Morgunblaðið - 28.03.2013, Blaðsíða 38

38 DÆGRADVÖL
MORGUNBLAÐIÐ FIMMTUDAGUR 28. MARS 2013
Stjörnuspá
21. mars - 19. apríl 
Hrútur Að taka sér tíma til þess að hugsa
vandlega áður en maður framkvæmir er það
sem skilur á milli velgengni og óheppni.
Stundum er betur heima setið en af stað far-
ið.
20. apríl - 20. maí 
Naut Þótt til orðaskaks komi milli þín og ná-
ins vinar, skaltu sýna þolinmæði og alls ekki
láta reiðina ná tökum á þér. Taktu þér tíma
því að flas er ekki til fagnaðar.
21. maí - 20. júní 
Tvíburar Eitthvað óvænt mun sennilega
koma upp í vinnunni hjá þér í dag. Mundu að
eina manneskjan sem getur látið þér finnast
þú lítils virði, ert þú sjálf(ur).
21. júní - 22. júlí 
Krabbi Litlu, gætilegu skrefin sem þú tekur
til þess að bæta starfsaðstöðuna leiða til
stórfelldra breytinga. Farðu ekki of geyst og
leyfðu öðrum að njóta sín líka.
23. júlí - 22. ágúst 
Ljón Þú nýtur óvenjumikillar athygli og ættir
því að huga að því hvernig þú kemur fyrir.
Hvers konar vinur ertu? Myndir þú vilja vera
vinur þinn? Veltu því fyrir þér núna.
23. ágúst - 22. sept. 
Meyja Eðlisávísun þín leiðbeinir þér á örugg-
ar slóðir þó þú vitir ekki af hverju þér stafaði
hætta. Leitaðu þangað sem enginn vinnur
gegn þér.
23. sept. - 22. okt. 
Vog Svo gæti virst sem maður eigi að leysa
hagnýt verkefni fyrst, en hið gagnstæða er
rétt. Samskipti við systkini skipta miklu máli
á næstunni.
23. okt. - 21. nóv.
Sporðdreki Þú þarft kannski að velta skuld-
um þínum og reikningum á undan þér í
augnablikinu. Reyndu að skipuleggja þig bet-
ur og gefðu tómstundirnar ekki upp á bátinn.
22. nóv. - 21. des.

Bogmaður Menn eru samhuga um að láta
hendur standa fram úr ermum og fram-
kvæma. Margar hendur vinna létt verk.
22. des. - 19. janúar 
Steingeit Þú hefur hæfileika til að gæða
gamla hluti nýju lífi og getur gert þér mat úr
því með því að kaupa gamla hluti og gera þá
upp. Gættu þess svo að miklast ekki.
20. jan. - 18. febr. 
Vatnsberi Það er þér kannski daglegt brauð
að bjóða fram ást þina, en hún verður ekki
ómerkilegri fyrir vikið. Skipuleggðu mann-
fagnaði svo þú getir látið þig hlakka til.
19. feb. - 20. mars

