvélar eða farþegavélar. Til
marks um umsvifin get ég nefnt að
Samherji hefur átt fisk í 17 flug-
vélum frá Íslandi einu og sömu
helgina á hinum ýmsu Evr-
ópuleiðum: Magnið er allt frá 100
kílóum í hverri vél upp í 10-12 tonn.“
  
Haustið 2012 hélt hljómsveitin
Sigur Rós tónleika á Iceland Airwa-
ves-hátíðinni en hélt að þeim loknum
í tónleikaferð til meginlands Evr-
ópu. „Vegna þess hve hljómsveitin
var með mikið af búnaði hafði hún
sína eigin vél til afnota. Og auðvitað
frétti söludeild Samherja af þessum
flutningsmöguleika. Til að gera
langa sögu stutta tókst henni að
koma fjögur þúsund kílóum af fersk-
um fiski í vélina, innan um öll hljóð-
færin og tækjabúnaðinn – með ljúfu
samþykki Sigur Rósar!“
  
Eitt frægasta lag Sigur Rósar er
Viðrar vel til loftárása. Segja má að
Samherji, eins og Sigur Rós, taki
þátt í loftárásum – jákvæðum – á
Evrópu þegar þess þarf með.
  
Þorsteinn Már sagði rekstur
Samherja og tengdra félaga hafa
gengið vel í fyrra þótt hann hafi
þyngst þegar leið á árið. „Fiskverð á
helstu mörkuðum hafa fallið og sam-
keppnin er mun harðari en fyrr. Það
segir sína sögu um það hve stöð-
ugleiki og afhendingaröryggi hafa
mikið að segja í alþjóðlegum við-
skiptum með matvæli að verð á
norskum eldislaxi hefur ýmist staðið
í stað eða hækkað á sama tíma og
verð á þorski hefur lækkað um allt
að 30% á heimsmarkaði á síðustu
mánuðum.“
  
„Ástæðan er einföld. Það er eins
og oft áður neytendur eru tilbúnir til
að greiða hátt verð fyrir afhending-
aröryggi og stöðugleika – fyrir þá
vissu að fá alltaf afurðirnar afhentar
á tilteknum stað á tilsettum tíma allt
árið um kring.“
  
Forstjórinn segist í mörg ár hafa
bent á hve mikilvæg og verðmæt
tengingin á milli veiða, vinnslu og
markaðsstarfs, sé. „Ef allir þessir
þættir eru á sömu hendi – eins og
þeir eru hjá Samherja – þá gefur það
möguleika til aukins afhendingarör-
yggis og þar með hærra og stöðugra
afurðaverðs til lengri tíma litið.“
  
Þorsteinn sagði að á sama tíma
og ein stærsta fiskvinnsla Noregs
hefði gripið til þess að senda starfs-
fólk heim og tilkynnt að vinnslan
verði lokuð allan aprílmánuð vegna
slæmra aðstæðna á helstu mörk-
uðum fyrir þorsk „hafið þið í land-
vinnslu Samherja unnið 10 tíma á
dag að undanförnu, og við ætlum að
vinna á annan í páskum, til að fram-
leiða upp í pantanir,“ sagði forstjór-
inn og beindi orðum til starfsmanna,
sem voru fjölmargir á samkomunni.
  
Kristján Vilhelmsson, hinn Sam-
herjafrændinn og framkvæmda-
stjóri útgerðarsviðs, ávarpaði sam-
komuna í og sagði hafa allra bæja
best stutt og hlúð að íþróttum, „en
ég get ekki látið vera að nefna hér að
ég á mér draum. Ég á mér þann
draum að Skíðafélag Akureyrar fái
heimavöll til æfinga og keppni og
þurfi ekki að deila velli sínum með
ferðafólki, sem er þó að sjálfsögðu
velkomið í fjallið. Það á bara ekki
samleið í brekku með afreksíþrótta-
manninum. Ég hef áður nefnt þetta
við forsvarsmenn íþróttamála hér en
finnst efni til að endurtaka þessa
draumsýn mína.“
  
Tvær milljónir króna söfnuðust í
Mottuboði Klúbbur Matreiðslu-
meistara á Norðurlandi í samstarfi
við Krabbameinsfélag Akureyrar og
nágrennis í síðustu viku. Þangað
mættu um 300 gestir. Hver einasta
króna rennur til Krabbameins-
félagsins.
  
Áhöfnin á frystitogaranum
Kleifabergi bauð hæst í áritaða
treyju þýska handboltaliðsins THW
Kiel (sem Akureyringurinn Alfreð
Gíslason þjálfar), 285.000 krónur og
alls söfnuðust 730.000 á uppboði sem
Sigurður Guðmundsson, kaupmaður
og bæjarfulltrúi stjórnaði.
Morgunblaðið/Skapti Hallgrímsson
Samherjar Fulltrúar þeirra félaga og samtaka fengu styrki frá Samherja, ásamt forráðamönnum fyrirtækisins.
Jákvæðar „loftárásir“ á Evrópu
Ljósmynd/Auðunn
Glaður Gylfi Víðisson tók við Kiel-
treyjunni góðu fyrir hönd áhafnar á
Kleifaberginu.
Sinfóníuhljóm-
sveit Norður-
lands, Ungsveit
Sinfóníuhljóm-
sveitar Íslands og
nemendur Tón-
listarskólans á
Akureyri sam-
eina krafta sína á
stórtónleikum að
venju í dag, skír-
dag. Ferðast er
um tímann þar sem ólíkar tónlist-
arstefnur kallast á og boðið upp á
ástríðufulla sinfóníutónlist og magn-
aða kvikmyndatónlist.
Á efnisskránni er Sinfónía nr. 6,
Pathétique, eftir Pjotr Tchaikovsky
og svíta eftir John Williams úr
Stjörnustríði, Star Wars.
Pathétique er síðasta sinfónía tón-
skáldsins og af mörgum talin eitt
það stórbrotnasta. Tchaikovsky
stjórnaði frumflutningi þess í St.
Pétursborg og lést 9 dögum síðar.
John Williams hefur samið tónlist
við fjölmargar stórkvikmyndir,
þ. á m við Stjörnustríðsmyndirnar
sex. Tónlistin í þeim þykir mikil-
fengleg og undir sterkum áhrifum
frá síðrómantískum tónskáldum.
Williams hefur hlotið fjölda verð-
launa, þ. á m. 5 Óskarsverðlaun.
Hljómsveitarstjóri á tónleikunum
er Guðmundur Óli Gunnarsson.
Stjörnustríð
og Pjotr
Tchaikovsky
Guðmundur
Óli Gunnarsson
Fossil
13.900 kr.
Fossil
21.800 kr.
Jacques Lemans
28.900 kr.
Laugavegi 15 - 101 Reykjavík
Sími 511 1900 - www.michelsen.is
Góðar
fermingar-
gjafir
Jacques Lemans
28.900 kr.
Jacques Lemans
23.400 kr.
Casio
5.600 kr.
Skoðaðu úrvalið
á michelsen.is
Brammer Ísland ehf | Steinhella 17a | 221 Hafnarfjörður | Sími: 522 6262 | www.brammer.is
Heimsþekkt vörumerki frá öllum helstu framleiðendum í iðnaðarvörum og þetta er aðeins brot af þeim merkjum sem við bjóðum upp á
Legur og drifbúnaður
Verkfæri og öryggisvörurLoft- og vökvakerfi