Morgunblaðið - Sunnudagur - 09.02.2014, Síða 20

*Heilsa og hreyfingNý rannsókn Capacent sýnir fram á að vinnufíklar eru ekki bestu starfsmennirnir »22
T
ilgangur Landvætta er
ekki flókinn, hann er
að safna félögum,“
segir Ingvar Þórodds-
son, formaður Landvætta. Til
þess að verða Landvættur þarf
að ljúka fjórum íþróttagreinum
á innan við 12 mánuðum. Hins
vegar þarf það ekki að vera
innan hvers almanaksárs og því er hægt að
byrja á hvaða grein sem er.
Greinarnar fjórar eru skíðagöngukeppnin
Fossavatnsgangan, Jökulsárhlaupið, Urriða-
vatnssundið og Bláa lóns þrautin þar sem
keppt er í hjólreiðum. „Þetta er ekki ný hug-
mynd, þetta er íslensk útfærsla á sænskri
keppni sem hefur verið til í mörg ár. Hugs-
unin á bak við Landvættina er að fólk sem
er að hreyfa sig fái auknar áskoranir og
kynnist um leið fjölbreyttari leiðum hreyf-
ingar. Þannig geti hlauparinn keppt í skíða-
göngu, sundgarpurinn í hjólreiðum o.s.frv.
Svo fannst okkur bráðsnjallt að hafa þetta í
hverjum hinna fornu landshluta. Þess vegna
er þessi tenging við Landvættina.“
12 karlar og fimm konur
Landvættirnir standa ekki fyrir neinum
greinum heldur fengu leyfi til að nýta sér at-
burðina fjóra. „Við erum ekki fram-
kvæmdaraðilar að neinum þessara atburða.
Fossavatnsgangan er búin að vera til í ein 50
ár. Bláa lóns þrautin er 15 ára og Jökuls-
árhlaupið var hlaupið í tíunda sinn síðasta
sumar. Þá þurftum við að finna sundið sem
þurfti að vera á Austurlandi. Við höfðum
spurnir af Urriðavatnssundinu sem hafði
verið synt þrisvar sinnum og haldið í vatni
rétt við Fellabæ. Það er ekki eins kalt og
önnur vötn á landinu því þar er heit upp-
spretta sem er meðal annars notuð í hita-
veitu Fellabæjar.
Þessar fjórar greinar þarf maður að klára
á 12 mánuðum en ekki almannaksári.“
Sautján hafa klárað þessar
fjórar greinar nú þegar, 12
karlar og fimm konur, en það
voru mörgum sinnum fleiri
en stjórn Landvættanna
reiknaði með. „Þetta mæltist
vel fyrir og tókst mun betur
en við þorðum að vona,“ seg-
ir Ingvar sem ákvað í kjöl-
farið að boða til fundar til að fjölga félögum.
Gefa fleirum tækifæri
Í farvatninu 2015 er mögueiki á að verða
aukafélagi í félaginu eða Dvergvættur. Kröf-
urnar þar eru tæpur helmingur af land-
vættaafrekinu og 2017 fer vonandi í gang
Landrisinn. „Það var alltaf á áætlun að gefa
fleirum möguleika á einhverskonar þátttöku.
Til að fá nafnbótina Dvergvættur þarf maður
að afreka sömu hluti, skíði, hlaup, sund og
hjól en ekki að fara fullar vegalengdir. Við
fengum leyfi Hjólreiðafélags Reykjavíkur til
að reikna inn í þetta Heiðmerkursprettinn
því það er ekki í boði styttri vegalengd í
Bláa lóns þrautinni. Þá eru hjólaðir 24 kíló-
metrar en það má fara lengra í sumum
þrautum. Til dæmis ef viðkomandi er góður
hlaupari má fara fullt Jökulsárhlaup en hálfa
Fossvatnsgöngu.“
Þá félaga í stjórn Landvætta langar svo
að bjóða upp á Landrisann á árinu 2017 fyrir
heiðursfélaga. „Þá þurfa menn að gera meira
en í Landvættinum en við erum ekki búnir
að ákveða hvernig það verður. Viljum gjarn-
an fá hugmyndir að þrautum og hvaða at-
burðir ættu að vera þarna inni. En því er
ekki að leyna að Laugavegshlaupið, hlau-
pahátíð Vestfjarða og Urriðavatnssundið eru
svolítið spennandi kostir því þetta eru þrjár
helgar í röð yfir sumarið. Við erum nefnilega
ekki bara að einblína á innlendan markað –
maður vonar að í fyllingu tímans vilji ein-
hverjir erlendir gestir koma og gerast Land-
vættir.“
Bláa lóns þrautin Hjólreiðafélag Reykjavíkur hélt fimmtándu Bláa lóns þrautina á síðasta ári.
Morgunblaðið/Golli
DVERGVÆTTUR OG LANDRISINN
Stórhuga
landvættir
FJÖLÞRAUTAFÉLAGIÐ LANDVÆTTIR STEFNIR AÐ ÞVÍ AÐ FJÖLGA FÉLÖGUM
SÍNUM MEÐ NÝJUM ÁSKORUNUM Á NÆSTU ÁRUM.
Benedikt Bóas benedikt@mbl.is
Jökulsárhlaup 220 manns hlupu frá Dettifossi að Ásbyrgi síðasta sumar.
Fossavatnsgangan Í æfingabúðum fyrir Fossavatnsgönguna í ár voru margir hlauparar úr Reykjavík.
Urriðavatnssund
Alls tóku 27 manns þátt í sundinu
í fyrra; 17 karlar og 10 konur.
Morgunblaðið/Sigurður Aðalst
Merki Landvætta