Morgunblaðið - 28.03.2013, Blaðsíða 13

FRÉTTIR 13Innlent
MORGUNBLAÐIÐ FIMMTUDAGUR 28. MARS 2013
stjórn með þessu. Til lengri tíma lit-
ið getur þetta torveldað samræmdar
aðgerðir til að byggja síldarstofninn
upp að nýju og þetta getur líka haft
neikvæð markaðsáhrif. Það er ekki
víst að veiðistjórnin verði viður-
kennd ef veiðin fer fram úr ráðgjöf.
Þannig að við erum að missa annan
mikilvægan flökkustofn á Norður-
Atlantshafinu í þá stöðu að aðilar að
samkomulaginu ná ekki utan um
það sameiginlega. Það eru alltaf
vonbrigði og hættulegt. Við þekkj-
um að það getur orðið talsvert erfitt
að ná slíku saman aftur, þegar það
einu sinni brotnar upp. Það er því
dálítið afdrifarík ákvörðun þegar
einn aðili tekur sig út úr samningi
sem er í gildi. Að því leyti er þetta
ósambærilegt við stöðuna í makríl-
deilunni að hér er búinn að vera um
árabil í gildi samningur. Það er að
því leyti ekki rétt að bera þetta sam-
an við makrílinn, enda hefur Ísland
aldrei komist inn í samning og Fær-
eyingar eru komnir út úr honum, að
segja má, líka. Það er enginn samn-
ingur í gildi um makrílinn, bara ein-
hliða ákvarðanir ríkja eða hópa
ríkja,“ segir Steingrímur.
„Í norsk-íslensku síldinni er sér-
lega mikið í húfi, því til frambúðar
vonum við að þetta verði annar eða
þriðji mikilvægasti uppsjávar-
veiðistofn okkar. Það eru því gríðar-
legir hagsmunir fyrir Ísland að
þetta fari ekki í einhverja vitleysu.“
Leggja til breytta skiptingu
Spurður út í áhyggjur Steingríms
segist Vestergaard munu ræða mál-
ið við Steingrím og aðra ráðherra
strandríkjanna og fulltrúa ESB. Í
þeim viðræðum muni Færeyingar
leggja til breytta skiptingu aflans.
Þá muni færeysk stjórnvöld leggja
fram gögn um dreifingu síldar í fær-
eysku lögsögunni þegar þessir að-
ilar funda næst um málið í október.
„Við erum vongóðir um að samn-
ingar takist um breytta skiptingu,“
segir Vestergaard sem rifjar upp að
Færeyingar séu háðir sjósókn um
tekjuöflun. Sjávarútvegur sé undir-
staða færeysks efnahags.
„Síld, líkt og aðrir fiskistofnar, er
mjög mikilvæg fyrir færeyskt efna-
hagslíf og færeyska sjómenn. Við lít-
um svo á að Færeyingar hafi fengið
of litlum kvóta úthlutað í sam-
komulagi strandríkjanna. Vegna
þessa höfum við ákveðið að auka
kvótann einhliða. Við höfum jafn-
framt beðið strandríkin um að ræða
nýja skiptingu í síldarkvóta milli
ríkjanna. Við höfum aukið síldar-
kvótann og hyggj-
umst veiða upp í
hann á árinu. Við vit-
um að ástand stofns-
ins er ekki gott og
munum huga að því.
Við höfum áhyggjur
af stofnstærð síld-
arinnar en tökum
aðeins lítinn hluta til
okkar,“ segir fær-
eyski sjávarútvegs-
ráðherrann.
Má í þessu samhengi rifja upp að
Færeyingar og Íslendingar eiga í
deilum við ESB um makrílinn.
Nýliðunin léleg
Sveinn Sveinbjörnsson, fiskifræð-
ingur hjá Hafrannsóknastofnun,
segir fyrirhugaða veiði Færeyinga
munu koma stofninum illa.
„Nýliðun hefur verið léleg í nokk-
ur ár og síldin kemur ekki inn í
veiðistofninn fyrr en fjögurra til
fimm ára gömul. Stofninn mun því
halda áfram að minnka næstu fjögur
til fimm árin þangað til nýir og betri
árgangar fara hugsanlega að koma
inn. Ef það kemur til dæmis góður
árgangur í þeirri hrygningu sem
verður í mars á þessum stofni, sem
sagt 2013, kemur hann ekki fram í
veiðistofninum fyrr en 2017-18.