Fiskar Þegar þú veist að þú átt betra skilið,
skaltu vera með uppsteyt! Annars heldur fólk
að þér sé sama. Tímasetning þín vekur að-
dáun annarra.
Í klípu
„ÞETTA ER FLOTT HJÁ HENNI, EN
VÆRI ÖRUGGLEGA BETRA Í HD.“
eftir Mike Baldwin eftir Jim Unger
„HANN NOTAR ÞETTA SKILTI
ÞEGAR HANN FINNUR EKKI
FÖLSKU TENNURNAR SÍNAR.“
Hermann
Ferdinand
Hrólfur hræðilegi
Grettir
... endingargóð.
BRAUTAR
ÖRÐUR
MUNIÐ, MÍNIR MENN, ÞAÐ
SKIPTIR EKKI MÁLI HVORT VIÐ
VINNUM EÐA EKKI, HELDUR AÐ
VIÐ BERJUMST DRENGILEGA!
ÞETTA VAR VERSTA
HVATNINGARRÆÐA SEM
ÉG HEF HEYRT!
VIÐ ÆTTUM AÐ FERÐAST
OG SKOÐA HEIMINN!
EÐA, Í
STAÐINN
...
VIÐ FÖRUM AÐ
GLUGGANUM OG
HORFUM ÚT.
ÓKEY ...
Víkverji hefur rekið sig á það aðfólk er misjanflega viðkvæmt
fyrir drasli. Sumum finnst hlýlegt að
hafa stafla af blöðum og bókum í
kringum sig, en aðrir vilja hafa autt
borð og þurfi eitthvað að vera á
borðinu verði það að liggja hornrétt
og uppfylla allar kröfur um snyrti-
mennsku. Víkverji dagsins er í fyrr-
greinda hópnum. Hann lifir enn á
frétt, sem hann las fyrir mörgum ár-
um á forsíðu Morgunblaðsins þess
efnis að hinir skipulögðu eyddu svo
miklum tíma í skipulag að á end-
anum sparaði maður tíma á því að
hafa öll sín gögn á tjái og tundri og
leita í haugunum þegar á þyrfti að
halda. Víkverja finnst þetta ágætt
fyrirkomulag og á iðulega auðveld-
ara með að finna hluti í óreiðunni en
eftir að hann hefur verið knúinn til
að taka til.
x x x
Víkverji er þó nokkuð viss um aðglundroðakenningin, sem reifuð
er hér fyrir ofan, eigi fremur við um
einstaklinga en stofnanir. Hann sér
til dæmis ekki fyrir sér að Þjóð-
skjalasafnið yrði starfhæft ef allt
væri þar í óflokkuðum bunkum og
síðan yrði einfaldlega farið í gegnum
bunkana þegar á gögnum þyrfti að
halda. Slíkt gengi sennilega ekki
heldur á bókasöfnum, hjá skatt-
inum, lögreglunni eða Trygg-
ingastofnun.
Víkverji verður þó að viðurkenna
að þótt honum sé annt um glund-
roðakenninguna verður endrum og
sinnum að taka til – rýma fyrir nýju
drasli, ef svo má að orði komast.
Plássið er nefnilega ekki ótakmark-
að, ekki einu sinni þótt á Íslandi sé
meira pláss á mann, en almennt ger-
ist í löndunum, sem við berum okk-
ur saman við.
x x x
Víkverji er smátt og smátt að læraað greina á milli drasls, sem er í
notkun eða hann gæti þurft á að
halda, og drasls, sem hann mun
aldrei skoða framar. Í þessum efn-
um er Víkverji kominn með sérstaka
skriðjökulstækni þar sem hann fjar-
lægir það sem er neðst í bunkanum
án þess að hagga efstu lögum hans.
Þannig heldur hann í nýja draslið og
hendir gamla draslinu.
víkverji@mbl.is
Víkverjiskrifar
Lofaður sé Drottinn er ber byrðar vor-
ar dag eftir dag, Guð er hjálpráð vort.
(Sálmarnir 68:20)
Ármann Þorgrímsson yrkir fal-lega vísu um gang tilverunnar:
Gömlumst við og gerumst hrum
glöggt það skrefin sanna
getum aðeins gengið um
götur minninganna.
Pétur Stefánsson er fljótur til
svars:
Löngum gastu leikið þér
í lífsins auðnustræti.
Æskuhreysti hraka fer,
hallar undan fæti.
En Ármann kvíðir engu:
Skítt með þó að skrölti bein
og skrokkar fúni að neðan
brautin virðist breið og hrein
brátt við förum héðan.
Á sólardegi í liðinni viku varð
Pétri Stefánssyni að orði:
Dvína vetrar hretin hér
háar fannir þiðna.
Hlýna grundir. Birtan ber
burtu daga liðna.
Hugur styrkist. Grasið grær.
Glaðnar moldin frjóa.
Flugur suða. Heimur hlær.
Hljómblíð syngur lóa.
Páll Imsland bregður á leik í
limru:
Hann Bjarni nú satsar á sjálfbærni
og sjómennskan er orðin hálfbærni.
Því hafa menn trú
á Heimaey nú
að hentugust reynist oss álfbærni.
Kerlingin á Skólavörðuholtinu er
söm við sig:
Eg hef fengið upp í kok
auralaus á sveimi
ein í versta rækalls rok-
rassgati í heimi.
Eins og lesendur Vísnahornsins
fengu að heyra í liðinni viku fékk
kerlingin á Skólavörðuholtinu heim-
boð úr Aðaldal. Sigrún Haralds-
dóttir skrifar: „Kerlingin sat um mig
í morgun. Hún var uppveðruð, hafði
lesið vísuna hennar Fíu í Vísnahorn-
inu og bað mig fyrir þessa kveðju:
Bíður mín nú framtíð fín
fulla af gríni og hlýju
þungi dvín, nú þörf er brýn
að þamba vín með Fíu.“
Fía á Sandi segir ekki amalegt að
eiga von á svona vel yrkjandi og
skemmtilegum drykkjufélaga. „En
nú er bara að drekka í hófi og muna
bragreglurnar og reyna að standa í
kerlingunni.
Flest mín ljóð á leirsins slóð
eru lítið fróð né skír.
En nú þarf fljóð að yrkja óð
afar góð og dýr.
Pétur Blöndal
pebl@mbl.is
Vísnahorn
Af kerlingu, Sandi og
götu minningannaSkotbómulyftarar
mest seldi
skotbómulyftarinn
2012
Vesturvör 32, 200 Kópavogur, Sími 564 1600 islyft@islyft.is - www.islyft.is
Lyftigeta 2.5 til 12 tonn
Fáanlegir með
• Vinnukörfum
• Skekkingju á bómu
• Bómu með lengd allt að 18 metrum
• Roto útfærsla með bómu
allt að 25 metrum