Fram að því mun stofninn áfram
fara minnkandi. Ef kvótinn sem
Færeyingar hafa ákveðið kemur
sem viðbót ofan á ráðlagðan afla
gerir það ástandið verra. Það segir
sig sjálft. Það eru þá veiðar umfram
ráðleggingu ef engir aðrir draga úr
veiðum, sem er heldur ólíklegt. Það
sama er að gerast í makrílnum. Þar
hafa Íslendingar og Færeyingar
tekið sér stóran kvóta sem reynst
hefur viðbót við ráðlagðar veiðar.“
Færeyingar stórauka síldarkvóta
 Atvinnuvegaráðherra lýsir yfir áhyggjum af aukningunni í bréfi til sjávarútvegsráðherra Færeyja
 Færeyski ráðherrann segir Færeyinga eiga síldina í færeysku landhelginni  Þá sé kvótinn lítill
Morgunblaðið/Kristján
Síld Færeyingar hafa ákveðið að stórauka síldarkvóta sinn.
Jacob
Vestergaard
Steingrímur J.
Sigfússon
BAKSVIÐ
Baldur Arnarson
baldura@mbl.is
„Síld sem kemur í færeyska land-
helgi er færeysk síld. Hún er ekki
norsk eða íslensk síld. Alþjóða-
hafrannsóknaráðið lagði til að gef-
inn yrði út 619.000 tonna síldarkvóti
í ár. Við höfum ákveðið að kvóti
Færeyinga sé 17% af því, alls um
105.000 tonn. Það er um þreföldun á
afla okkar en hlutdeild okkar var ríf-
lega 5%,“ segir Jacob Vestergaard,
sjávarútvegsráðherra Færeyja, í
símaviðtali frá Þórshöfn um þá
ákvörðun færeyskra stjórnvalda að
stórauka síldarkvótann í ár.
„Ástæðan fyrir þessari ákvörðun
er sá veruleiki sem við blasir í nátt-
úrunni. Síldin er í færeyskri land-
helgi nánast allt árið. Í fyrra kom
síldin inn í lögsöguna í apríl og maí.
Veiðitímabilinu lauk 1. desember í
fyrra. Það var mikið af síld í fær-
eyskri lögsögu nærri allt tímabilið,“
segir ráðherrann um veiðina í fyrra.
Ráðuneytið lýsir yfir áhyggjum
Fram kemur á vef atvinnuvega-
og nýsköpunarráðuneytisins að
Steingrímur J. Sigfússon hafi ritað
Vestergaard bréf þar sem hann lýsi
yfir áhyggjum sínum vegna þess-
arar ákvörðunar Færeyinga.
Steingrímur kveðst aðspurður
ekki vefengja að þjóðréttarlega
standi Færeyingar rétt að hinni ein-
hliða ákvörðun að auka aflann, þar
sem þeir hafi sagt sig frá samning-
unum í haust. „Aukningin sem þeir
taka sér er hins vegar mjög hressi-
leg, eða þreföldun, og setur samn-
inga í uppnám. Við erum svolítið að
missa tökin á samræmdri veiði-
Sveinn
Sveinbjörnsson
J
Ó
N
S
S
O
N
&
L
E
’M
A
C
K
S
•
jl
.i
s
•
S
ÍA
Landsbankinn býður fimm skuldabréfasjóði
sem fjárfesta nær eingöngu í ríkistryggðum
skuldabréfum. Hæstu ávöxtun skiluðu
Sparibréf – óverðtryggð eða 13,2% ávöxtun
á 12 mánaða tímabili.*
Sjóðirnir henta vel til reglubundins
sparnaðar og hafa á síðustu mánuðum
skilað betri ávöxtun en almennir innláns-
reikningar. Einfalt er að kaupa og selja í
sjóðunum og er enginn munur á kaup-
og sölugengi í áskrift.
Fyrirvari: Sparibréf eru verðbréfasjóðir samkvæmt lögum nr. 128/2011 og lúta eftirliti Fjármálaeftirlitsins. Landsbréf hf. er rekstrarfélag Sparibréfa
og Landsbankinn hf. vörslufélag. Áhætta fylgir ávallt fjárfestingu í sjóðum þar sem gengi þeirra getur bæði hækkað og lækkað. Ávöxtun í fortíð gefur
ekki endilega vísbendingu um framtíðarávöxtun. Nánari upplýsingar um Sparibréf má finna í útboðslýsingum eða útdrætti úr þeim á landsbankinn.is
eða á landsbref.is. *Nafnávöxtun sl. 12 mánuði miðað við 28.02.2013.
13,2%
Sparibréf
ÓVERÐTRYGGÐ
Hvaða sparnaðarleið hentar þér? Hafðu samband við Verðbréfa- og lífeyrisráðgjöf í síma 410 4040
og fáðu ráðgjöf eða komdu við í næsta útibúi.
Sparibréf – fimm góðar leiðir til ávöxtunar